San Mateo 7:11 - Bible in Tzeltal Bachajón

¹¹ Teme ha'ex te chopolex yac ana'ic ya'beyel lequil mahtanil te awal-anich'anic, ¿ma bal c'axuc to xan hich a te Atatic ay ta ch'ulchan ya yac'ticlambe bintic lec te mach'atic ay bin ya xc'ambot yu'unique?

Nuevo Testamento Tzeltal de Amatenango

¹¹ Jich te jaꞌexe te ma tsaꞌamuk awoꞌtanike, pero ya anaꞌik yakꞌel te tut lek ta stojol te awuntikilike. Jaꞌuk to xan a te jTatik te ay ta chꞌulchane ya me yaꞌbeyex te tut lek ya akꞌanike.

Bible in Tzeltal de Oxchuc y Tenejapa

¹¹ Melel te ja'exe, manchuc teme amen awo'tanique, ja'uc me to, ya nax ana'ic yaq'uel te bila lec ta stojol te awal-anich'anique. ¿Ja'uc to bal a te Jtatic te ay ta ch'ulchane? Ya me yac'bey bila lec te mach'a ya sc'anbeye.

San Mateo 7:11 Referans Kwoze

Santiago 1:17

Spisil te bin lec a'bibilotic soc spisil lequil mahtanil talem ta toyol, ta stojol te Tatil yu'un sacal q'uinal, te ma xyanij hich te bin ut'il axinal.

Romanos 8:32

Te mach'a la sloq'ues ta yo'tan te mero Snich'an, te la yac' ta c'abal ta jcuentatic jpisiltic, ¿bin ut'il ma ba pajal ya ya'botic spisil soc a?

Salmos 84:11

Como ha c'ahc'al soc mahquilal te Jehová Dios; ha ya yac' yutsil-o'tanil soc utsilal. Ma ba ya sloq'uesbe te bin lec te mach'atic mayuc bin smulinejic.

San Juan 3:16

Como hich c'ux ta yo'tan Dios te bahlumilal te la sticon tal te hip jtuhl Snich'an, scuenta yu'un spisil te mach'atic ya sch'uhunic ma ba ya xch'ayic, ay scuxlejalic sbahtel q'uinal yu'un.

Isaías 49:15

¿Ya bal xch'ay ta yo'tan te ants te yal te la ya'be schu', yu'un ma ba ya sc'uxultay te mach'a la yalatay? ¡Aunque ya xch'ay ta yo'tan te yale, mayuc bin ora ya xch'ayat ta co'tan te ha'ate!

Salmos 86:15

Pero ha'at Cajwal, ha Diosat te ay sc'uxul awo'tan soc lec awo'tan; ma orahuc ya x'ilinat, soc muc' te sc'uxul awo'tan soc te smelelil ac'ope,

1 Juan 4:10

Hich ay te sc'uxul-o'tanile: Ma ha'uc te c'ux la jca'iy ta co'tantic te Diose, ha te c'ux la ya'iyotic ta yo'tan stuquel soc te la sticon tal te Snich'an yu'un ya stojbotic jmultic.

Salmos 86:5

Como ha'at, Cajwal, lec awo'tan soc jpas-perdonat, c'ax bayel sc'uxul awo'tan ta stojol spisil te mach'atic ya yalbat wocol.

Génesis 8:21

Te Jehová c'alal la ya'iy te sumet yic', la yal ta yo'tan: Ma xcaq'uix xan bohlobuc sc'oblal te lumq'uinal ta scaj te ants-winiquetic, como ta scolel sch'ihyelic to ya snopticlan ta yo'tanic te bintic chopol. Ma ba ya jlajinix spisil bintic cuxajtic hich te bin ut'il la jpasixe.

1 Juan 3:1

Ilawil bin ut'il bayel c'uxotic ta yo'tan te Tatil, te ha yal-snich'anotic Dios ya jbihilintic. Ha scuentahil te ma sna'botic jbahtic te bahlumilale, como ma sna'beyic sba te Diose.

Génesis 6:5

La yil te Jehová te bayel bintic chopol yac spasbelic te mach'atic ayic ta bahlumilal, soc te spisil ora ma lecuc te bintic ya snopticlan ta yo'tanic.

Miqueas 7:18

¿Mach'a yan Dios te pajalat soc, te ya spas perdón yu'un te bin chopol, soc te ya sch'ay ta yo'tan te smul te mach'a cuxul hil yu'un te mach'atic ay yu'une? Ma spisiluc ora ay yilimba, como ya smulan te ya ya'iy c'uxultaywanej.

Malaquías 1:6

Te nich'anil ya yich' ta muc' te state, soc te a'bat ya yich' ta muc' te yajwale; teme ho'on tatilon, ¿bin yu'un ma ba yac awich'onic ta muc'? teme ho'on ajwalilon, ¿bin yu'un ma ba yac axi'onic, ha'ex sacerdotehex te yac ap'ajic te jbihile? xchi te Jehová te scuentahinej spisil. Pero yac awalic: ¿Bin ut'il jp'ajojcotic te abihile? xchihex.

Salmos 85:12

Te Jehová ya me yac' te bin lec, hich ya sitin te lumq'uinal cu'untique.

Romanos 3:19

Jna'ojtic te spisil bintic ya yal te Ley, ha ya yalbe te mach'atic ayic ta scuenta te Ley, scuenta yu'un spisilic ya xmahc yehic soc spisil bahlumilal ya xhil ta scuenta ich'el ta c'op yu'un Dios,

Gálatas 3:22

Pero te Shun Dios ya yal te chucbil yu'un mulil spisil te bahlumilal, scuenta yu'un te bin yaloj Dios ya x'a'botic te mach'atic ya xch'uhunic te Jesucristo.

Romanos 3:9

¿Bin ut'il ay a hiche? ¿Ho'otic bal lecotic xan a te bin ut'il te yantique? ¡Ban c'an hichuc! Calojtiquix te spisilic ayic ta scuenta mulil, judíohetic soc jyanlumetic.

Jeremías 33:14

Ya me xc'oht sc'ahc'alel, xchi te Jehová, te ya xc'oht ta pasel cu'un te bintic lec calbeyej te sna Israel soc te sna Judá.

2 Samuel 7:19

Soc mayuc bayel sc'oblal c'ohem awu'un ini, Cajwal Jehová, la to awalbe sc'oblal te bin ya xc'oht ta pasel ta patil ta stojol te sts'umbal te a'bat awu'une. ¿Hich bal ay ta pasel awu'un ta stojol ants-winic, Cajwal?

Oseas 14:2

Ich'a bahel c'opetic scuenta suhtesel-o'tanil, suhtan tal ta stojol Jehová soc hich xawalbe: Loq'uesa spisil bintic chopol, ich'a te bintic lec, ya ca'batcotic ta mahtanil te bin ya xloc' ta quecotic.

Jeremías 17:9

Mero jlo'loywanej te o'tanile, c'ax hich a te bin ut'il spisil bintic ay. C'ax chopol, ¿mach'a ya xhu' ya sna'be sba?

Job 15:16

¿ha'uc to balix a te winic te bohloben soc chopol, te ya yuch' te mulil hich te bin ut'il ha'?

Isaías 63:7

Ya calbe sc'oblal te sc'uxul yo'tan te Jehová, te yutsil sc'oblal te Jehová yu'un spisil bintic spasoj ta jtojoltic, te bintic bayel lec la spasbe te mach'atic yu'un Israel, te spasoj ta scuenta sna'beyel yo'bolil sbahic soc te smuc'ul sc'uxul yo'tane.

San Mateo 7:10

O teme ya xc'ambot chay, ¿chan bal ya ya'be?

San Mateo 23:9

Soc ma me ayuc mach'a te yac awalbe ‘jtat’ li' ta bahlumilali, como jtuhl nax te Atatic, ha te ay ta ch'ulchan.