San Mateo 6:9 - Bible in Tzeltal Bachajón

⁹ Te ha'exe, hich me xac'oponic te Diose: Jtatic te ayat ta ch'ulchan, ac'a ich'otuc ta muc' ach'ul bihil.

Nuevo Testamento Tzeltal de Amatenango

⁹ “Te jaꞌexe, jich me xꞌakꞌoponik te Diose: “Jtatik Dios te ayat ta chꞌulchane, a me chꞌuunekix ta lek te achꞌul-biile.

Bible in Tzeltal de Oxchuc y Tenejapa

⁹ Jich yu'un te ja'exe jich me xac'oponic te Diose: “Jtatic Dios te ayat ta ch'ulchane, ac'a ich'otuc ta muc' te ach'ulbiile.

San Mateo 6:9 Referans Kwoze

Apocalipsis 4:11

Cajwaltic Dios, hich ya sc'an te yac awich' awutsilal, ich'el ta muc', soc awu'el, como ha'at la apas spisil bintic ay, soc ta scuenta sc'anojel awo'tan cuxajtic soc la yich'ticlan pasel, xchihic.

Romanos 8:15

yu'un ma ba awich'ojic te espíritu yu'un mosohinel scuenta yu'un ya xiwex yan buelta, ha awich'ojic te espíritu yu'un al-nich'antayel, te ha ta scuenta ya caltic: ¡Abba, Jtat! xchihotic.

Ezequiel 36:23

Ya jch'ultes te jmuc'ul bihil, te bohlobtesbil sc'oblal ta yohlil te nacionetic, ha te la abohlobtesbeyic sc'oblal ta yohlilique. Ya me sna'ic te nacionetic te ho'on Jehovahon, xchi te Jehová, te Ajwalil, te c'alal ya quich' ch'ultesel ta acuentahic ta stojol te sitique.

Malaquías 1:11

Como c'alal banti ya xloc' tal c'ahc'al c'alal banti ya xmahl c'ahc'al muc' te jbihil ta yohlil te nacionetique, ta bayuc ya yich' chiq'uel pom ta scuenta jbihil soc ya yich' aq'uel mahtaniletic te mayuc yabacul. Muc' te jbihil ta yohlil te nacionetic, xchi te Jehová te scuentahinej spisil.

Salmos 111:9

Dios la yac' te ya xcol ta libre te pueblo yu'un; la yac' te sbahtel q'uinal ay te chapbil-c'op yu'une. ¡Ch'ultesbil soc xiweltic sba te sbihile!

Isaías 64:8

Pero ha'at jtatatcotic, Jehová; ho'otcotic ahch'alotcotic, ha'at jpac'ojomat, ta jpisilcotic ya'telotcotic ac'ab.

Isaías 57:15

Como hich ya yal te Mach'a toyol ay, te mach'a stalel cuxul, te Ch'ul Dios te sbihile: Ho'on nahinemon ta banti toyol soc ch'ultesbil, pero ha nix hich nahinemon soc te mach'a pich'il yo'tan soc peq'uel yo'tan, yu'un ya ca'be xan yip yo'tanic te mach'atic peq'uelic soc yu'un ya ca'be xan yip yo'tanic te mach'atic pich'il yo'tanique.

Gálatas 4:6

Te bin ut'il yal-snich'anex Dios, ha la ya'beyex ta awo'tanic te Espíritu yu'un te Snich'an, te hich ya yal: ¡Abba, Jtat! xchi.

Isaías 6:3

Hich talel c'axel yacalic ta yalel: ¡Ch'ul Dios, Ch'ul Dios, Ch'ul Dios, Jehová te scuentahinej spisil; nojel ta swohlol bahlumilal te yutsilale! xchihic.

Apocalipsis 5:12

tulan yacalic ta yalel: Te Jcolel Tuminchij te la yich' milel, ha mero yu'un te ya yich' yu'el, sc'uhlejal, p'ijil-o'tanil, yip, yich'el ta muc', yutsilal, soc halbeyel yutsil sc'oblal, xchihic.

Salmos 115:3

¡Te Dios cu'untic ay ta ch'ulchan; ha la spas spisil te bintic la sc'an yo'tan!

Nehemías 9:5

Te levitahetic Jesúa, Cadmiel, Binuy, Hasabnías, Serebías, Hodías, Sebanías soc Petaías, hich la yalic: Hahchanic, halbeyahic yutsil sc'oblal te Jehová te Dios awu'unic: Sbahtel q'uinal ac'a yich' halbeyel yutsil sc'oblal te at'ujbil bihil, te ha toyol yu'un spisil bendición soc utsilal.

San Mateo 7:11

Teme ha'ex te chopolex yac ana'ic ya'beyel lequil mahtanil te awal-anich'anic, ¿ma bal c'axuc to xan hich a te Atatic ay ta ch'ulchan ya yac'ticlambe bintic lec te mach'atic ay bin ya xc'ambot yu'unique?

Isaías 63:16

¡Pero ha'at tatilat cu'uncotic! Aunque ma sna' jbahcotic te Abraham, soc ma sna'otic te Israel, ha'at Jehová, tatilat cu'uncotic; J'ac'awat ta libre cu'uncotic, xchi te abihil c'alal ta namey.

Salmos 72:18

Bayel me yutsil te Jehová Dios, te Dios yu'un Israel, te ha nax stuquel te ya spas jchahp a'teliletic.

San Mateo 26:29

Ya calbeyex te ma ba ya cuch'ix ha'i ya'lel ts'usub ini ha to ta yorahil te ya joquinex ta yuch'el ta yach'il ta banti ya xcuentahinwan te Jtate, xchi.

San Mateo 23:9

Soc ma me ayuc mach'a te yac awalbe ‘jtat’ li' ta bahlumilali, como jtuhl nax te Atatic, ha te ay ta ch'ulchan.

San Mateo 5:16

Hich me yac asacubtes q'uinal ta stojol te ants-winiquetic, scuenta yu'un ya yilic te lec awa'telic soc hich ya yalbeyic yutsil sc'oblal a te Atatic ay ta ch'ulchan.

2 Crónicas 20:6

hich la yal: Jehová te Diosat yu'un te jme'jtatcotic, ¿ma bal ha'ucat Diosat ta ch'ulchan, soc acuentahinej spisil te ban c'alal smacojic te nacionetique? ¿Ma bal ayuc ta ac'ab te awip soc te awu'el te mayuc mach'a ya scomat?

San Lucas 15:18

Ya suhton bahel ta stojol jtat, hich ya xc'oht calbe: Jtat, jtahoj jmul ta stojol ch'ulchan soc ta atojol.

Zacarías 14:9

Ha ajwalil ya xc'oht te Jehová ta swohlol bahlumilal. Ta hich ora stuquel ay te Jehová, soc stuquel ay te sbihile.

1 Reyes 8:43

a'iybeya sc'op c'alal ta ch'ulchan, ta lugar te banti nahinemat, a'beya spisil bintic ya sc'ambat te jyanlum, scuenta yu'un spisil te pueblohetic ta bahlumilal ya sna'bat abihil soc ya yich'at ta muc', hich te bin ut'il te pueblo Israel awu'un, soc hich ya sna'ic a te ay ta halel abihil ta stojol te Na ini te la jpase.

Habacuc 2:14

Como hich ya xnoj ta q'uinal sna'beyel yutsilal te Jehová, te bin ut'il te ha' ya snojes te mar.

Ezequiel 38:23

Hich ya cac' ta ilel te smuc'ul cu'el soc te Ch'ul Dioson, soc ya cac' te ya xna'ot jba ta stojol bayel nacionetic. Ya me sna'ic te ho'on Jehovahon, xchi.

1 Crónicas 17:24

Stalel ac'a hiluc te abihil soc muc'uc me sc'oblal ya xc'oht sbahtel q'uinal, scuenta yu'un hich ya yich' halel: Jehová te scuentahinej spisil, te Dios yu'un Israel, ha Dios ta Israel, xchihuc me ac'oblal. Soc stalel ac'a yich' yip ta atojol te cajalcaj sts'umbal ta ajwalil te David te a'bat awu'une.

2 Samuel 7:26

Ac'a ich'otuc ta muc' ta sbahtel q'uinal te abihil, te hich ya yich' halel: Te Jehová te scuentahinej spisil, ha te Dios yu'un Israel, te xchihe. Soc te sts'umbal te awa'bat David ac'a yich'ic yip ta atojol.

1 Pedro 1:17

Teme yac awal te ha Atat te mach'a pajal ya yich' ta c'op ta tuhlutuhl ha chican bin yilel ya'tel, ha yu'un socuc me xiwel ya xcuxajex te jayeb c'ahc'al jbehyomex ta q'uinal;

1 Timoteo 6:16

te ha nax stuquel ma xcham, te nahinem ta sacal q'uinal te ma xhu' ochel tey a, te mayuc mach'a yiloj soc ma xhu' ya yil. Ha ac'a ich'ec ta muc' soc ayuc yu'el sbahtel q'uinal stuquel. Hichuc.

San Lucas 15:21

Hich halbot yu'un te snich'an: Jtat, jtahoj jmul ta stojol ch'ulchan soc ta atojol, ma xpasix te anich'an ya xhaloton, xchi.

San Lucas 2:14

¡Bayel yutsil te Dios ay ta toyol, soc ay lamal q'uinal ta bahlumilal, ay yutsil yo'tan Dios ta stojol te ants-winiquetique! xchihic.

Isaías 66:1

Hich ya yal te Jehová: Ha huctajibal cu'un te ch'ulchan, soc ha scajtajib coc te bahlumilal. ¿Banti ay te na te yac apasbonique? ¿Banti ay te awilal yu'un ya jcux co'tan a?

San Mateo 6:14

Como teme yac apasbeyic perdón te mach'atic ay smulic ta atojolic, ha nix hich ya spasbeyex perdón te Atatic ay ta ch'ulchan.

San Mateo 6:6

Yan te ha'ate, c'alal yac ac'opon Dios, ochan ta yutil ana, maca te ti'nahil soc c'opona te Atat te ma chicanuc ta ilele. Te Atat te ya yil te bin muquen yac apas, ya ya'bat amahtan ta comonsitil.

San Mateo 5:48

Te ha'exe lecuc me awo'tanic hich te bin ut'il lec yo'tan stuquel te Atatic ay ta ch'ulchane.

Levítico 10:3

Ha yu'un te Moisés la yalbe te Aarón: Hich ay te bin yaloj te Jehová: Te mach'atic ya xnohpojic ta jtojol, ya ca'be yil te ho'on Ch'ul Dioson; ta stojol spisil te pueblo ya me x'ich'oton ta muc', xchi. Mayuc bin la yal yu'un te Aarón.

Gálatas 1:1

Pablo, jpuc-c'op, (ma ticombilucon yu'un winiquetic soc ma ta scuentahuc winic, ha ta scuenta Jesucristo soc te Dios Tatil te la scha'cuxajtes tal te Jesucristo ta yohlil te mach'atic chamenic),

San Juan 20:17

Halbot yu'un te Jesús: Ma me xapicon, como ma to ba mohemon ta banti ay te Jtate; pero bahan, halbeya te quermanotac: Ya xmohonix bahel ta banti ay te Jtat soc te Tatil awu'unic, te Dios cu'un soc te Dios awu'unic, xchi.

San Mateo 26:42

Cha'baht xan ta sc'oponel Dios scuenta schebal buelta, hich la yal: Jtat, teme ma spas te ya xc'ax bahel ta jtojol te copa ini, teme ya sc'an ya cuch', hichuc, ac'a c'ohtuc ta pasel te bin ya sc'an awo'tan, xchi.

Isaías 37:20

Yo'tic, Jehová, Dios cu'untic, coltayawotcotic loq'uel ta sc'ab, scuenta yu'un spisil te nacionetic ta bahlumilal ya me sna'ic te ha'at nax atuquel te Jehová, xchi ta sc'oponel Dios.

Romanos 1:7

Ya jpatbeyex awo'tanic ta apisilic te ayex ta Roma, te c'uxex ta yo'tan Dios soc te ic'bilex yu'un ch'ultesbil ya xc'ohex: Yutsil-o'tanil soc lamaluc me q'uinal yac awa'iyic yu'un te Jtatic Dios soc te Cajwaltic Jesucristo.

San Mateo 10:29

¿Ma bal ya schonic cha'coht tut mutetic ta asarion? Pero ma ba ya xch'ay cohel ta lum jcohtuc teme ma hichuc ya sc'an yo'tan te Atatique.