San Mateo 6:5 - Bible in Tzeltal Bachajón

⁵ Te c'alal yac ac'oponic Dios, ma me hichuc xapasic te bin ut'il ya spasic te jchebal-o'tanetic, como ha ya smulanic te ya stehc'an sbahic ta sc'oponel Dios ta sinagogahetic soc ta jujun xuhc calle scuenta yu'un ya x'ilotic yu'un ants-winiquetic. Jamal ya calbeyex te yich'ojiquix te smahtanique.

Nuevo Testamento Tzeltal de Amatenango

⁵ “Te kꞌalal tut ora ya akꞌoponik Dios te jaꞌexe, ma me jichuk xꞌapasik te tutꞌil ya spasik te machꞌa chaꞌlam yoꞌtanike. Ya skꞌupinik te ya stejkan sbaik ta skꞌoponel Dios ta sinagogaetik sok ta eskinyailtik yuꞌun te plasae, yuꞌun ya skꞌanik kꞌupinel yuꞌun genteetike. Jamal ya kalbeyex, jip me smajtan la staik abi.

Bible in Tzeltal de Oxchuc y Tenejapa

⁵ “Te c'alal ya ac'oponic te Diose, ma me jichuc xapasic te bit'il ya spasic te mach'atic cha'lam yo'tanique. Ya smulanic te ya stejc'an sbaic ta sc'oponel Dios ta sinagogaetic soc ta xchiquin calleetic, swenta yu'un jich ya x'ilotic yu'un te ants-winiquetique. Jamal ya calbeyex, la staix smajt'anic yu'un a.

San Mateo 6:5 Referans Kwoze

San Mateo 6:2

C'alal yac aq'ueben ataq'uin, ma me nahiluc xawac' ta oq'uesinel corneta ta atojol, hich te bin ut'il ya spasic ta sinagogahetic soc ta callehetic te jchebal-o'tanetic scuenta yu'un ya xhalbot lec sc'oblalic yu'un ants-winiquetic. Jamal ya calbeyex, yich'ojiquix te smahtanique.

San Lucas 18:13

Yan te jc'an-patan, q'uejel to ay, ma ba la sc'an la shach mohel sit ta ch'ulchan, la spac'ulan stahn, hich la yal: Dios, na'bon yo'bolil jba, ho'on te jmulawilon, xchi.

San Marcos 11:25

Te c'alal yaquex ta sc'oponel Dios a, pasbeyahic perdón teme ay mach'a ay stahoj smul ta atojol, scuenta yu'un hich ya spasbeyex perdón yu'un amulic a te Atatic te ay ta ch'ulchan.

Jeremías 29:12

Hich ya xtal ac'opononic; ya me xtal ac'opononic soc ho'on ya ca'iybeyex ac'opic.

Isaías 1:15

Te c'alal yac ahach ac'abic ta jtojol, ya jnac' jsit ta atojolic; aunque bayel yac ac'opononic, ma ba ya ca'iybeyex; yatinej ch'ich' te ac'abique.

San Lucas 20:47

ya yich'beyic sna me'ba' antsetic, soc naht ya sc'oponic Dios yu'un ya x'ilotic. Ya me yich'ic tulan castigo, xchi.

Santiago 4:6

Pero c'ax bayel xan yutsil-o'tanil ya yac' te Diose. Ha scuentahil te hich ya yal: Dios ya scontrahin te mach'a ya stoy sba, pero ya sc'uxultay te mach'a peq'uel ay, xchi.

San Lucas 18:1

Te Jesús la yalbe ya'iyic sloc'ombahil c'op sc'oblal te ya sc'an ya sc'oponic Dios spisil ora soc te manchuc ya xpehc'aj yo'tanic,

Daniel 6:10

Te c'alal la ya'iy te Daniel te yich'oj firma te mandare, baht ta sna, la sjam te ventanahetic ta banti ya xway, te ayic ta stojol bahel te Jerusalén, la squejan sba oxeb buelta jujun c'ahc'al, la sc'opon Dios soc la yalbe wocol, hich te bin ut'il ya spasulan spisil ora.

Efesios 6:18

Spisiluc ora c'oponahic Dios ta scuenta te Espíritu ta spisil ta chahp bintic yac ac'ambeyic te Diose. Cuxuluc awo'tanic, soc c'opombeyahic Dios spisil ora te mach'atic ch'ultesbilique.

San Lucas 11:43

¡Ay me awocolic, fariseohetic! como yac amulanic te shahchibal huctajibaletic ta sinagogahetic soc te ya xpatotex awo'tanic ta plaza.

San Mateo 21:22

Spisil te bin yac ac'anic ta sc'oponel Dios, teme ya xch'uhun awo'tanic, ya me x'a'botex, xchi.

Salmos 55:17

Ta tibiltic, ta sab soc ta ohlil c'ahc'al ya xc'opojon soc ya x'awonon, ha me ya ya'iybon jc'op.

Salmos 5:2

A'iybon awa'iy te caw, Ajwalilat soc Diosat cu'un, como ha'at ya jc'oponat.

1 Tesalonicenses 5:17

A'telinahic me sc'oponel Dios.

San Juan 16:24

Ma to ayuc bin ac'ambeyejic ta scuenta te jbihile. C'anahic, ya me awich'ic, scuenta yu'un ts'acal ya xc'oht a te stse'elil awo'tanique.

San Marcos 12:38

Hich la yal ta p'ijubteswanej te Jesús: Tsahtaya me abahic yu'un te escribanohetic te ya smulanic te ya xbehenic soc snahtil-c'u'ic soc te ya xpatbot yo'tanic ta plazahetic.

San Mateo 9:38

Ha yu'un c'ambeyahic te Yajwal awal-ts'unubil te yacuc sticonlan j'a'teletic ta stsobel, xchi.

San Mateo 23:13

Pero ¡ay me awocolic, escribanohetic, fariseohetic, jchebal-o'tanex! como yac amacbelic ta stojol ants-winiquetic te cuentahinel yu'un te ch'ulchane. Ma ba ya x'ochex ha'ex, soc ma ba yac awaq'uic ochel te mach'atic ya sc'an ya x'ochic.

Proverbios 16:5

Te Jehová ya yihlay spisil mach'atic ya stoy sbahic; fuersa me ya yich' castigo.

San Mateo 23:6

ya smulanic te ya xhuhcajic ta shahchibal huctajibaletic ta q'uin soc ta shahchibal huctajibaletic ta sinagogahetic;

Proverbios 15:8

Te Jehová ya yihlay te chic'bil mahtanil ya yaq'uic te mach'atic chopol yo'tanic, pero lec yo'tan yu'un te mach'atic toj yo'tanique.

San Mateo 6:16

Te c'alal yac acom awe'elic, ma me xawac' ta ilel mel-o'tan ta asit awelaw, hich te bin ut'il te jchebal-o'tanetique. Como ya syanijtes sit yelawic scuenta yu'un ya ya'be yilic ants-winiquetic te scomoj swe'elique. Jamal ya calbeyex, yich'ojiquix te smahtanique.

San Mateo 6:1

Tsahtaya me abahic bin ut'il yac apasic bintic stojil ta pasel ta stojol ants-winiquetic scuenta yu'un ya yilat. Teme hich yac apasic, mayuc amahtanic ya x'a'botex yu'un te Atatic ay ta ch'ulchan.

San Mateo 23:5

Ya spas spisil ya'telic yu'un nax ya yac' sbahic ta ilel yu'un te ants-winiquetique. Ya smuc'ubtesic te yawil mandariletic soc ya snahtubtesic te smehyil paq'uique;

San Lucas 6:24

¡Pero ay me awocolic, ha'ex te jc'uhlejex! como ayix smuc'ul awo'tanic.