San Mateo 6:4 - Bible in Tzeltal Bachajón

⁴ scuenta yu'un muquen ay te bin yac aq'uebene. Te Atat te ya yil te bin muquen yac apas, ya ya'bat amahtan ta comonsitil.

Nuevo Testamento Tzeltal de Amatenango

⁴ Mukul nax me xꞌawakꞌik. Y te jTatik ya yil te tutꞌil mukul nax ya apasike, ya me yaꞌbeyex amajtanik.

Bible in Tzeltal de Oxchuc y Tenejapa

⁴ Ja' lec te muquen ya awaq'uique. Jich me ya x'ac'botex amajt'anic ta comonsitil yu'un a te Jtatic te ya yil te bila muquen ya apasique.

San Mateo 6:4 Referans Kwoze

San Mateo 6:18

scuenta yu'un ma ba yac awa'be yilic te ants-winiquetic te acomoj awe'ele, ha nax ya yil te Atat te ma ba chican ta ilele. Te Atat te ya yil te bin muquen yac apas, ya ya'bat amahtan ta comonsitil.

San Mateo 6:6

Yan te ha'ate, c'alal yac ac'opon Dios, ochan ta yutil ana, maca te ti'nahil soc c'opona te Atat te ma chicanuc ta ilele. Te Atat te ya yil te bin muquen yac apas, ya ya'bat amahtan ta comonsitil.

Jeremías 17:10

Ho'on Jehovahon ya jtsahtay te o'tanil, soc ya jtsahtay te bin snopoj, yu'un ya ca'be stoj ta tuhlutuhl ha chican bin ya spasic, ha chican bin yilel sit te ya'tele, xchi te Jehová.

San Lucas 14:14

hich me bayel awutsil ya xc'ohat, como ma xhu' yu'unic sjeltayel stuquel; pero ya me x'a'botat sjelol te c'alal ya sta yorahil ya xcha'cuxajic te mach'atic toj yo'tanique, xchi sc'oblal.

Salmos 44:21

¿ma bal lajuc sna' te Diose? como ha sna'oj spisil te bin muquen ay ta o'tanil.

Jeremías 23:24

¿Ay bal mach'a ya xhu' ya snac' sba te banti ma xhu' ya quil? xchi te Jehová. ¿Ma bal nojeluc cu'un te ch'ulchan soc te bahlumilal? xchi te Jehová.

San Lucas 8:17

Como mayuc bin mucul te ma ba ya xchicnaj ta patil; soc mayuc bin nac'al te ma ba ya xna'ot soc te ya xloc' tal ta sacal q'uinal.

1 Samuel 2:30

Ha scuentahil te hich ya yal te Jehová te Dios yu'un Israel: Calojix ta jamal te mach'atic ay awu'un soc te mach'atic ay yu'un atat ya me x'a'tejic ta jtojol spisil ora, te xchihe. Pero yo'tic ya yal te Jehová: Mayuc bin ora te hich ya jc'ohtes ta pasel, como ha ya quich' ta muc' te mach'atic ya yich'onic ta muc', yan te mach'atic mayuc jc'oblal ta yo'tanic, mayuc sc'oblal ya xc'oht cu'un.

Judas 1:24

Te Dios te ya xhu' ya scanantayex yu'un ma ba xyahlex soc te ya xhu' yu'un te mayuc awabaquil a ya stehc'anex ta stojol te yutsilal soc bayel yutsil-o'tanil,

Hebreos 4:13

Mayuc bin pasbil te ma ba ya x'ilot yu'un Dios; spisil jamal chican ta ilel ta sit te Mach'a ya xc'ohotic ta pasbeyel cuenta yu'une.

San Mateo 10:42

Mach'ayuc a te ya ya'be junuc vaso siquil ha' jtuhluc te peq'uel ay te bin ut'il ha jnopojel, jamal ya calbeyex te ma ba ya xch'ay te smahtane, xchi te Jesús.

Salmos 139:12

te yihc'al q'uinal, ma ahc'abaluc ta atojol, te ahc'abal ha sacal q'uinal hich te bin ut'il te c'ahc'alel, ¡como te yihc'al q'uinal soc te sacal q'uinal pajal ayic ta atojol!

Apocalipsis 2:23

Ya cac' lajuc te yalatac, hich spisil te iglesiahetic ya me sna'ic te ho'on ya jtsahtay te snopojibal yu'unic soc te bin ay ta yo'tanic. Ho'on ya ca'beyex jujutuhl ha chican bin yilel te awa'telique.

1 Corintios 4:5

Ha yu'un ma me ayuc bin yac achahpanic te ma to stahoj yorahil, ha to c'alal ya xtal te Cajwaltic, te ha ya schicnajtes bintic muquen ay ta yihc'al q'uinal soc ya me yac' ta na'el te bin snopoj ta yo'tanique. Ha to me ya yich' jujutuhl a te bin lec sc'oblal ya xhalbot yu'un Dios.

Salmos 17:3

Ha'at la atsahtaybon co'tan, tal awilon ta ahc'abal; la atsajon, mayuc bin chopol la atahbon. La jnop ta co'tan te ma ba ya sta smul te que.

Proverbios 25:22

Teme hich yac apas, sjel te yac abusambe c'ahc'al ac'al ta sjol, soc ha ya stojbat stuquel te Jehová.

San Mateo 6:3

Yan te ha'ate, c'alal yac aq'ueben ataq'uin ma me xawa'be sna' te aq'uexam-c'ab te bin ya spas te awa'el-c'ab,