San Mateo 6:24 - Bible in Tzeltal Bachajón

²⁴ Mayuc mach'a ya xhu' ya yac' sba ta a'batinel yu'un cheb ajwaliletic; como ya me yihlay te jtuhle soc c'ux ta yo'tan te yane, o jun yo'tan ta stojol te jtuhle, soc ya sp'aj te yane. Ha nix hich, ma xhu' yac awac' abahic ta a'batinel yu'un Dios soc yu'un te c'uhlejalile.

Nuevo Testamento Tzeltal de Amatenango

²⁴ “Ni jtul maꞌyuk machꞌa ya xjuꞌ yuꞌun ya yakꞌ sba ta abatinel yuꞌun te cheb ajwaliletike. Tem jiche, jaꞌ ya spꞌaj te jtule, yan te jtul xane kꞌux ta yoꞌtan stukel. Te jtule jun yoꞌtan ta stojol, pero ya spꞌaj te yane. Jich te jaꞌexe ma xjuꞌ awuꞌunik te ya awakꞌ abaik ta abatinel yuꞌun Dios teme jaꞌ snitojex te akꞌulejalike.

Bible in Tzeltal de Oxchuc y Tenejapa

²⁴ “Ma'yuc jtuluc abat te ya xju' yu'un te ya yac' sba ta abatinel yu'un te cheb yajwale. Teme jiche, ja' ya sp'aj te jtule; yan te yane, c'ux ya yaiy ta yo'tan stuquel. Jun yo'tan ta stojol te jtule; ja'uc me to, te yane ma'yuc sc'oplal ta yo'tan ya xc'ot. Ja' nanix jich te ja'exe, ma xju' awu'unic te ya awac' abaic ta abatinel yu'un Dios, teme ja' baem ta awo'tanic te ac'ulejalique.

San Mateo 6:24 Referans Kwoze

San Lucas 16:13

Mayuc a'bat te ya xhu' te cheb yajwal ya yac' sba ta a'batinel yu'un, como ya sp'aj te jtuhle soc c'ux ta yo'tan te yane; o ay sc'oblal ta yo'tan te jtuhle soc mayuc sc'oblal ta yo'tan te yane. Ma xhu' yac awac' abahic ta a'batinel yu'un Dios soc yu'un te c'uhlejalil, xchi.

Santiago 4:4

¡J'antsinelex soc j'antsiwejex! ¿Ma bal ana'ojic te ha scontrahinel Dios teme jun awo'tan abahic soc te bahlumilale? Te mach'a ya sc'an te jun yo'tan sba soc te bahlumilal, ha scontrahinej te Diose.

Gálatas 1:10

¿Yu'un bal ya jle te lec jc'oblal yu'un winiquetic, o ha te lec jc'oblal yu'un te Diose? ¿Yu'un bal ha ya jc'an te ayuc yutsil yo'tan winiquetic cu'un? Te ha'uc ya jc'an te ay yutsil yo'tan winiquetic cu'un, yu'un nix ma ya'batucon Cristo abi.

Josué 24:15

Teme ma lecuc yac awa'iyic te yac awac' abahic ta a'batinel yu'un Jehová, tsaha mach'a yac awac' abahic ta a'batinel yu'un: teme ha te diosetic te la yac' sbahic ta a'batinel yu'un te ame'atatic ta jehch te muc'ul-ha', o ha te diosetic yu'un te amorreohetic te banti nahinemexix ta sq'uinalique; pero te ho'on soc te mach'atic ay cu'un ya cac' jbahcotic ta a'batinel yu'un te Jehová, xchi te Josué.

San Mateo 4:10

La yal te Jesús: Loc'an, Satanás, como hich ts'ihbabil: Ha nax me xach'uhuntay soc ha nax me xawac' aba ta a'batinel yu'un te Cajwaltic te Dios awu'un, la yut.

San Lucas 16:11

Teme ma ba la ana'ic scuentahinel te c'uhlejalil scuenta bahlumilal, ¿mach'a c'an ya'beyex acuentahinic te smelelil c'uhlejalil?

1 Reyes 18:21

Te Elías nohpoj tal ta stojol te pueblo, hich la yal: ¿Jayeb xan ora te xyahl xmo awo'tanic te cheb bin anopojic? Teme ha Dios te Jehová, t'unahic; teme ha te Baal, t'unahic bahel hiche, xchi. Ma ba la sjaq'uic te pueblo.

1 Timoteo 6:17

Halbeya mandar te jc'uhlejetic te ma me stoy sbahic soc ma me xyac' smuc'ulin yo'tanic a te ta sc'uhlejalic te ma staleluc aye; ha ac'a smuc'ulin yo'tanic te cuxul Dios, te c'ax bayel bin ya ya'botic spisil yu'un ya jmulantic.

1 Samuel 7:3

Te Samuel hich la yalbe spisil te Israel: Teme spisil awo'tanic ya suhtex tal ta stojol Jehová, loq'uesahic ta awohlilic te jyanlum diosetic soc te Astarot, a'beya awo'tanic te Jehová soc ac'a abahic ta a'batinel yu'un, hich me ya scoltayex loq'uel ta sc'ab te filisteohetic, xchi.

2 Reyes 17:41

Hich la yich'ic ta muc' te Jehová soc la yac' sbahic ta a'batinel ta stojol te loc'ombahetic yu'unique. Ha nix hich te snich'nab soc smamic, te bin la spasic te sme'static, hich yac spasbelic c'alal ora.

San Lucas 16:9

Ho'on ya calbeyex, lehahic mach'atic yac ac'uxultay abahic soc ta scuenta te c'uhlejalil yu'un te bahlumilale, scuenta yu'un te c'alal ya xlaj, ya me x'ic'otat ochel te banti ya x'ayinat sbahtel q'uinal.

Ezequiel 20:39

Soc te ha'ex, snahex Israel, hich yaloj te Jehová: ¡Jujutuhlex, t'unahic te loc'ombahetic awu'unic yu'un yac awac' abahic ta stojolic, teme ma xac'an yac ach'uhumbonic te jc'ope; pero ma me ba yac abohlobtesbeyiquix sc'oblal te jch'ul bihil ta scuenta te mahtaniletic soc te loc'ombahetic awu'unique!

2 Timoteo 4:10

como te Demas la sch'ayonix hilel ta yo'tan, te bin ut'il bic'tajem yo'tan yu'un te bin scuenta bahlumilal, bahtix ta Tesalónica. Te Crescente bahtix ta Galacia, te Tito bahtix ta Dalmacia.

Sofonías 1:5

Ya jlajin te mach'atic ya squejan sbahic ta sba sna ta sch'uhuntayel te bayel eq'uetic ta ch'ulchan, te mach'atic ya squejan sbahic yu'un ay bin ya yalic ta jamal ta scuenta Jehová soc yu'un ay bin ya yalic ta scuenta Milcom;

Génesis 47:17

Hich la yiq'uic tal schansbahlametic ta stojol José. Te José ha la ya'be sjel swe'elic a ta scawuhic, stuminchijic, swacaxic soc sburrohic; hich la ya'be sjel swe'elic ta scuenta schansbahlamic ta hich ora.