San Mateo 6:2 - Bible in Tzeltal Bachajón

² C'alal yac aq'ueben ataq'uin, ma me nahiluc xawac' ta oq'uesinel corneta ta atojol, hich te bin ut'il ya spasic ta sinagogahetic soc ta callehetic te jchebal-o'tanetic scuenta yu'un ya xhalbot lec sc'oblalic yu'un ants-winiquetic. Jamal ya calbeyex, yich'ojiquix te smahtanique.

Nuevo Testamento Tzeltal de Amatenango

² “Jich teme ay tut ya akꞌebenbeyik te meꞌbaetike, ma me xꞌapukibe skꞌoplal ta bayuk. Jich tutꞌil ya spasik te machꞌatik chaꞌlam yoꞌtanike ya yalbeyik skꞌoplal ta sinagogaetik sok ta kayaetik yuꞌun ya skꞌanik kꞌupinel yuꞌun te genteetike. Jamal ya kalbeyex, jip me smajtan la staik abi.

Bible in Tzeltal de Oxchuc y Tenejapa

² Jich yu'un, te c'alal ay bila ya aq'uebanique, ma me xapucbeyic sc'oplal ta alel. Melel te mach'atic cha'lam yo'tanique ya spucbeyic sc'oplal ta sinagogaetic soc ta calleetic, swenta yu'un ya x'albot lec sc'oplalic yu'un te ants-winiquetique. Jamal ya calbeyex, la staix smajt'anic yu'un a.

San Mateo 6:2 Referans Kwoze

San Mateo 6:5

Te c'alal yac ac'oponic Dios, ma me hichuc xapasic te bin ut'il ya spasic te jchebal-o'tanetic, como ha ya smulanic te ya stehc'an sbahic ta sc'oponel Dios ta sinagogahetic soc ta jujun xuhc calle scuenta yu'un ya x'ilotic yu'un ants-winiquetic. Jamal ya calbeyex te yich'ojiquix te smahtanique.

San Mateo 6:16

Te c'alal yac acom awe'elic, ma me xawac' ta ilel mel-o'tan ta asit awelaw, hich te bin ut'il te jchebal-o'tanetique. Como ya syanijtes sit yelawic scuenta yu'un ya ya'be yilic ants-winiquetic te scomoj swe'elique. Jamal ya calbeyex, yich'ojiquix te smahtanique.

San Juan 5:41

Ma ba ya quich' ta cuenta te ya yalbon cutsilal ants-winiquetic.

Hebreos 13:16

Soc ma me xch'ay ta awo'tanic spasel te bin lec soc te talel c'axel yac acoltay abahic, como hich yilel milbil mahtaniletic ini te lec yo'tan Dios yu'une.

San Lucas 20:46

Tsahtaya me abahic ta stojol te escribanohetic te ya smulanic te naht sc'u' ya xbehenic, te ya xpatbot yo'tanic ta plazahetic, ya smulanic te primero huctajibaletic ta sinagogahetic soc te primero huctajibaletic ta we'el;

San Juan 7:18

Te mach'a stuquel-o'tan nax ya xc'opoj, yac ta slehel yutsil sc'oblal, yan te mach'a ya slehbe yutsil sc'oblal te mach'a ticombil tal yu'une, chican te melel bin ya yal soc ma sna' lo'lowanej stuquel.

1 Pedro 4:11

Teme ay mach'a ya xc'opoj, hich ac'a c'opojuc te bin ut'il mach'a yac ta yalel te bintic yaloj te Diose; teme ay mach'a ya yac' sba ta a'batinel, ac'a me spas ta scuenta te yip te ya x'a'bot yu'un Dios, scuenta yu'un ta spisil ya xhalot yutsilal Dios ta scuenta te Jesucristo, te ha yu'un te utsilal soc te yu'el scuenta sbahtel q'uinal. Hichuc.

Salmos 37:21

Te mach'a chopol yo'tan ay bin ya smajan, pero ma ba ya sut; yan te mach'a toj yo'tan ya xc'uxultaywan soc ay bin ya yac' stuquel.

Efesios 4:28

Te mach'a ya sna' elec', ma me xya'iyix elec', ac'a a'tejuc, ac'a spas ta sc'ab te bin lec ta pasel, scuenta yu'un hich ya sta a te bin ya ya'be te mach'a mayuc bin ay yu'une.

Gálatas 2:10

Ha nax la yalbotic wocol te yacuc jna'cotic te pobrehetic, te hich nix ay sc'oblal ta co'tan te ya jpase.

Hechos 10:4

Te Cornelio, la st'ojan sit yilbel, soc xiwel hich la yal: ¿Binti a, Cajwal? xchi. Halbot yu'un: Te sc'oponel Dios awu'un soc te mahtanil taq'uin yac awac', c'ohemix ta stojol Dios scuenta ana'ojibal.

Oseas 8:1

Ac'a ta awe te corneta, ya xtal jxic ta stojol te sna Jehová, como la sc'axuntaybonic te chapbil-c'op cu'un soc la stoy sbahic ta stojol te Ley cu'une.

1 Timoteo 6:18

Halbeya mandar te ac'a spasic te bin lec, ha'uc me sc'uhlejalic te lequil a'teliletic, soc te bayeluc bintic ya yaq'uic soc orahuc ay bin ya sq'uebenic.

Romanos 12:8

te mach'a ya yac' yip-o'tanil, ac'a yac' yip o'tanil; te mach'a ya xmahtanteswan, junuc me yo'tan ac'a yac'; te mach'a ya xtsobawan, spisiluc me yo'tan ac'a spas; te mach'a ya ya'iy c'uxultaywanej, tse'eluc me yo'tan ac'a spas.

Hechos 24:17

C'alal c'axix ha'bil a, tal ca'be hilel smahtan te jlumal soc tal ca'be smahtan te Diose.

Hechos 10:31

hich la yalbon: Cornelio, Dios la ya'iybat ac'op soc na'bil yu'un te mahtanil taq'uin yac awac'.

Hechos 10:2

lec yo'tan ta stojol Dios soc yich'oj ta muc' Dios soc sjunal sna; bayel ya sq'uebenlan staq'uin ta pueblo, soc spisil ora ya sc'opon Dios.

Hechos 9:36

Ta Jope ay jtuhl ants te ha jnopojel, Tabita sbihil, (Dorcas, xchi te c'asesbile). Bayel la spas lequil a'teliletic soc la yac'ticlan ta mahtanil staq'uin.

San Juan 13:29

Te bin ut'il yich'oj te yawil taq'uin te Judas, ay la scuyic te halbot yu'un Jesús te yacuc sman tal te bin ya xtuhun yu'unic ta q'uin, o te ay bin ya xbaht ya'be jtebuc te pobrehetique.

San Juan 5:44

¿Bin ut'il c'an ach'uhunic teme talel c'axel yac awalbel abahic yutsil ac'oblalic, te ma ha'uc yac alehic te yutsil ac'oblalic te ya xtal ta stojol te Dios te stuquel ay?

San Lucas 6:42

¿Bin yu'unix a te hich yac awalbe te awermano: Hermano, a'bon jloq'uesbat te jwihts' c'a'pal ay ta asit, te xchihate, teme ma ba yac awil te ts'amte' ay ta asite? ¡Jchebal-o'tanat! Ha nahil xaloq'ues te ts'amte' ay ta asit, hich yac awil ta lec a te yac aloq'uesbe te jwihts' c'a'pal ay ta sit te awermanohe.

San Marcos 12:39

Ya smulanic te ya shuhcan sbahic ta shahchibal huctajibaletic ta sinagoga soc ta shahchibal huctajibaletic c'alal ya stsob sbahic ta we'el.

Proverbios 20:6

Ay tsobolic ya yal sbahic te lec yo'tanic; pero te winic te jun yo'tan ¿mach'a ya sta?

Proverbios 19:17

Te mach'a ay bin ya ya'be te pobre, ha ya ya'be smajan Jehová c'ohem; ha ya suht ta stojol te bin lec spasoje.

Salmos 112:9

Ya spucticlan, ya ya'be te pobrehetic, stalel ay te bin toj ya spas; ya xtohybot sc'oblal te yip scuenta yich'el ta muc'.

Filemón 1:7

Bayel stse'elil co'tancotic soc smuc'ul co'tancotic yu'un te sc'uxul awo'tan, como ha'at ta acuenta, hermano, te yich'oj yip yo'tanic te mach'atic ch'ultesbilique.

1 Tesalonicenses 2:6

Ma ba la jlehcotic te ya yalbotic yutsil jc'oblalcotic te ants-winiquetic, teme ha'ex o yantic, aunque hu' cu'uncotic ya'belex awihcatsic te bin ut'il jpuc-c'opotcotic yu'un Cristo.

Hechos 11:29

Ha yu'un te jnopojeletic la snopic te ya sticombeyic scoltayel te yermanotac te nahinemic ta Judea, ha chican jayeb ay yu'un jujutuhl;

San Lucas 13:15

La sjac' te Cajwaltic: ¡Jchebal-o'tanex! Jujutuhlex, ¿ma bal yacuc atilic te j'a'tel-wacax o burro awu'unic ta banti chucul yu'un yac awa'beyic yuch' ha' ta sc'ahc'alel cux-o'tan?

San Lucas 12:56

¡Jchebal-o'tanex! Yac ana'ic stsahtayel bin yilel te ch'ulchan soc te bahlumilal, ¿bin ut'il ay a te ma xana'ic stsahtayel te bin yaquix ta c'ohel ta pasel ta ora ini?

San Lucas 12:33

Chonahic te bintic ay awu'unic, q'uebembeyahic te pobrehetique; pasa achu'uyic te ma xpoco'ubic, ayuc me c'uhlejalil ta ch'ulchan te ma xlaj, te banti ma x'och j'elec' soc te banti ma xjoch'ob.

San Lucas 11:43

¡Ay me awocolic, fariseohetic! como yac amulanic te shahchibal huctajibaletic ta sinagogahetic soc te ya xpatotex awo'tanic ta plaza.

San Lucas 11:41

Q'uebembeya te pobrehetic te bin ay awu'un, hich pocbil ya xc'oht awu'unic spisil a.

San Lucas 6:24

¡Pero ay me awocolic, ha'ex te jc'uhlejex! como ayix smuc'ul awo'tanic.

San Marcos 7:6

La sjac' te Jesús: ¡Jchebal-o'tanex! Melel nix a te bin la yalbeyex ac'oblalic te Isaías te hich ts'ihbabil hilel: Te pueblo ini yich'ojonic ta muc' ta sc'opic, pero mayucon ta yo'tanic;

San Mateo 24:51

ya me x'a'bot tulan castigo yu'un, soc ya x'a'bot sjoquin te jchebal-o'tanetic, tey ya xc'oht yoq'uetay sba soc tey ya xc'oht sc'uxuxan ye a.

San Mateo 23:6

ya smulanic te ya xhuhcajic ta shahchibal huctajibaletic ta q'uin soc ta shahchibal huctajibaletic ta sinagogahetic;

San Mateo 22:18

Pero na'bot yo'tanic yu'un te Jesús te chopol bin snopojic, hich la yalbe: ¿Bin yu'un yac awa'bonic jyacol, jchebal-o'tanex?

San Mateo 16:3

Soc ta sab hich yac awalic: Ya xtal ha'al yo'tic, como ay ihc'al tocal, xchihex. ¡Jchebal-o'tanex! Yac ana'ic stsahtayel bin yilel te q'uinale, pero ma xana'ic stsahtayel yo'tic te señahiletic te ayique.

San Mateo 15:7

¡Jchebal-o'tanex! Smelelil te bin la yalbeyex ac'oblalic te Isaías te c'alal hich la yal:

Isaías 58:7

¿Ma bal ha'uc te yac awa'be awe'el te mach'a ay ta wi'nal, te yac awa'be smajan ana te pobrehetic te mayuc sna; te yac awa'be sc'u'-spac' te mach'a yac awil te mayuc yu'un, soc te ma ba yac anac' aba ta stojol te awermanohe?

Isaías 9:17

Ha yu'un te Jehová ma ba lec yo'tan yu'un te ach'ix-queremetic yu'unic, soc ma ba ya sna'be yo'bolil sbahic te me'ba' alaletic soc te me'ba' antsetic, como ta spisilic ma lecuc yo'tanic soc chopolic, spisilic mayuc scuentahil bin ya yalic. Ta spisil ini, ma ba lahmaj yilimba te Jehová, shachoj to te sc'ab ta yaq'uel castigo.

Eclesiastés 11:2

Pucticlana ta hucwohc', o ta waxacwohc' te bintic ay awu'un, como ma na'biluc awu'un bin wocolil ya xtal ta q'uinal.

1 Samuel 15:30

La yal te Saúl: La jta jmul; pero awocoluc, ich'awon ta muc' ta stojol te mamaletic yu'un te pueblo cu'un soc ta stojol Israel, joquinawon bahel scuenta yu'un ya jch'uhuntay te Jehová te Dios awu'un, xchi.

San Mateo 7:5

¡Jchebal-o'tanat! Ha nahil xaloq'ues te ts'amte' ay ta asit, hich ya xhu' yac awil ta lec te yac aloq'uesbe te c'a'pal ay ta sit te awermano.

San Mateo 5:18

Como jamal ya calbeyex, ha to teme ya xch'ay bahel te ch'ulchan soc te bahlumilal, ma ba ya xch'ay ta Ley junuc jota o junuc punto ha to c'alal ts'acal ya xc'oht ta pasel spisil.

Isaías 10:6

Ya jticon ta contrahinel jun jmulawil nación, ya jticon bahel ta stojol te pueblo te ya shachbon quilimba, yu'un ya spojbe sbiluc soc ya yich'be bintic ay yu'un, soc yu'un ya sts'o' ta teq'uel hich te bin ut'il ahch'al ta calle.

San Mateo 6:3

Yan te ha'ate, c'alal yac aq'ueben ataq'uin ma me xawa'be sna' te aq'uexam-c'ab te bin ya spas te awa'el-c'ab,

San Mateo 23:5

Ya spas spisil ya'telic yu'un nax ya yac' sbahic ta ilel yu'un te ants-winiquetique. Ya smuc'ubtesic te yawil mandariletic soc ya snahtubtesic te smehyil paq'uique;

1 Corintios 13:3

Teme ya jq'uebenlambe spisil jbiluc te pobrehetic, soc teme ya cac' ta chiq'uel te jbaq'uetal, pero teme mayuc sc'uxul co'tan, mayuc bin ya jta a.