San Mateo 6:16 - Bible in Tzeltal Bachajón

¹⁶ Te c'alal yac acom awe'elic, ma me xawac' ta ilel mel-o'tan ta asit awelaw, hich te bin ut'il te jchebal-o'tanetique. Como ya syanijtes sit yelawic scuenta yu'un ya ya'be yilic ants-winiquetic te scomoj swe'elique. Jamal ya calbeyex, yich'ojiquix te smahtanique.

Nuevo Testamento Tzeltal de Amatenango

¹⁶ “Te tut ora ya akom aweꞌelike, ma me xꞌawakꞌ chiknajuk te triste ay te asite, jich tutꞌil ya spasik te machꞌa chaꞌlam yoꞌtanike. Jich ya yakꞌik ta ilel ta stojol genteetik te triste ay sitik yuꞌun skꞌomoj sweꞌelike. Jamal ya kalbeyex, jip me smajtan la staik abi.

Bible in Tzeltal de Oxchuc y Tenejapa

¹⁶ “Te c'alal ya apasic ayuno, ma me xawac' chicnajuc ta ilel ta asitic jich bit'il ya spasic te mach'atic cha'lam yo'tanique. Jich ya spasic swenta yu'un ya xna'ot stojol yu'un ants-winiquetic te bit'il ayic ta ayunoe. Jamal ya calbeyex, la staix smajt'anic yu'un a.

San Mateo 6:16 Referans Kwoze

Nehemías 1:4

C'alal la jca'iy te c'opetic ini, la juhcan jba, oc'on yu'un. Hal c'ahc'al la jmel co'tan yu'un, la jcom jwe'el soc la jc'opon te Dios ta ch'ulchan.

Daniel 9:3

La jsut jsit quelaw ta stojol Cajwaltic Dios, la jcalbe wocol soc la jcom jwe'el, la jlap ch'ixal-pac' soc la juhcan sba ta stanul c'ahc'.

San Lucas 18:12

Cheb buelta ya jcom jwe'el ta jujun semana, soc ya ca'be jun ta slajunebal spisil te bin ya jta, xchi.

San Marcos 2:18

Te jnopojeletic yu'un te Juan soc te jnopojeletic yu'un te fariseohetic ya scom swe'elic. Ay mach'atic tal sjoc'obeyic te Jesús: ¿Bin yu'un ya scom swe'elic te jnopojeletic yu'un te Juan soc te jnopojeletic yu'un te fariseohetic, yan te jnopojeletic awu'une, ma ba ya scom swe'elic stuquel? xchihic.

Salmos 69:10

Te c'alal ya x'oc'on soc ya jcom jwe'el, ya quich' labanel yu'un;

Salmos 35:13

Pero te ho'one, te c'alal tsacotic ta chamel, la jlap pac' yu'un mel-o'tan; la jcac' jwocol ta scomel jwe'el, suht ta jtojol te bin la jc'ambe Dios.

Hechos 14:23

La slehic ancianohetic ta jujun iglesia, la scom swe'elic soc la sc'opombeyic Dios, hich la ya'beyic ta sc'ab te Cajwaltic te ha sch'uhunejiquixe.

San Mateo 6:5

Te c'alal yac ac'oponic Dios, ma me hichuc xapasic te bin ut'il ya spasic te jchebal-o'tanetic, como ha ya smulanic te ya stehc'an sbahic ta sc'oponel Dios ta sinagogahetic soc ta jujun xuhc calle scuenta yu'un ya x'ilotic yu'un ants-winiquetic. Jamal ya calbeyex te yich'ojiquix te smahtanique.

San Mateo 6:2

C'alal yac aq'ueben ataq'uin, ma me nahiluc xawac' ta oq'uesinel corneta ta atojol, hich te bin ut'il ya spasic ta sinagogahetic soc ta callehetic te jchebal-o'tanetic scuenta yu'un ya xhalbot lec sc'oblalic yu'un ants-winiquetic. Jamal ya calbeyex, yich'ojiquix te smahtanique.

Ester 4:16

Bahan, tsoba spisil te judiohetic ayic ta Susa, coma awe'elic ta jcuenta. Ma me xwe' x'uch'ex oxeb c'ahc'al soc oxeb ahc'abal. Ha nix hichon soc te ach'ixetic cu'un ya jcom jwe'elcotic. Patil ya x'ochon bahel ta yilel te ajwalil, aunque ma hichuc ya yal te ley. Teme ya xlajon, lajucon, xchi.

2 Samuel 12:16

Te David tulan la sc'opon Dios yu'un te alale, la scom swe'el, och ta sna, metsel ta lum a c'ax yu'un te ahc'abal.

Salmos 109:24

Mayuc yip te sjol cacan ta scaj te ya jcom jwe'el; yahubenix jbaq'uetal ta scaj te mayuc sjuhp'el.

1 Reyes 21:27

C'alal hich la ya'iy te Acab, la sch'i' sc'u' yu'un, la slap ch'ixal pac' soc la scom swe'el. Way ta ch'ixal pac' soc pehc'aj yu'un.

2 Corintios 11:27

ay jwocol ta a'tel soc ta luhbel, bayel yahwayel, ay jwocol ta wi'nal soc ta taquinti'il; bayel buelta ma ba weht jwe'el; ay jwocol ta sic, ay jwocol yu'un mayuc jc'u' jpac'.

1 Corintios 7:5

Ma me talel c'axeluc ma xac'an yac ata abahic, ha nax teme hich achapojic chican jayeb c'ahc'al, yu'un yac awa'telinic sc'oponel Dios. Patil joquina abahic, scuenta yu'un ma ba ya sujex a te Satanás ta scaj te ma xhu' yac acom abahique.

San Lucas 2:37

hil ta me'ba'antsil, ayix chaneb yo'winic (84) ha'bil. Spisil ora ay ta Templo, c'ahc'al ahc'abal la sch'uhuntay te Dios ta scuenta sc'oponel Dios soc scomel swe'el.

Malaquías 3:14

Ha te hich awalojic: Tojol te ya cac' jbahtic ta a'batinel ta stojol Dios. ¿Bin ya jtahtic a te ya jcanantaybetic te Ley yu'un soc te ya xbehenotic soc mel-o'tan ta stojol te Jehová te scuentahinej spisil?

2 Samuel 12:21

Hich joc'obot yu'un te a'batetic yu'un: ¿Bin a te la apase? Te c'alal cuxul to a te alal, la acom awe'el soc oc'at. Pero te c'alal cham hahchat soc we'at, xchihic.

2 Corintios 6:5

c'alal ayotcotic ta majel, ta chuquel, ta tenel ta c'op, ta tulan a'tel, ta yahwayel, ta wi'nal;

Hechos 10:30

La sjac' te Cornelio: Ayix ta schanebal c'ahc'al ta hichilan ora yacon ta sc'oponel Dios ta jna, ta oxeb ora suhtel c'ahc'al a la jquil te hul stehc'an sba ta jtojol jtuhl winic te ay sts'anabul sc'u' spac',

San Mateo 6:1

Tsahtaya me abahic bin ut'il yac apasic bintic stojil ta pasel ta stojol ants-winiquetic scuenta yu'un ya yilat. Teme hich yac apasic, mayuc amahtanic ya x'a'botex yu'un te Atatic ay ta ch'ulchan.