Biblia Todo Logo
Bib sou entènèt

- Piblisite -




San Mateo 6:13 - Bible in Tzeltal Bachajón

13 Ma me xawac'otcotic ta sujel ta mulil, ac'awotcotic ta libre yu'un te bin chopol, como ha'at awu'un te cuentahinwanej, te ay awu'el soc awutsilal sbahtel q'uinal. Hichuc.

Gade chapit la Kopi

Nuevo Testamento Tzeltal de Amatenango

13 Y ma me xaꞌwakꞌ mulawukotik. Koltayaotik me te ba tut ma tsaꞌamuke. Yuꞌun jaꞌat me ya xmantalajat, sok ay bayal apoder, sok ay alekilal ta sbajtel kꞌinal. Jichuk”, xaꞌex ta skꞌoponel te Diose.

Gade chapit la Kopi

Bible in Tzeltal de Oxchuc y Tenejapa

13 Ma me xawac' yalucotic yu'un te yiljibal co'tantique. Coltayawotic loq'uel ta bay te bila amene. [Melel te ja'ate muc' ajwalilat atuquel, soc ay awu'el, soc ay awutsilal sbajt'el q'uinal. Jichuc]”, xaex me ta sc'oponel te Diose.

Gade chapit la Kopi




San Mateo 6:13
57 Referans Kwoze  

Mayuc c'ohem ta acuentahic sujel ta mulil te ma hichuc ya xc'oht ta scuenta spisil ants-winiquetic; pero stalel jun yo'tan ta jtojoltic te Diose, ma ba ya yac' te yac awich'ic tsajel te ma xcuhch awu'unic, ha pajal ya yac' soc te tsajel te bin ut'il ya xhu' ya xloq'uex ta stojol te tsajel, scuenta yu'un ya xcuhch awu'unic a.


Ma ha'uc ya calbat wocol yu'un te yac aloq'ueslan ta bahlumilal, pero te yacuc acanantay yu'un ma ba ya xtahotic yu'un te bin chopole.


Cuxuluc me awo'tanic soc c'oponahic Dios, scuenta yu'un ma ba yac atahic sujel ta mulil a; melel te espíritu ya sc'an stuquel, pero te baq'uet jteb nax stahel, la yut.


Patil la jca'iybe tulan sc'op tsobol mach'atic ayic ta ch'ulchan te hich yacalic ta yalel ta aw: ¡Aleluya! Te colel, yutsilal soc te yu'el, ha yu'un te Diose,


Pero stalel jun yo'tan ta jtojoltic te Cajwaltic, ya me ya'beyex yip awo'tanic soc ya me scanantayex yu'un te bin chopole.


Ac'a taluc te cuentahinel awu'un; ac'a yich' pasel ta bahlumilal te bin ya sc'an awo'tan, hich te bin ut'il yac ta pasel ta ch'ulchan.


Ya cac'at ta libre ta sc'ab te mach'atic chopol yo'tanic, ya jcoltayat loq'uel ta sc'ab te j'uts'inwanejetic, xchi.


Te Cajwaltic ya sna' scoltayel loq'uel ta sujel te mach'atic jun yo'tanic ta stojol Dios, soc ya sna' sq'uejel te mach'atic ma tojuc bin ya spasic yu'un ya yich'ic castigo c'alal ya sta yorahil ich'el ta c'op;


soc yac amahliyic te ya xtal ta ch'ulchan te Snich'an, te cha'cuxaj tal ta yohlil mach'atic chamenic, ha te Jesús, te mach'a ya yac'otic ta libre yu'un te ilimba talel yaque.


Como te Dios ha Muc'ul Ajwalil yu'un swohlol bahlumilal; ¡c'ayojtayahic c'ayojetic ta stojol!


Ha'at, Jehová, t'ujbilat, ay awu'el, ay awutsilal, yac awa'iy tsalaw, ich'bilat ta muc'; como spisil bintic ay ta ch'ulchan soc ta bahlumilal, ha'at awu'un. Ha'at awu'un, Jehová, te pasaw ta mandar, soc ha'at toyolat yu'un spisil.


Ya me xcusticlambot ya'lel sitic yu'un te Diose; mayuquix lajel, mel-o'tan, oq'uel o te bin c'ux, como c'axix spisil te bintic ay ta nahil to, xchi.


Te Jehová ha Ajwalil ta spisil ora soc ta sbahtel q'uinal; te nacionetic ya xch'ayic ta sq'uinalic.


Te bin ut'il acanantayej te jmandar te ya xcuhch awu'un te awocol, ha nix hichon ya jcanantayat ta yorahil tsajel te ya xtal ta stojol swohlol bahlumilal scuenta stsajelic te mach'atic nahinemic ta bahlumilal.


Te mach'a ya'telinej spasel mulil, ha me yu'un pucuj stuquel, como te pucuj stalel la sle mulil ta shahchibal to tal. Ha scuentahil te chicnaj te Snich'an Dios, yu'un ya slajimbe ya'tel te pucuje.


P'ijanic me soc wic'sitaya me abahic, como te acontrahic, ha te pucuj, bayuc yac ta behel, hich te bin ut'il choj, ta slehel mach'a ya slajin.


¡Bayel yutsil te Jehová, te Dios yu'un Israel, ta spisil ora soc ta sbahtel q'uinal! Hichuc, hichuc.


¡Bayel me yutsil te Jehová te Dios yu'un Israel, ta spisil ora soc ta sbahtel q'uinal! Ta spisil te pueblo la sjaq'uic: Hichuc, xchihic, soc la yalbeyic yutsilal te Jehová.


Te Jabes la sc'opon te Dios yu'un Israel, hich la yal: A'bon bendición soc muc'ubtesbon jq'uinal; coltayawon soc ac'awon ta libre yu'un te bin chopol, scuenta yu'un ma xc'ax jwocol a, xchi. Hich a'bot yu'un Dios te bin la sc'ane.


te la smac'linat ta maná ta jochol taquin q'uinal, ha te we'elil te ma ba la sna'beyic sba te ame'atatic, te la ya'bat apehc'an aba soc la yilbat awo'tan, scuenta awutsil alequil ya xc'ohat yu'un;


¡Te Jehová ya me ya'iy pasaw ta mandar ta spisil ora soc ta sbahtel q'uinal! xchihic ta c'ayoj.


Ta patil te Dios la stsaj te Abraham, hich la yalbe: Abraham, xchi. Li' ayoni, xchi te Abraham.


te ha nix la yac' sba ta lajel yu'un te jmultic yu'un ya scoltayotic loq'uel ta yohlil te bin chopol ay ta pasel ta ora ini, hich te bin ut'il la sc'an yo'tan te Jtatic Dios,


como spisil bintic yaloj ta jamal te Diose: Yac, xchi sc'oblal ta scuenta Cristo. Ha yu'un te ta scuenta Cristo ho'otic ya caltic: Hichuc, xchihotic, ta scuenta yutsilal te Diose.


Como ay ta xi'el te Jehová te mero toyol ay, ha Muc'ul Ajwalil ta swohlol bahlumilal.


te ha' te ya xbohlobteswan ac'a c'ohtuc ta ach'uht soc ac'a yac' siht'uc ach'uht soc lewts'ujuc acub, xchi. Hich me ya sjac' te ants: Hichuc, hich ac'a c'ohtuc ta pasel, xchi.


Ma me xiwat yu'un teme ya xc'ax awocol. Ay me ya yotsesex ta cárcel te pucuj scuenta atsajelic; lajuneb c'ahc'al ya me xc'ax awocolic. Junuc me awo'tan ha to c'alal ya xlajat, ya me ca'bat te corona scuenta cuxlejal.


te mach'a cuxul. Lajon, pero cuxulonix sbahtel q'uinal. Quich'oj te llave yu'un lajel soc yu'un te yawil mach'atic chamenic.


Pero hich me ya xc'opojex: Hich, teme hiche, o: Ma'uc, teme ma'uque, como teme c'ax hich ya xc'opojat ini, ma lecuc banti ya xloc' tal te c'ope.


Ya me awich' loq'uesel ta stojol te ants-winiquetic, ya xnahinat ta yohlil te ha'mal chambahlametic; ha'mal yac awe' hich te bin ut'il j'a'tel-wacaxetic, soc ya me yahts'esbat abaq'uetal te sts'ujulil ch'ulchan. Ya xc'ax huqueb ha'bil ha to c'alal yac ana' te Mach'a mero toyol ay ha toyol xan ya'tel ta stojol ban c'alal scuentahinej winiquetic, soc ya ya'be ya'tel ta cuentahinwanej te mach'a ya sc'an ya ya'be.


Loq'uesa ta jtojol te lot soc te lo'loywanej; soc ma me xawac'on ta pobre o ta jc'ulej, ha nax me xawa'bon te we'elil te ya xtuhun cu'une,


Ya me ana' spisil te be banti la yic'at tal te Jehová te Dios awu'un te cha'winic (40) ha'bil ta jochol taquin q'uinal yu'un la ya'bat apehc'an aba, la yilbat awo'tan, yu'un hich ya sna' a te bin ay ta awo'tan, teme yac apas o ma ba yac apas te mandariletic yu'une.


como teme ha nax ta ach'uhlel yac awalbe lec sc'oblal Dios, te mach'a tey ay a te yac nax ta ya'iyel, ¿bin ut'il c'an yal, ‘Hichuc’ yu'un te bin yac awal wocol yu'une?


soc ac'ticlambeya snopic te ya me sch'uhunic spasel spisil bintic la jpasex ta mandar. Te ho'one joquinejex spisil ora, yalel c'alal ta slajel bahlumilal, xchi te Jesús. Hichuc.


Patil, te mach'atic yu'un te Mamal te ch'uhltesbilic ya me yich'ic te ban c'alal ay ta cuentahinel, ha yu'unic ya xc'oht ta sbahtel q'uinal.


Bayel me yutsil te Jehová, te Dios yu'un Israel, ta spisil ora ta sbahtel q'uinal. Hich ac'a yal spisil te pueblo: ¡Hichuc! ¡Aleluya!


¡Bayeluc me yutsil sc'oblal sbahtel q'uinal te Jehová! ¡Hichuc!


¡Bayel me yutsil te sbihil sbahtel q'uinal! ¡Spisil te q'uinal ac'a nojuc ta yutsilal! ¡Hichuc, hichuc!


Te Benaía snich'an Joiada, hich la sjac'be sc'op te ajwalil: Hichuc, hich ac'a yal te Jehová te Dios yu'un te ajwalil cu'une.


Te chaneb scha'winic (24) ta tuhl mamaletic soc te chaneb bintic cuxajtic la spahcan sbahic ta lum, la sch'uhuntayic te Dios te hucul ta smuc'ul-huctajib, hich la yalic: ¡Hichuc! ¡Aleluya! xchihic.


Soc spisil bintic ay ta ch'ulchan, ta bahlumilal, ta ye'tal bahlumilal soc ta mar la jca'iy hich yacalic ta yalel: Te mach'a hucul ta smuc'ul-huctajib, soc te Jcolel Tuminchij, ac'a yich' halbeyel yutsil sc'oblalic, ac'a ich'ec ta muc', ayuc me yutsilalic soc yu'elic ta sbahtel q'uinal, xchihic.


Ts'ihbabeya te ch'ul a'bat yu'un te iglesia ta Laodicea: Hich ya yal te mach'a Hichuc, ha te testigo te stalel jun yo'tan soc te melel, te shahchibal te bintic pasticlambil yu'un Dios:


Ay yantic la yich'ic bohlc'optayel soc majel; soc xan ay la yich'ic chuquel ta cadena soc otsesotic ta cárcel.


Ha yu'un ac'a ich'ec ta muc' soc ayuc me yutsil sc'oblal sbahtel q'uinal te Ajwalil te sbahtel q'uinal ay, te stalel cuxul, te ma chicanuc ta ilel, te ha nax Dios stuquel. Hichuc.


¡Hichuc, ac'a spas te Jehová! Ac'a sc'ohtes ta pasel Jehová te bin la awal ta sc'op-jalwanej, te ya suht tal ta lugar ini te bintic ya xtuhun ta sna Jehová soc spisil mach'atic ic'otic bahel ta Babilonia.


como ha yu'un Jehová te ya xcuentahinwan, ha ya spas ta mandar spisil te nacionetique.


Swiv nou:

Piblisite


Piblisite