San Mateo 6:10 - Bible in Tzeltal Bachajón

¹⁰ Ac'a taluc te cuentahinel awu'un; ac'a yich' pasel ta bahlumilal te bin ya sc'an awo'tan, hich te bin ut'il yac ta pasel ta ch'ulchan.

Nuevo Testamento Tzeltal de Amatenango

¹⁰ Aꞌ me staix skꞌaalel te ya xꞌochat ta ajwalil. La me pas a tut ya skꞌan awoꞌtan ta balmilal jachik tutꞌil ta chꞌulchane.

Bible in Tzeltal de Oxchuc y Tenejapa

¹⁰ Ac'a c'otuquix yorail te ya awich' ajwalinele. Ac'a pasuc sc'anjel awo'tan ta balumilal, jich bit'il te yac ta pasel ta ch'ulchane.

San Mateo 6:10 Referans Kwoze

Hebreos 10:36

Ya sc'an te ya xcuhch awu'unic, scuenta yu'un te c'alal apasojiquix te bin ya sc'an yo'tan te Dios, ya me awich'ic te bin yaloje.

San Juan 4:34

Hich halbotic yu'un te Jesús: Ha jwe'el te ya jpas te bin ya sc'an yo'tan te mach'a la sticonon tal soc te ya hu'tesbe te ya'tel.

San Mateo 26:42

Cha'baht xan ta sc'oponel Dios scuenta schebal buelta, hich la yal: Jtat, teme ma spas te ya xc'ax bahel ta jtojol te copa ini, teme ya sc'an ya cuch', hichuc, ac'a c'ohtuc ta pasel te bin ya sc'an awo'tan, xchi.

San Mateo 12:50

Como spisil te mach'atic ya spasbeyic te bin ya sc'an yo'tan te Jtat ay ta ch'ulchan, ha quihts'inab soc ha jnan stuquel, xchi.

1 Tesalonicenses 5:18

Halbeyahic wocol Dios ta spisil bintic ya xc'oht ta pasel ta atojol, yu'un hich ya sc'an yo'tan Dios ta atojolic ta scuenta Cristo Jesús.

Romanos 12:2

Ma me xapajbeyic stalel te bahlumilal, yanuc awilelic ta scuenta yach'ubtesel te snopojibal awu'unic, scuenta yu'un hich yac ana'ic a te bin ya sc'an yo'tan te Dios, te ha ay yutsil soc te c'ax leque.

San Juan 6:40

Hich ay te bin ya sc'an yo'tan te mach'a la sticonon tal: ha te ayuc scuxlejal sbahtel q'uinal spisil te mach'a ya yil te Nich'anil soc ya sch'uhun; soc ya jcha'cuxajtes ta slajibal c'ahc'al, xchi.

Colosenses 1:9

Ha scuentahil, te c'alal hich la jca'iybeyex ac'oblalic, ma ba ya xquehchajotcotic ta sc'oponel Dios ta atojolic, ha ya jc'ambecotic te yacuc snojesbeyex ta awo'tanic sna'el bin ya sc'an yo'tan, ta scuenta spisil p'ijil-o'tanil soc snopojibal ta scuenta espíritu.

Efesios 6:6

ma ha'uc nax te c'alal yac yilbelat, hich te bin ut'il mach'atic ha nax ya sc'anic te lec sc'oblalic yu'un yantic, hichuquex me te bin ut'il a'batetic yu'un Cristo, ta spisiluc awo'tanic yac apasic te bin ya sc'an yo'tan te Diose.

Salmos 40:8

Ya jmulan spasel te bin ya sc'an awo'tan, Dios cu'un; ay ta co'tan te Ley awu'un, xchihon.

San Mateo 7:21

Ma spisiluc te mach'atic ya yalbonic: Cajwal, Cajwal, xchihic, te ya x'ochic te banti ay te cuentahinel yu'un te ch'ulchan, ha nax te mach'atic ya spasbeyic te bin ya sc'an yo'tan te Jtat ay ta ch'ulchan.

1 Pedro 2:15

Como ha ya sc'an te Dios te yac apasic te bin lec scuenta yu'un hich yac amacbeyic ye a te mach'atic ma sna'ic q'uinal.

Hebreos 13:21

ac'a scoltayex ta spasel spisil bintic lec scuenta yu'un yac apasic te bin ya sc'an yo'tan, soc ta scuenta Jesucristo ac'a a'tejuc ta awo'tanic ta spasel te bin lec yo'tan yu'une; ayuc me yutsilal te Cristo scuenta sbahtel q'uinal stuquel. Hichuc.

San Mateo 3:2

hich la yal: Suhtesa awo'tanic, como nopolix yorahil te cuentahinel yu'un te ch'ulchane, xchi.

Daniel 7:27

Soc te cuentahinel, te yip soc te yutsilal spisil ta chahp ban c'alal ayic ta cuentahinel ta ye'tal ch'ulchan ya x'a'bot te mach'atic ch'uhltesbilic te ha yu'unic te Mach'a mero toyol ay. Sbahtel q'uinal ay te cuentahinel yu'unic, soc spisil te ajwaliletic ya me yac' sbahic ta a'batinel yu'unic soc ya me sch'uhumbeyic smandar.

San Lucas 22:42

hich la yal: Jtat, teme hich ya sc'an awo'tan, ma me xc'oht ta jcuenta te copa ini; pero ma me ha'uc ya xc'oht ta pasel te bin ya sc'an co'tan ho'on, ha ac'a c'ohtuc ta pasel te bin ya sc'an awo'tan te ha'ate, xchi.

San Juan 7:17

Te mach'a ya sc'an ya spas te bin ya sc'an yo'tan te Diose, ya me sna' teme ha nohptesel yu'un Dios o teme jtuquel-o'tan nax ya xc'opojon.

Daniel 2:44

Te yorahil te ajwaliletic ini te Dios ta ch'ulchan ya me shach jchahp ban c'alal ya scuentahin jtuhl ajwalil te mayuc bin ora ya xlaj, soc ma ba ya x'ac'ot hilel ta sc'ab yan nación; ha ya swuyticlan soc ya slajinlan spisil te jchahp ban c'alal scuentahinejic te ajwaliletic ini, pero sbahtel q'uinal ya xhil stuquel,

Apocalipsis 19:6

Soc la jca'iy hich te bin ut'il sc'op tsobol ants-winiquetic, hich te bin ut'il sc'op bayel ha'etic soc hich te bin ut'il tulan st'ohmel chahwuquetic, te hich yac yalbelic ta aw: ¡Aleluya! ¡Como hahchix ta cuentahinwanej te Cajwaltic Dios te spisil ya xhu' yu'une!

1 Tesalonicenses 4:3

Ha ya sc'an yo'tan Dios te yac awich'ic ch'ultesel, ha te jc'axel ya xhil awu'unic antsinel soc antsiwej;

Hechos 21:14

Te bin ut'il ma ba hu' cu'uncotic scomel te Pablo, laj co'tancotic, hich la jcalcotic: Ac'a c'ohtuc ta pasel te bin ya sc'an yo'tan te Cajwaltique, xchihotcotic.

Daniel 4:35

Te mach'atic nahinemic ta bahlumilal hich c'ohemic te mayuc sc'oblalic ta stojol; ha ya spas te bin ya sc'an yo'tan ta stojol tsobolic ta ch'ulchan soc te mach'atic nahinemic ta bahlumilal. Mayuc mach'a ya xhu' ya scombe sc'ab o te hich ya yalbe: ¿Bin yac apas? te xchihe.

Hechos 13:22

C'alal la sloq'ues te Saúl, ha la yotses ta ajwalil te David, te hich halbil sc'oblal yu'un: La jta jtuhl winic te lec co'tan yu'un, ha te David te snich'an Isaí; ha ya spas spisil te bin ya sc'an co'tan, te xchihe.

San Mateo 4:17

Ta hich ora hahch ta yalel sc'op Dios te Jesús, hich la yal: Suhtesa awo'tanic, como nopolix yorahil te cuentahinel yu'un te ch'ulchane, xchi.

Apocalipsis 12:10

Patil la jca'iy ay mach'a tulan c'opoj ta ch'ulchan, hich la yal: Yorahilix te colel, te yu'el soc te cuentahinel yu'un te Dios cu'untic, soc te ya yich' ya'tel te Cristo yu'une. Como ch'ojotix loq'uel te mach'a yac slehbebel smul te quermanotactic, te c'ahc'al ahc'abal yac ta slehbeyel smul ta stojol te Dios cu'untique.

1 Pedro 4:2

hich te jayeb xan c'ahc'al cuxul ta bahlumilal ma ba ya spas te bintic ya smulan spasel te bin scuenta ch'ich'-baq'uet, ha ya spas te bintic ya sc'an yo'tan te Diose.

Hebreos 10:7

Ha yu'un la jcal: Ilawil, talemon, Dios cu'un, yu'un ya jpasbat bin ya sc'an awo'tan, hich te bin ut'il ts'ihbabil jc'oblal ta balbil hun, xchi.

San Lucas 19:38

Hich la yalic: ¡Bayel me yutsil te ajwalil te yac ta talel ta scuenta sbihil te Cajwaltique! ¡Lamaluc me q'uinal ta ch'ulchan soc ayuc yutsilal ta toyol! xchihic ta aw.

San Marcos 3:35

Como spisil mach'a ya spas te bin ya sc'an yo'tan te Diose, ha jnan soc ha quihts'in c'ohem, xchi te Jesuse.

San Mateo 16:28

Jamal ya calbeyex te ay mach'atic li' ayic ta ora ini te ma ba chamenic a te ya me yilic yac ta talel te Nich'anil ay ta scuenta winic ta banti te cuentahinel yu'une, xchi.

Daniel 7:13

La jquil ta nahalsitil ta ahc'abal, ay mach'a yac ta talel ta tocal, pajal soc jtuhl snich'an winic; tal ta banti ay te Mamale, ac'ot te ya xnohpoj bahel ta stojol.

Nehemías 9:6

Ha'at nax atuquel Jehová; ha'at la apas te ch'ulchan soc stoyolil te ch'ulchan, soc spisil te bintic ay tey a, te bahlumilal soc spisil bintic ay tey a, te maretic soc spisil bintic ay tey a. Ha'at yac awa'be scuxlejal spisil ini, soc spisil bintic ay ta ch'ulchan ya sch'uhuntayat.

San Marcos 11:10

¡Bayel yutsil te cuentahinel yu'un te jtatic David te yac ta talele! ¡Hosana ta stoyolil ch'ulchan! xchihic ta aw.

Apocalipsis 11:15

Te shuquebal ch'ul a'bat la yoq'uesin te scorneta, ay mach'atic tulan c'opojic ta ch'ulchan, hich yacalic ta yalel: Te cuentahinel yu'un te bahlumilal, ha yu'unix te Cajwaltic Dios soc te Cristo yu'une, ha ya xcuentahinwan sbahtel q'uinal, xchihic.

Apocalipsis 20:4

La jquil muc'ul-huctajibaletic, soc huculic tey a te mach'atic a'bot ya'telic ta chahpanwanej. Soc la jquilbe sch'uhlelic te mach'atic xot'bot sjolic ta scaj te testigo-c'op yu'un Jesús soc ta scaj te sc'op Dios, ha te mach'atic ma ba la sch'uhuntayic te chambahlam te xiweltic sba o te sloc'ombahil, soc ma ba la yich'beyic smarca ta sti'bahic o ta sc'abic; la yich'ic scuxlejalic soc la sjoquinic Cristo ta cuentahinwanej lajunwinic yoxbahc' (1,000) ha'bil.

Salmos 2:6

Ho'on la jcotses te ajwalil cu'un ta Sión, te ch'ul wits cu'un, xchi.

Hebreos 1:14

¿Ma bal meleluc te spisil te ch'ul a'batetic ha espírituhetic te ayic ta a'batinel, te ticombilic ta scoltayel te mach'atic ya yich'ic te colele?

Colosenses 1:13

Ha la scoltayotiquix loq'uel ta yip te yihc'al q'uinal, la yic'otiquix ochel ta banti ay te cuentahinel yu'un te Snich'an te c'ux ta yo'tan,

San Lucas 19:11

Laj ya'iybelic a, c'oponotic xan ta sloc'ombahil c'op yu'un te Jesús, yu'un nopol ya xc'ohtic ta Jerusalén, soc scuyojic te ora ya xchicnaj te cuentahinel yu'un Dios.

Zacarías 9:9

¡Tse'eluc me awo'tan, yantsil-nich'anat Sión! ¡awonanic soc yutsil q'uinal, yantsil-nich'anat Jerusalén! Ilawil, ya xtal ta atojol te ajwalil awu'un, toj yo'tan soc ya xcoltaywan, peq'uel yo'tan, cajal ta burro, ta tut burro te ha yal me' burra.

Isaías 2:2

Ta nopol slajibal c'ahc'al ha jolal ya xc'oht yu'un spisil witsetic te wits yu'un te sna Jehová; ha toyol ya xc'oht yu'un te tsehletic, soc spisil te nacionetic ya me xtal syom sbahic ta stojol.

Hechos 22:14

La yalbon: Te Dios yu'un te jme'jtatic la stsahat yu'un yac ana' bin ya sc'an yo'tan, te yac awil te Mach'a toj yo'tan soc te yac awa'iybe sc'op ya yal ta ye,

Jeremías 23:5

Ya me xtal sc'ahc'alel, xchi te Jehová, te ya jchicnajtes jtuhl spuhl te David te toj yo'tan, ha ya x'och ta ajwalil, ya scuentahin soc sp'ijil yo'tan, soc toj me ya ya'iy chahpanwanej soc ya spas te bin toj ta pasel ta q'uinal.