San Mateo 6:1 - Bible in Tzeltal Bachajón

¹ Tsahtaya me abahic bin ut'il yac apasic bintic stojil ta pasel ta stojol ants-winiquetic scuenta yu'un ya yilat. Teme hich yac apasic, mayuc amahtanic ya x'a'botex yu'un te Atatic ay ta ch'ulchan.

Nuevo Testamento Tzeltal de Amatenango

¹ “Ila me abaik te kꞌalal yipalex ta spasel te tut lek yoꞌtan yuꞌun te Diose, ma me xꞌawal ta awoꞌtanik te ya skꞌupinex ta sit te genteetike. Teme jich ay ta awoꞌtanik, ma me ayuk amajtanik yuꞌun te jTatik te ay ta chꞌulchane.

Bible in Tzeltal de Oxchuc y Tenejapa

¹ “Tsajtaya me abaic, ma me xawaq'uic ta ilel ta comonsitil ta stojol ants-winiquetic te bila toj ta pasele. Teme ya awaq'uic ta ilele, ma me ayuc amajt'an ya x'ac'botex yu'un te Jtatic te ay ta ch'ulchane.

San Mateo 6:1 Referans Kwoze

San Mateo 23:5

Ya spas spisil ya'telic yu'un nax ya yac' sbahic ta ilel yu'un te ants-winiquetique. Ya smuc'ubtesic te yawil mandariletic soc ya snahtubtesic te smehyil paq'uique;

San Juan 12:43

Como c'ax hich la smulanic te lec ya x'ilotic yu'un ants-winiquetic te bin ut'il lec ya x'ilotic yu'un Dios.

Hebreos 6:10

Ma yu'unuc te ma tojuc yo'tan te Dios, te ya sch'ay ta yo'tan te awa'telic soc te sc'uxul awo'tanic te la awaq'uic ta ilel ta scuenta sbihil, te bin ut'il la awac' abahic ta a'batinel ta stojol te mach'atic ch'uhltesbilic, soc te hich nix yaquex ta spasel c'alal ora.

San Lucas 16:15

Ha yu'un hich halbotic yu'un te Jesús: Yac awal abahic ta stojol ants-winiquetic te mayuc amulic te ha'exe, pero Dios ya sna'beyex awo'tanic stuquel; como te bin bayel sc'oblal yu'un winiquetic, ihlaybil yu'un te Diose.

Gálatas 6:12

Te mach'atic ya sc'anic te ya x'ich'otic ta muc' ta scuenta sbaq'uetalic, ha yac sujbelex ta yich'el circuncisión, ha nax yu'un te manchuc ya yich'ic uts'inel ta scaj te cruz yu'un te Cristo,

San Juan 5:44

¿Bin ut'il c'an ach'uhunic teme talel c'axel yac awalbel abahic yutsil ac'oblalic, te ma ha'uc yac alehic te yutsil ac'oblalic te ya xtal ta stojol te Dios te stuquel ay?

Ezequiel 33:31

Ya xtalic ta atojol hich te bin ut'il c'ahyemic ta spasel te ants-winiquetic, ya xhuhcajic ta atojol scuenta pueblo cu'un. Ya ya'iybat ac'op, pero ma ba ya sch'uhunic spasel; ya yalic te ya sc'anic, pero te yo'tanic ya st'unic te sbic'tal yo'tanique.

2 Juan 1:8

Tsahtaya me abahic scuenta yu'un ma ba ya xch'ay a te sit te awa'telic, te ts'acaluc yac awich'ic stojol ac'abic.

San Marcos 8:15

Ila me abahic, xchi te Jesús, canantaya abahic yu'un te levadura yu'un te fariseohetic soc te levadura yu'un te Herodes, xchi sc'oblalic.

San Mateo 6:16

Te c'alal yac acom awe'elic, ma me xawac' ta ilel mel-o'tan ta asit awelaw, hich te bin ut'il te jchebal-o'tanetique. Como ya syanijtes sit yelawic scuenta yu'un ya ya'be yilic ants-winiquetic te scomoj swe'elique. Jamal ya calbeyex, yich'ojiquix te smahtanique.

San Mateo 16:6

Halbotic yu'un te Jesús: Tsahtaya me abahic yu'un te levadura yu'un te fariseohetic soc te saduceohetique, xchi.

San Lucas 12:15

Hich la yalbe te yantique: Tsahtaya me abahic yu'un spisil bic'tal-o'tanil, como te scuxlejal te winic ma ha'uc ay sc'oblal te ay bayel bintic ay yu'un, xchi.

San Mateo 5:48

Te ha'exe lecuc me awo'tanic hich te bin ut'il lec yo'tan stuquel te Atatic ay ta ch'ulchane.

San Mateo 5:16

Hich me yac asacubtes q'uinal ta stojol te ants-winiquetic, scuenta yu'un ya yilic te lec awa'telic soc hich ya yalbeyic yutsil sc'oblal a te Atatic ay ta ch'ulchan.

San Lucas 11:35

Tsahtaya me abahic hiche, ma me sutp'ij ta yihc'al q'uinal te sacal q'uinale.

Salmos 112:9

Ya spucticlan, ya ya'be te pobrehetic, stalel ay te bin toj ya spas; ya xtohybot sc'oblal te yip scuenta yich'el ta muc'.

San Lucas 12:1

Ha yorahil a, la stsob sbahic tal bayel ta mil ants-winiquetic, jc'axel la sten sbahic. Te Jesús hich hahch yalbe te jnopojeletic yu'une: Tsahtaya me abahic yu'un te levadura yu'un te fariseohetic, ha te chebal-o'tanil,

San Mateo 25:40

Ya me xjac'botic yu'un te Ajwalil: Jamal ya calbeyex, te bin ut'il hich la apasbeyic te jtuhl quermano te peq'uel ay, ho'on me la apasbonic abi, xchi me sc'oblalic.

San Mateo 5:46

Como teme ha nax c'ux ta awo'tanic te mach'atic c'uxex ta yo'tanic, ¿bin amahtan yac ata a? ¿Ma bal hichuc nix ya spasic te jc'an-patanetique?

Zacarías 7:5

Halbeya spisil te ants-winiquetic ta spahmal te q'uinal soc te sacerdotehetic: Te c'alal la acom awe'elic soc oq'uex ta yo'ebal u soc ta shuquebal u ta lajuneb schanwinic (70) ha'bil ini, ¿la bal acom awe'elic ta jcuenta?

San Mateo 23:13

Pero ¡ay me awocolic, escribanohetic, fariseohetic, jchebal-o'tanex! como yac amacbelic ta stojol ants-winiquetic te cuentahinel yu'un te ch'ulchane. Ma ba ya x'ochex ha'ex, soc ma ba yac awaq'uic ochel te mach'atic ya sc'an ya x'ochic.

San Mateo 6:9

Te ha'exe, hich me xac'oponic te Diose: Jtatic te ayat ta ch'ulchan, ac'a ich'otuc ta muc' ach'ul bihil.

Deuteronomio 24:13

Ya me asutbe c'alal ya xmahl te c'ahc'ale, scuenta yu'un ya xhu' ya xway soc te sc'u' soc ya ya'bat bendición. Ha stojil ta pasel ta stojol te Jehová te Dios awu'une.

Hebreos 2:1

Ha yu'un ya me sc'an te spisil co'tantic ya quich'tic ta cuenta te bintic ca'iyejtic, te manchuc ya xhowiyotic bahel.

Daniel 4:27

Ha yu'un, ajwalil, ich'a ta cuenta te bin ya calbat, toja amul ta scuenta spasel te bin toj, soc toja te bin chopol ta scuenta te yac ac'uxultay te mach'atic ayic ta uts'inel, hich wan ya xnahtij te lamal q'uinal yac awa'iy, xchi.

Hebreos 11:26

ha bayel xan sc'oblal ta yo'tan te bohlc'optayel ta scuenta Cristo te bin ut'il te sc'uhlejal te egipciohetic, como yac'oj sit tey a te mahtanile.

San Mateo 16:27

como te Nich'anil ay ta scuenta winic ya xtal soc yutsilal te Stat, sjoquinej te ch'ul a'batetic yu'un, hich ya yac'ticlambe stojol sc'ab jujutuhl, ha chican bin yilel ya'telic.

2 Reyes 10:31

Pero te Jehú ma ba ta spisil yo'tan la stsahtay sba ta spasel te smandar Jehová te Dios yu'un Israel, soc ma ba la yihquitay te muliletic la spas Jeroboam te la ya'be sta smul a te Israel.

2 Reyes 10:16

hich la yalbe: Joquinawon, ya me awilbon te xut'et co'tan ta spasel te bin ya sc'an te Jehová, xchi. Hich la yic' ochel ta scarreta.

Zacarías 13:4

Ta hich ora ya xq'uexawic spisil te jalwanejetic yu'un te snahalsitic c'alal ya yalic sc'op-jalwanej; ma ba ya slapiquix te nuhcul te ay stsotsel yu'un ya ya'iyic lot.

Hechos 3:12

C'alal hich la yil te Pedro, hich hahch yalbe te ants-winiquetique: Winiquetic yu'un Israel, ¿bin yu'un xcham awo'tanic yu'un ini? ¿Bin yu'un te ho'otcotic yac awilotcotic, te yac acuyic te ta scuenta cu'elcotic o ta scuenta lec co'tancotic ta stojol Dios te la jcac'cotic behenuc te winique?