San Mateo 5:9 - Bible in Tzeltal Bachajón

⁹ Bayel me yutsilic te mach'atic ya yac' lahmajuc q'uinal, como ha yal-snich'nab Dios ya xc'oht sbihilic.

Nuevo Testamento Tzeltal de Amatenango

⁹ “Ben me tsaꞌam slekilik te machꞌatik ya skom te kꞌope, jich yal-xnichꞌan Dios sbiilik ya xkꞌot yuꞌun.

Bible in Tzeltal de Oxchuc y Tenejapa

⁹ “Bin nax me yutsil te mach'atic ya yac' lamajuc te c'ope, te melel yal-snich'an Dios sbiil ya xc'otic yu'un.

San Mateo 5:9 Referans Kwoze

Hebreos 12:14

Lehahic bin ut'il lamal awo'tanic soc spisil ants-winiquetic, soc lehahic te ch'ultesele; teme mayuc ch'ultesel, mayuc mach'a ya xhu' ya yil te Cajwaltique.

Romanos 12:18

Ta ban c'alal ya xhu' awu'unic, lamaluc me awo'tanic soc spisil ants-winiquetic.

Gálatas 5:22

Yan te sit ya yac' te Espíritu, ha te sc'uxul-o'tanil, tse'el-o'tanil, lamal q'uinal, ya xcuhch yu'un, yutsil-o'tanil, jun-o'tanil, sch'uhunel-o'tanil,

Salmos 120:6

Nameyix te nahinemon ta yohlil te mach'atic ya sp'ajic te lamal q'uinal.

Romanos 8:14

Ha me al-nich'aniletic yu'un Dios spisil mach'atic ayic ta tojobtesel yu'un te Espíritu yu'un Dios,

San Lucas 6:35

Ha yu'un c'ux me xawa'iy ta awo'tan te acontratac, pasbeyahic te bin lec, a'beyahic ta majanel, ma me xamahliyic te ay bin ya ya'beyex a. Hich muc' mahtanil yac awich'ic, soc hich yal-snich'anex te Mach'a toyol ay ya xc'ohex, como ay yutsil yo'tan ta stojol mach'atic ma sna'ic yalel wocol soc mach'atic chopol yo'tanic.

2 Corintios 13:11

Ta slajibal, quermanotac, tse'eluc me awo'tanic, lecuc me ya xc'ohex, ayuc smuc'ul awo'tanic, junuc me awo'tan abahic soc lamaluc me q'uinal ya xcuxajex; hich me ya sjoquinex te Dios yu'un lamal q'uinal soc te ay sc'uxul yo'tane.

Colosenses 3:13

Talel c'axel cuhchuc awu'unic soc pasbeya abahic perdón teme ay ya xhahch c'op awu'un soc te yane. Hich te bin ut'il la spasbeyex perdón te Cristo, ha ni me hich xapasbe abahic perdón.

Salmos 34:12

¿Mach'a a te ya sc'an scuxlejal, te ya sc'an te bayel c'ahc'al ya yil te bin leque?

San Mateo 5:48

Te ha'exe lecuc me awo'tanic hich te bin ut'il lec yo'tan stuquel te Atatic ay ta ch'ulchane.

2 Corintios 5:20

Ha yu'un ticombilotic yu'un Cristo, hich c'ohem te bin ut'il Dios yac ta c'op ta stojolic ta jcuentatic. Ya calbeyex wocol ta scuenta sbihil te Cristo: Junuc me awo'tan abahic soc Dios.

Hechos 7:26

Ta schebal c'ahc'al la sta cheb winiquetic te yac smajbel sbahic, c'an scom, hich la yal: Winiquetic, awermano abahic, ¿bin yu'un te yac awuts'imbel abahic? la yut.

San Mateo 5:45

scuenta yu'un yal-snich'an ya xc'ohex a te Atatic ay ta ch'ulchan, te pajal ya yac' loc'uc tal c'ahc'al ta stojol mach'atic chopol yo'tanic soc ta stojol mach'atic lec yo'tanic, soc pajal ya yac' taluc ha'al ta stojol mach'atic toj yo'tanic soc ta stojol mach'atic ma tojuc yo'tanic.

1 Crónicas 12:17

Te David loc' bahel ta stahel, hich la yalbe: Teme talex ta scuenta lamal q'uinal soc teme tal acoltayonic, jun co'tan ta atojolic. Yan teme yu'un tal awac'onic ta sc'ab te jcontratac, te mayuc bin chopol jpasoj, ac'a yil te Dios yu'un te jme'jtatic soc ac'a ya'beyex castigo, xchi.

1 Corintios 6:6

Teme ay ya scontrahin sbahic soc yermanotac ¡ya schahpanic ta stojol te mach'atic ma ba sch'uhunejic Dios!

Filipenses 4:2

Ya calbe bayel wocol te Evodia soc te Síntique te jun pajaluc yo'tanic ta scuenta te Cajwaltique.

San Lucas 20:36

como ma xhu' ya xchamiquix, yu'un hich ya xc'ohtic te bin ut'il te ch'ul a'batetic, soc ha al-nich'anetic yu'un Dios te bin ut'il ayic ta scuenta te cha'cuxajele.

Efesios 4:1

Ho'on te ayon ta chuquel ta scuenta te Cajwaltic, ya calbeyex bayel wocol te hichuc ya xcuxajex a te bin ut'il pasel ya sc'an yu'un te ic'bilexix yu'un Dios.

Romanos 8:16

Ha nix te Espíritu te ya yal testigo-c'op ta stojol te espíritu cu'untic te ha yal-snich'anotiquix te Diose.

Romanos 8:19

como spisil te bintic pasticlambil c'ax lec yo'tan yac smahliybel ya xchicnajtesot te al-nich'aniletic yu'un Dios.