San Mateo 5:7 - Bible in Tzeltal Bachajón

⁷ Bayel me yutsilic te mach'atic ya ya'iyic c'uxultaywanej, como ya me yich'ic c'uxultayel.

Nuevo Testamento Tzeltal de Amatenango

⁷ “Ben me tsaꞌam slekilik te machꞌatik ya xkꞌuxutaywane, ya me skꞌuxutayot yuꞌun euk te Diose.

Bible in Tzeltal de Oxchuc y Tenejapa

⁷ “Bin nax me yutsil te mach'atic ya yaiyic c'uxtaywaneje, te melel ya me staic c'uxtayel yu'un uuc te Diose.

San Mateo 5:7 Referans Kwoze

Efesios 4:32

Talel c'axel xawa'be aba awil yutsil awo'tanic soc c'uxultaywanej, talel c'axel xapasbe abahic perdón, hich te bin ut'il Dios la spasbeyex perdón ta scuenta Cristo.

2 Samuel 22:26

Jun awo'tan ta stojol te mach'a jun yo'tan ta atojol, soc lec te bin yac apasbe te mach'a lec te bin ya spasbat.

Salmos 18:25

Te mach'a ay sc'uxul yo'tan yac awa'be yil te sc'uxul awo'tane, te mach'a toj yo'tan, toj yac awac' aba ta stojol;

Santiago 2:13

como te mach'a ma ba la ya'iy c'uxultaywanej, ma ba ya yich' c'uxultayel te c'alal ya xc'oht ta ich'el ta c'op; te c'uxultaywanej ya stsal te ich'el ta c'op.

Santiago 3:17

Yan te p'ijil-o'tanil te ya xtal ta toyol, mayuc bin capal tey a, lamal yo'tan, manso yo'tan, bayel ya sna' yo'bolil jbahtic soc lec te sit ya yac', ma tsahbiluc nax mach'a ay ta yo'tan, soc ma jchebal-o'tanuc.

Colosenses 3:12

Ha yu'un, ha'ex te tsahbilex yu'un Dios, te ch'ultesbilex soc c'uxultaybilex, lapahic te c'uxultaywanej, lequil-o'tanil, peq'uel-o'tanil, manso-o'tanil, soc ac'a cuhchuc awu'unic.

San Lucas 6:35

Ha yu'un c'ux me xawa'iy ta awo'tan te acontratac, pasbeyahic te bin lec, a'beyahic ta majanel, ma me xamahliyic te ay bin ya ya'beyex a. Hich muc' mahtanil yac awich'ic, soc hich yal-snich'anex te Mach'a toyol ay ya xc'ohex, como ay yutsil yo'tan ta stojol mach'atic ma sna'ic yalel wocol soc mach'atic chopol yo'tanic.

Miqueas 6:8

Ha'at ants-winicat, te Jehová la yalbatix te bin lec, te bin ya sc'ambat ta atojol: ha te yac apas te bin toj ta pasel, te c'ux ta awo'tan te c'uxultaywanej, soc te peq'uel yac awac' aba ta stojol te Dios awu'une.

Proverbios 19:17

Te mach'a ay bin ya ya'be te pobre, ha ya ya'be smajan Jehová c'ohem; ha ya suht ta stojol te bin lec spasoje.

Hebreos 6:10

Ma yu'unuc te ma tojuc yo'tan te Dios, te ya sch'ay ta yo'tan te awa'telic soc te sc'uxul awo'tanic te la awaq'uic ta ilel ta scuenta sbihil, te bin ut'il la awac' abahic ta a'batinel ta stojol te mach'atic ch'uhltesbilic, soc te hich nix yaquex ta spasel c'alal ora.

Daniel 4:27

Ha yu'un, ajwalil, ich'a ta cuenta te bin ya calbat, toja amul ta scuenta spasel te bin toj, soc toja te bin chopol ta scuenta te yac ac'uxultay te mach'atic ayic ta uts'inel, hich wan ya xnahtij te lamal q'uinal yac awa'iy, xchi.

Hebreos 4:16

Ha yu'un junuc co'tantic ac'a nopojucotic bahel ta stojol te muc'ul-huctajibal yu'un Dios banti ay yutsil-o'tanil, scuenta yu'un ya jtahtic c'uxultayel soc yu'el te ya scoltayotic ta yorahil te jwocoltique.

Proverbios 11:17

Te mach'a ya xc'uxultaywan, lec bin ya spasbe sba, yan te j'uts'inwanej ha nix ya yuts'in sba.

1 Pedro 2:10

Ta nahil to ma pueblohuquex yu'un Dios, pero yo'tic pueblohexix yu'un te Diose; ta namey tal mayuquex ta c'uxultayel, pero yo'tic awich'ojiquix c'uxultayel.

San Marcos 11:25

Te c'alal yaquex ta sc'oponel Dios a, pasbeyahic perdón teme ay mach'a ay stahoj smul ta atojol, scuenta yu'un hich ya spasbeyex perdón yu'un amulic a te Atatic te ay ta ch'ulchan.

Proverbios 14:21

Ha stahoj smul te mach'a ya sp'aj te spat-xuhc, pero bayel yutsil te mach'a ya sc'uxultay te pobre.

Oseas 2:1

Halbeyahic te awermanotac winiquetic: Pueblo cu'un, xchihex, soc halbeyic te awermanatac antsetic: Na'bil yo'bolil sba, xchihex.

Salmos 112:9

Ya spucticlan, ya ya'be te pobrehetic, stalel ay te bin toj ya spas; ya xtohybot sc'oblal te yip scuenta yich'el ta muc'.

Salmos 112:4

Ta yohlil ihc' q'uinal ya xtihl sacal q'uinal ta stojol te mach'atic toj yo'tanic; ha te mach'atic t'ujbil yo'tanic, te ya sna'ic c'uxultaywanej soc te toj bin ya spasique.

Salmos 37:26

Spisil ora ya xc'uxultaywan soc ya yac' ta majanel, ha bendición ya xc'oht te snich'nabe.

1 Timoteo 1:13

aunque ha jbohlc'optaywanejon, j'uts'inwanejon soc j'ixta'c'optaywanejon ta nahil to; pero la jquich' c'uxultayel yu'un te ma ba la jna' bin la jpas soc mayuc sch'uhunel co'tan a.

1 Corintios 7:25

Te bin ut'il ay sc'oblal te ach'ixetic, ma ba quich'oj mandaril yu'un te Cajwaltique, pero ya cal te bin jnopoj ho'on te ta scuenta sc'uxul yo'tan te Cajwaltic ayon ta ich'el ta cuenta yu'un te bin ya cale.

1 Timoteo 1:16

Pero ha scuentahil te la jquich' c'uxultayel, scuenta yu'un te Jesucristo ya xhu' ya yac' ta ilel te lec yo'tan te mayuc slajibal, te hich chican ta jcuenta, ho'on te c'ax bayel jmul, scuenta yu'un hich ya sna'ic a te mach'atic patil ya sch'uhunic Cristo soc ya yich' scuxlejalic scuenta sbahtel q'uinal.

Oseas 2:23

Ya jts'un ta q'uinal yu'un cu'un ya xc'oht; ya jna'be yo'bolil sba te Lo-ruhama, hich ya calbe te Lo-ami: Ha'at pueblohat cu'un, xchihon, soc hich ya yalbon: Ha'at Diosat cu'un, xchi.

Oseas 1:6

Te Gomer cha'hahch xan yal, la yalatay jtuhl ach'ix. Te Jehová la yalbe te Oseas: A'beya sbihilin Lo-ruhama como ma ba ya jna'beyix xan yo'bolil sba te sna Israel, ma ba ya jpasbeyix perdón.

Isaías 57:1

Ya xlaj te mach'a toj yo'tan, pero mayuc mach'a ay ta cuenta yu'un. Ya xlajic te mach'atic jun yo'tanic ta stojol Dios, pero mayuc mach'a c'ohem ta yo'tan te ta scaj te bin chopol ya yich' loq'uesel te mach'a toj yo'tan.

2 Corintios 4:1

Ha yu'un te bin ut'il quich'ojcotic te a'tel ini ta scuenta te sc'uxul yo'tan Dios, ma xpehc'aj co'tancotic.

Romanos 11:30

Hich te bin ut'il ma ba la ach'uhumbeyic smandar Dios ta nahil to, pero ta ora ini la awich'iquix c'uxultayel ta scuenta te ma ba ya sch'uhumbeyic smandar Dios te israeletic,

2 Samuel 17:28

la yich'beyic tal ta stojol David soc te pueblo sjoquinej, wayibaletic, vasijahetic, pac'bil oxometic, soc trigo, cebada, harina, ch'ilbil trigo, habas, lentejas,

Proverbios 11:25

Te mach'a ma p'isbiluc nax ya yac', ya xp'ohl bintic ay yu'un; te mach'a ya ya'be te yane, ha nix ya x'a'bot.