San Mateo 5:6 - Bible in Tzeltal Bachajón

⁶ Bayel me yutsilic te mach'atic ya xwi'najic soc ya xtaquij yo'tanic yu'un te bin stojil ta pasele, como ts'acal ya x'a'botic.

Nuevo Testamento Tzeltal de Amatenango

⁶ “Ben me tsaꞌam slekilik te machꞌatik jun yoꞌtanik ta spasel te tut ya skꞌan te Diose, jich me ya xkoltayot yuꞌun.

Bible in Tzeltal de Oxchuc y Tenejapa

⁶ “Bin nax me yutsil te mach'atic ayic ta wi'nal soc te taquin yo'tanic yu'un te bila toj ta pasele, te melel ya me xnojesbot ta yo'tanic te bila leque.

San Mateo 5:6 Referans Kwoze

San Juan 4:14

Yan te mach'a ya yuch' te ha' te ho'on ya ca'be, mayuc bin ora ya xtaquij xan yo'tan. Te ha' te ho'on ya ca'be, hich ya xc'oht te bin ut'il sloq'uib ha' te ya x'oquin scuenta cuxlejal sbahtel q'uinal, xchi.

Salmos 107:9

Como ha ya yahts'esbe yo'tanic te mach'atic taquin yo'tanic, soc ya ya'be bayel bintic lec te mach'atic ay swi'nalic.

San Juan 6:27

Ma me x'a'tejex yu'un te we'elil te ya xlaj, a'tejanic me yu'un te we'elil te ya yac' cuxlejal sbahtel q'uinal, ha te ya ya'beyex te Nich'anil ay ta scuenta winic, como la yac' ta ilel te Dios Tatil te ha lec yo'tan yu'un, xchi.

Salmos 145:19

Ya ya'be te bintic ya sc'an yo'tanic te mach'atic ya yich'ic ta muc'; ya ya'iybe yawic soc ya scoltaylan.

San Juan 7:37

Ta slajibal sc'ahc'alel te q'uin te tulan sc'oblal, la stehc'an sba te Jesús, tulan la yal: Te mach'a taquin yo'tan, ac'a taluc ta jtojol soc ac'a yuch'.

Apocalipsis 7:16

Ma ba ya xwi'najiquix soc ma ba ya ya'iyiquix taquinti'il, ma ba ya ya'iyiquix sc'uxul c'ahc'al, o yan sq'uixnal,

San Lucas 6:21

Bayel me awutsilic ha'ex te ayex ta wi'nal ta ora ini, como ya me xnoj ach'uhtic. Bayel me awutsilic ha'ex te yacalex ta oq'uel ta ora ini, como ya me stse'ejinex.

Isaías 44:3

Yu'un ya jmal ha' ta taquin q'uinal, be-ha'etic ta taquin lum. Ya jmal te espíritu cu'un ta stojol awal-anich'nab, te bendición cu'un ta stojol ats'umbal;

San Lucas 1:53

Te mach'atic ayic ta wi'nal la yac'ticlambe te bintic lec, pero jochol sc'abic la sticonlan bahel te jc'uhlejetique.

Isaías 65:13

Ha yu'un hich ya yal te Cajwaltic Jehová: Te a'batetic cu'un ya me xwe'ic, yan te ha'exe ay awocolic ta wi'nal; te a'batetic cu'un ya me x'uch'ic, yan te ha'exe ayex ta taquinti'il; te a'batetic cu'un tse'el yo'tanic, yan te ha'exe ya xhilex ta q'uexlal;

Salmos 65:4

Bayel me yutsil te mach'a tsahbil awu'un soc te yac awic' tal ta ats'ehl yu'un ya xnahin ta amaq'uetic awu'un. Bayel bintic ya jtahcotic yu'un te bintic ay ta Ana, ha te ch'ul Templo awu'une.

Isaías 25:6

Ta wits ini te Jehová te scuentahinej spisil ya me schahpambe bayel lequil we'elil yu'un spisil te nacionetic, bayel lequil vino, tsahbil lequil ti'bal soc tsahbil lequil vinohetic.

Salmos 84:2

¡Bayel ya smulan te jch'uhlel, mero ya sc'an co'tan te yamaq'uil Sna te Jehová! ¡Te co'tan soc te jbaq'uetal ya sc'ayojtay te cuxul Dios!

San Lucas 6:25

¡Ay me awocolic ha'ex te nojel ach'uhtic ta ora ini! como ya me xwi'najex. ¡Ay me awocolic ha'ex te yacalex ta tse'ej ta ora ini! como ya me amel-awo'tanic soc ya me x'oq'uex.

Isaías 41:17

Te pobrehetic soc te mach'atic mayuc bin ay yu'unic ya slehic ha', pero ma ba ya stahic; c'ax taquij yehic yu'un. Pero ho'on te Jehovahon ya jac'be sc'opic; ho'on te Dioson yu'un Israel ma ba ya jpihtes.

Salmos 63:5

Bayel ya sta swe'el te jch'uhlel hich te bin ut'il ta banti lequil chahpambil we'elil, ta scuenta bayel yutsil q'uinal ya ca'iy, ya calbat yutsil ac'oblal,

Salmos 17:15

Yan te ho'one, ta scuenta stojil bin ay ta pasel ya quilbat asit; c'alal ya xwihc' jsit, tic' ya ca'iy a te ya quil bin awilel. Yu'un jach-c'ayoj. Ha salmo yu'un David, ya'bat Jehová. La yalbe te Jehová te c'ayoj ini te bin c'ahc'alil ac'ot ta libre yu'un ta sc'ab spisil te scontratac soc ta sc'ab Saúl. Hich la yal:

Cantares 5:1

Talemon ta ts'umbil q'uinal cu'un, quihts'inat, jlecolat; La jtsobix te mirra soc te perfumehetic cu'un, la jlo'ix te chab soc te schabec'al, la jcuch'ix te vino soc te leche cu'un. We'anic, ha'ex te jun co'tan jbahtic soc, uch'anic ta ban c'alal yac ac'anic.

Isaías 66:11

yu'un ya xchu'unex soc ya xnoj ach'uhtic yu'un te ch'u'ul te ya yac' muc'ul-o'tanil; yac awuch'ic soc yac amulambeyic te yutsilal te c'ax bayele.

Proverbios 10:24

Te bin ya xi' te mach'a chopol yo'tan ya me xc'oht ta stojol, yan te mach'atic toj yo'tanic, ya me x'a'botic te bin ya sc'an yo'tanic.

Proverbios 21:21

Te mach'a ya st'un te bin toj ta pasel soc te c'uxultaywanej ya sta scuxlejal, te bin toj ta pasel, soc ich'el ta muc'.

Jeremías 31:25

Ya ca'be xan yipic te mach'atic luhbenic soc ya cac' lecubuc q'uinal ya'iyic te mach'atic ayic ta mel-o'tan, xchi.