San Mateo 5:5 - Bible in Tzeltal Bachajón

⁵ Bayel me yutsilic te mach'atic manso yo'tanic, como ya x'a'bot yu'untayic te bahlumilale.

Nuevo Testamento Tzeltal de Amatenango

⁵ “Ben me tsaꞌam slekilik te machꞌatik pekꞌ ay sok te yoꞌtane, jich me ya xꞌaꞌbot yuꞌuninik te lum yaloj te Diose.

Bible in Tzeltal de Oxchuc y Tenejapa

⁵ “Bin nax me yutsil te mach'atic peq'uel ya yac' sbaique, te melel ya me x'ac'bot sq'uinalinic te balumilale.

San Mateo 5:5 Referans Kwoze

Salmos 37:11

Yan te mach'atic manso yo'tanic ya me yich'ic hilel te q'uinal soc ya me smulanic bayel lamal q'uinal.

Isaías 29:19

Te mach'atic peq'uel yo'tanic ya me xcha'tal stse'elil yo'tanic ta stojol Jehová; te mach'atic jc'axel mayuc bin ay yu'unic ay me yutsil yo'tanic ta stojol te Ch'ul Dios yu'un Israel.

Santiago 3:13

¿Mach'a a te ay sp'ijil yo'tan ta awohlilic soc te ay bin ya sna'? Ac'a yac' ta ilel ta scuenta te lec stalel te bin ut'il ya spas ya'tel soc peq'uel yo'tan soc sp'ijil yo'tan.

Salmos 149:4

como te Jehová ya smulan te pueblo yu'une; ya ya'be ya'iyic tsalaw te mach'atic peq'uel yo'tanic, ha sch'ahlelic c'oht yu'un.

Gálatas 5:23

manso-o'tanil, soc ya xhu' yu'un scomel sba; mayuc ley te ya scontrahinlan ini.

Santiago 1:21

Ha yu'un ihquitayahic spisil bin bohloben soc te bayel bin chopol ta pasele; peq'ueluc me awo'tanic xawich'ic te c'op ts'umbil ta awo'tanic, te ha ya xhu' ya xcol ach'uhlelic yu'un.

Salmos 25:9

Ya stojobtes ta spasel te bin toj te mach'atic peq'uel yo'tanic, ya ya'be snop te be yu'un te mach'atic manso yo'tanique.

Números 12:3

Te winic Moisés mero peq'uel yo'tan ta winiquil, c'ax hich a te bin ut'il spisil winiquetic ayic ta bahlumilal.

Colosenses 3:12

Ha yu'un, ha'ex te tsahbilex yu'un Dios, te ch'ultesbilex soc c'uxultaybilex, lapahic te c'uxultaywanej, lequil-o'tanil, peq'uel-o'tanil, manso-o'tanil, soc ac'a cuhchuc awu'unic.

San Mateo 11:29

Ich'bonic te yugo cu'un soc nopbonic co'tan, como manso soc peq'uel co'tan, hich yac atahic cux-o'tanil yu'un ach'uhlelic a,

Efesios 4:2

Peq'ueluc me xawac' abahic, lamaluc me awo'tanic, talel c'axel cuhchuc awu'unic ta scuenta sc'uxul awo'tanic,

1 Pedro 3:15

Ha me xawich'ic ta muc' ta awo'tanic te Cristo te bin ut'il ha Ajwalil awu'unic, soc chapaluquex me spisil ora ta sjac'beyel sc'op te mach'a ya sjoc'obeyex te bin ut'il ay sc'oblal te smuc'ul awo'tanic, mansohuc me awo'tanic soc ich'biluc me ta cuenta hich yac apasic.

Sofonías 2:3

Lehahic te Jehová apisilic te peq'uelex ta bahlumilal, ha'ex te la apasic te mandariletic yu'une; lehahic te bintic stojil ta pasel, lehahic bin ut'il peq'uel yac awac' abahic, ya wan xcolex ta sc'ahc'alel yilimba te Jehová.

Tito 3:2

Ma me ayuc mach'a ya sbohlobtesbeyic sc'oblal, soc ma me xya'iyic hach-c'op, ayuc me yutsil yo'tanic, yacuc yaq'uic ta ilel te manso yo'tanic ta stojol spisil ants-winiquetic.

Salmos 37:22

Te mach'atic ya x'a'botic bendición yu'un Jehová, ya me yich'ic hilel te q'uinale, yan te mach'atic bohloben sc'oblalic yu'un, ya me xlajic stuquelic.

Salmos 37:9

Como te mach'atic chopolic ya me yich'ic loq'uesel ta q'uinal, yan te mach'atic ha ya smuc'ulin yo'tanic te Jehová, ya me x'a'bot yich'ic hilel te q'uinale.

1 Pedro 3:4

ha'uc me ach'ahlelic te bin ay ta awo'tanic, te sch'ahlel te ma xlaj sc'oblal, ha te yutsil awo'tanic soc lamal awo'tanic, te ha lec yo'tan yu'un te Diose.

Isaías 11:4

ha toj ya schahpan te pobrehetic, stojil ya schahpan te mach'atic peq'uel ayic ta bahlumilal. Ya me yehchentes te q'uinal ta xul te ay ta ye; te ic' te ya shu'xiy loq'uel ta ye ya yac' lajuc a te mach'a chopol yo'tan.

Salmos 25:13

Ya me ya'iybe yutsil te bintic lec, soc te sts'umbal ya me yich' hilel te q'uinale.

1 Timoteo 6:11

Yan te ha'ate, winicat yu'un Dios, ahnan loq'uel ta stojol spisil ini, t'una te bin toj ta pasel, te lec sch'uhunel Dios, sch'uhunel-o'tanil, c'uxultaywanej, te ya xcuhch awu'un, soc manso-o'tanil.

Salmos 69:32

Te mach'atic pich'il yo'tanic ya me yilic, tse'el me yo'tanic yu'un. Te mach'atic ya slehic te Diose ac'a yich' xan yip awo'tanic.

Salmos 37:29

Te mach'atic toj yo'tanic ya me yich'ic hilel te q'uinale, sbahtel q'uinal ya xnahinic tey a.

Salmos 37:34

Mahliya te Jehová soc t'umbeya sbe; ha me ya yac' tohyuc ac'oblal yu'un yac awich' hilel te q'uinale. Ya me awil te ya yich'ic lajinel te mach'atic chopol yo'tanique.

2 Timoteo 2:25

Soc yutsil yo'tan ya stojobtes mach'atic ya scontrahinic, yu'un ayuc bin ut'il ya sutesbot yo'tanic yu'un Dios yu'un hich ya xhu' ya sna'beyic scuentahil te smelelil c'op,

Romanos 4:13

Ma ha'uc ta scuenta te Ley te halbot yu'un Dios te Abraham soc te sts'umbal te ya x'a'bot yich'ic te bahlumilal, pero ta scuenta bin ut'il ilot te toj ay ta scuenta sch'uhunel yo'tan;

Salmos 147:6

Te Jehová ya stoy te mach'atic peq'uelic yan te mach'atic chopolic ya spehc'an c'alal lum.

San Mateo 21:5

Halbeyahic te yantsil-nich'an Sión: Yac ta talel ta atojolic te Ajwalil awu'unic, ha manso soc cajal ta burra, cajal ta yal burra, ha yal j'ihcatsijel chambahlam, te xchihe.

Isaías 60:21

Spisil te pueblo awu'un toj yo'tanic ya xc'ohtic, ya me a'bot yich'ic te q'uinal sbahtel q'uinal. Ha spuhl ya xc'ohtic te la jts'un, ha ya'tel jc'ab, scuenta yu'un hich ya cac' ta ilel a te cutsilale.

Isaías 61:1

Ay ta jtojol te espíritu yu'un te Cajwaltic Jehová, yu'un ha la stsahon te Jehová. La sticonon bahel ta yalbeyel lec yach'il c'op te pobrehetic; ta spoxtayel te mach'atic pich'il yo'tanic, ta yalbeyel te ya xcolic ta libre te mach'atic ayic ta chuquel, soc ta yalbeyel te mach'atic chuquelic te jamalix te cárcel;

Salmos 22:26

Ya me xwe'ic te pobrehetic soc ya me xnoj sch'uhtic; ya me yalbeyic yutsil sc'oblal Jehová te mach'atic ya slehic; cuxul ya xhil awo'tanic sbahtel q'uinal.