San Mateo 5:48 - Bible in Tzeltal Bachajón

⁴⁸ Te ha'exe lecuc me awo'tanic hich te bin ut'il lec yo'tan stuquel te Atatic ay ta ch'ulchane.

Nuevo Testamento Tzeltal de Amatenango

⁴⁸ Jich te jaꞌexe ya skꞌan te jichuk ay slekil awoꞌtanik te tutꞌil ay slekil yoꞌtan stukel te jTatik te ay ta chꞌulchane.

Bible in Tzeltal de Oxchuc y Tenejapa

⁴⁸ Jich yu'un te ja'exe ya sc'an te tojuc awo'tanic jich te bit'il toj yo'tan stuquel te Jtatic te ay ta ch'ulchane.

San Mateo 5:48 Referans Kwoze

Santiago 1:4

Ac'a shu'tes te ya'tel te ya xcuhch awu'unic, scuenta yu'un lec soc ts'acal ya xc'ohex yu'un, te mayuc bin ya spasex falta a.

Levítico 19:2

Halbeya spisil te pueblo yu'un te snich'nab Israel: Ch'ultesbiluquex me, como ho'on, Jehovahon, te ch'ul Dioson awu'unique.

San Lucas 6:36

Ha yu'un te ha'exe a'iyahic me c'uxultaywanej, hich te bin ut'il jc'uxultaywanej te Atatique.

Deuteronomio 18:13

Tojuc me ya x'ayinat ta stojol Jehová te Dios awu'un.

Colosenses 1:28

Ha yu'un ya calbecotic sc'oblal te Cristo; ta scuenta spisil p'ijil-o'tanil ya jtsitsbecotic soc ya jnohptescotic spisil ants-winiquetic, scuenta yu'un spisilic ay yipic a ya cac'cotic stehc'an sbahic ta stojol Cristo.

1 Juan 3:3

Spisil mach'a te hich yac ta smahliyel, ha nix yac slecubtesbel sba, hich te bin ut'il lec stuquel te Cristo.

2 Corintios 7:1

Ha yu'un, quermanotac te c'uxex ta co'tane, te bin ut'il hich halbilotic yu'un Dios, ac'a jpoc jbahtic yu'un spisil bintic bohloben ta jbaq'uetaltic soc ta co'tantic; behbehuc me ac'a quich'tic ch'ultesel ta scuenta yich'el ta muc' te Diose.

San Lucas 6:40

Te jnopojel ma ha'uc toyol xan yu'un te maestro yu'une; pero spisil te mach'atic ts'acal la snopic, pajal ya xc'ohtic soc te maestro yu'unique.

San Mateo 5:16

Hich me yac asacubtes q'uinal ta stojol te ants-winiquetic, scuenta yu'un ya yilic te lec awa'telic soc hich ya yalbeyic yutsil sc'oblal a te Atatic ay ta ch'ulchan.

Génesis 17:1

Ay balunlajuneb yo'winic (99) ya'bilal a te Abram te c'alal Jehová la yac' sba ta ilel ta stojol, hich halbot yu'un: Ho'on Dioson te spisil ya xhu' cu'un; behenan ta jtojol soc toj me xawac' aba.

Levítico 11:44

como ho'on Jehovahon te Dioson awu'unique. Ha yu'un ya me ach'ultes abahic, ch'ultesbilex me ya xc'ohex, como ho'on ch'ul Dioson; ha yu'un ma me xabohlobtes ac'oblalic ta scuenta biluc chambahlamil te staslajan ya xbehen ta lumq'uinal.

Levítico 20:26

Ch'ultesbiluquex me ta jtojol, como ho'on, Jehovahon, ch'ul Dioson, parte la jcaq'uex yu'un te yantic nacionetic scuenta yu'un ho'on cu'un ya xc'ohex.

San Mateo 5:45

scuenta yu'un yal-snich'an ya xc'ohex a te Atatic ay ta ch'ulchan, te pajal ya yac' loc'uc tal c'ahc'al ta stojol mach'atic chopol yo'tanic soc ta stojol mach'atic lec yo'tanic, soc pajal ya yac' taluc ha'al ta stojol mach'atic toj yo'tanic soc ta stojol mach'atic ma tojuc yo'tanic.

Colosenses 4:12

Xcoltanuquex laj yu'un te Epafras, te amohloltac nix soc ha a'bat yu'un Cristo. Spisil ora xbic'talti'ij ta sc'oponel Dios ta atojolic, te junuc awo'tanic, te ayuc yip awo'tanic soc te yacuc xc'oht ta pasel awu'unic spisil te bintic ya sc'an yo'tan te Diose.

2 Corintios 13:9

Ha yu'un tse'el co'tancotic te c'alal mayuc quipcotic, pero te ay awipic te ha'exe; soc ya jc'opombeyex Dios yu'un te lecuc ya xc'ohex.

Salmos 37:37

Nopa awa'iy bin ut'il ay te mach'a jun yo'tan soc ilawil te mach'a toj yo'tan, yu'un ay bin quechel ya xc'oht ta stojol te mach'a lamal yo'tan.

2 Corintios 13:11

Ta slajibal, quermanotac, tse'eluc me awo'tanic, lecuc me ya xc'ohex, ayuc smuc'ul awo'tanic, junuc me awo'tan abahic soc lamaluc me q'uinal ya xcuxajex; hich me ya sjoquinex te Dios yu'un lamal q'uinal soc te ay sc'uxul yo'tane.

Efesios 3:1

Ha scuentahil ho'on, Pablohon, te ayon ta chuquel ta scaj Cristo Jesús ta acuentahic ha'ex te jyanlumex...

2 Samuel 22:31

Te Dios, lec te be yu'une; ay yutsil te sc'op te Jehová. Ha smahquil ta stojol spisil mach'atic ya yac' sbahic ta scuenta.

San Mateo 5:47

Teme ha nax yac apatbe aba awo'tan soc te awermanotac, ¿bin xan yan yac apasic yu'un a te yantique? ¿Ma bal hichuc nix ya spasic te jyanlumetique?

Deuteronomio 27:10

A'iya me awa'iy hiche te sc'op Jehová te Dios awu'un, ya me apas spisil te mandariletic soc te bintic chapal yu'un, te yo'tic yac jpasbelat ta mandar, xchihic.