San Mateo 5:46 - Bible in Tzeltal Bachajón

⁴⁶ Como teme ha nax c'ux ta awo'tanic te mach'atic c'uxex ta yo'tanic, ¿bin amahtan yac ata a? ¿Ma bal hichuc nix ya spasic te jc'an-patanetique?

Nuevo Testamento Tzeltal de Amatenango

⁴⁶ Jich te jaꞌexe, teme jip nax kꞌux ya awaꞌiyik te machꞌa kꞌux ya yilexe, ¿tut ya ataik tsꞌin a? Asta te jkꞌan-tojemaletik yuꞌun Roma jich ya spasbe sbaik euk.

Bible in Tzeltal de Oxchuc y Tenejapa

⁴⁶ Melel teme jip nax c'ux ya awaiyic te mach'atic c'ux ya yaiyexe, ¿bila amajt'an ya x'ac'botex yu'un a te Diose? Melel jich ya spasbey sbaic uuc te jc'an-patanetique.

San Mateo 5:46 Referans Kwoze

San Mateo 11:19

Tal te Nich'anil ay ta scuenta winic te ya xwe' x'uch' stuquel, hich ya yalic: Bayel ya xwe' soc ya yuch' vino, ha jun yo'tan sba soc te jc'an-patanetic soc yantic jmulawiletic, xchihic. Pero te p'ijil-o'tanil ya xchicnaj ta scuenta te yal-snich'nabe, xchi te Jesús.

San Lucas 18:13

Yan te jc'an-patan, q'uejel to ay, ma ba la sc'an la shach mohel sit ta ch'ulchan, la spac'ulan stahn, hich la yal: Dios, na'bon yo'bolil jba, ho'on te jmulawilon, xchi.

San Lucas 15:1

Nohpojic tal ta stojol Jesús spisil te jc'an-patanetic soc te jmulawiletic ta ya'iybeyel te sc'ope.

San Mateo 18:17

Teme ma ba ya ya'iybe te sc'opique, halbeya te iglesia; teme ma ba ya ya'iybe sc'op te iglesia, hich me ya xc'ohtix awu'un a te bin ut'il jyanlum o jc'an-patan.

San Mateo 6:1

Tsahtaya me abahic bin ut'il yac apasic bintic stojil ta pasel ta stojol ants-winiquetic scuenta yu'un ya yilat. Teme hich yac apasic, mayuc amahtanic ya x'a'botex yu'un te Atatic ay ta ch'ulchan.

San Lucas 19:7

C'alal hich la yilic te ants-winiquetic, spisil hahchic wulajanel yu'un, hich la yalic: Och ta sna te mach'a jmulawil, xchihic.

San Lucas 19:2

Ay jtuhl winic, Zaqueo sbihil, scuentahinej jc'an-patanetic, soc jc'uhlej.

San Mateo 5:47

Teme ha nax yac apatbe aba awo'tan soc te awermanotac, ¿bin xan yan yac apasic yu'un a te yantique? ¿Ma bal hichuc nix ya spasic te jyanlumetique?

San Marcos 2:15

Te c'alal ay ta sna Leví te Jesús, ay tsobol jc'an-patanetic soc jmulawiletic te pajal ayic ta we'el soc Jesús soc te jnopojeletic yu'un, como bayel mach'atic t'umbil yu'un.

San Marcos 2:16

C'alal la yilic te escribanohetic soc te fariseohetic te ha sjoquinej ta we'el te jc'an-patanetic soc jmulawiletic te Jesús, hich la sjoc'obeyic te jnopojeletique: ¿Bin ut'il ay a te ya sjoquin ta we'el ta uch'el jc'an-patanetic soc jmulawiletic? la yutic.

San Lucas 3:12

Ay tal yac' sbahic ta a'beyel yich'ic ha' jc'an-patanetic, hich la sjoc'obeyic: Maestro, ¿bin ya cut jbahcotic te ho'otcotique? xchihic.

San Lucas 5:29

Te Leví la spasbe bayel lequil we'el ta sna, soc joquimbil yu'un bayel jc'an-patanetic soc yantic te ayic ta mesa soque.

San Lucas 5:30

Te escribanohetic soc fariseohetic la stijic ta c'op te jnopojeletic yu'une: ¿Bin yu'un yac ajoquinic ta we'el uch'el te jc'an-patanetic soc jmulawiletic? la yutic.

San Lucas 7:29

C'alal hich la ya'iyic spisil te pueblo, soc te jc'an-patanetic, la yalic te bin ut'il lec ya'tel te Diose, como yac'ojix sbahic ta ich'-ha' yu'un te Juan.

San Lucas 7:34

Tal te Nich'anil ay ta scuenta winic te ya xwe' x'uch', hich yac awalic: Ha'i winic ini lom bayel ya xwe' x'uch', soc ha jun yo'tan soc jc'an-patanetic soc jmulawiletic, xchihex.