San Mateo 5:42 - Bible in Tzeltal Bachajón

⁴² Te mach'a ay bin ya sc'ambat, a'beya; soc te mach'a ay bin ya smajambat, ma me xamac ta c'op.

Nuevo Testamento Tzeltal de Amatenango

⁴² Teme ay machꞌa ay tut ya skꞌanbeyate, aꞌbeya, sok ma me amak ta kꞌop te machꞌa ay tut ya skꞌan smajanbeyate.

Bible in Tzeltal de Oxchuc y Tenejapa

⁴² Teme ay mach'a ay bila ya sc'anbate, ac'beya, soc ma me xamac ta c'op te mach'a ay bila ya smajanbate.

San Mateo 5:42 Referans Kwoze

Proverbios 19:17

Te mach'a ay bin ya ya'be te pobre, ha ya ya'be smajan Jehová c'ohem; ha ya suht ta stojol te bin lec spasoje.

Hebreos 13:16

Soc ma me xch'ay ta awo'tanic spasel te bin lec soc te talel c'axel yac acoltay abahic, como hich yilel milbil mahtaniletic ini te lec yo'tan Dios yu'une.

Salmos 37:21

Te mach'a chopol yo'tan ay bin ya smajan, pero ma ba ya sut; yan te mach'a toj yo'tan ya xc'uxultaywan soc ay bin ya yac' stuquel.

Romanos 12:20

Ha yu'un teme ay swi'nal te acontra, a'beya swe'el; teme taquin yo'tan, a'beya bin ya yuch', como teme hich yac apase, sjel ta yac abusambe c'ahc'al ac'al ta sjol.

Daniel 4:27

Ha yu'un, ajwalil, ich'a ta cuenta te bin ya calbat, toja amul ta scuenta spasel te bin toj, soc toja te bin chopol ta scuenta te yac ac'uxultay te mach'atic ayic ta uts'inel, hich wan ya xnahtij te lamal q'uinal yac awa'iy, xchi.

Eclesiastés 11:6

Ta sab ts'umbeya sbac' te ats'unube, soc ta tibiltic ma xawa'be scux yo'tan te ac'abe, como ma xana' ban ay lec ya xc'oht, teme ha ini o ha te yane, o teme lec ya xc'oht schebalic.

Hebreos 6:10

Ma yu'unuc te ma tojuc yo'tan te Dios, te ya sch'ay ta yo'tan te awa'telic soc te sc'uxul awo'tanic te la awaq'uic ta ilel ta scuenta sbihil, te bin ut'il la awac' abahic ta a'batinel ta stojol te mach'atic ch'uhltesbilic, soc te hich nix yaquex ta spasel c'alal ora.

Santiago 1:27

Te sch'uhunel Dios te lec soc te mayuc bin chopol tey a ya yil te Jtatic Dios, ha te yula'tayel te me'ba' alaletic soc me'ba' antsetic te ay swocolic, soc te ya scanantay sba te ma xbohlobtesot yu'un te bahlumilale.

San Lucas 11:41

Q'uebembeya te pobrehetic te bin ay awu'un, hich pocbil ya xc'oht awu'unic spisil a.

Proverbios 21:26

Sjunal c'ahc'al ya xbic'taj yo'tan, yan te mach'a toj yo'tan ma p'isbiluc ya yac' stuquel.

San Mateo 5:41

Teme ay mach'a ay bin ya ya'bat acuch bahel junuc legua, cuchbeya bahel chebuc legua.