San Mateo 5:4 - Bible in Tzeltal Bachajón

⁴ Bayel me yutsilic te mach'atic ya x'oq'uic, como ya xmuc'ubtesbot q'uinal ya'iyic.

Nuevo Testamento Tzeltal de Amatenango

⁴ “Ben me tsaꞌam slekilik te machꞌatik ayik ta ajtal-oꞌtane, jaꞌ me ya xmukꞌutesbot yoꞌtan yuꞌun te Diose.

Bible in Tzeltal de Oxchuc y Tenejapa

⁴ “Bin nax me yutsil te mach'atic ayic ta oq'uel, te melel ya me xmuc'tesbot q'uinal yaiyic yu'un te Diose.

San Mateo 5:4 Referans Kwoze

Apocalipsis 21:4

Ya me xcusticlambot ya'lel sitic yu'un te Diose; mayuquix lajel, mel-o'tan, oq'uel o te bin c'ux, como c'axix spisil te bintic ay ta nahil to, xchi.

Isaías 57:18

Quilojbe te behetic yu'unic, pero ya jlecubtes soc ya jtojobtes bahel; ya jmuc'ubtesbe q'uinal ya'iy soc te mach'atic ayic ta oq'uel yu'une.

San Lucas 6:21

Bayel me awutsilic ha'ex te ayex ta wi'nal ta ora ini, como ya me xnoj ach'uhtic. Bayel me awutsilic ha'ex te yacalex ta oq'uel ta ora ini, como ya me stse'ejinex.

Santiago 1:12

Bayel me yutsil te mach'a ya xcuhch yu'un swocol ta tsajel, como teme cuhch yu'une, ya me x'a'bot yich' te corona yu'un cuxlejal te yaloj Dios ya yich'ic te mach'atic c'ux ya ya'iy ta yo'tanic.

Isaías 25:8

Ya me slajin scuenta sbahtel q'uinal te lajele, te Cajwaltic Jehová ya scusticlambe ya'lel sitic ta spisilic, ya sloq'ues ta spahmal bahlumilal te bin q'uexlaltic sba yu'un te pueblo yu'une; yu'un hich yaloj te Jehová.

Isaías 66:10

Bayeluc me yutsil awo'tanic soc Jerusalén, tse'eluc me awo'tanic yu'un, apisilic te c'ux yac awa'iy ta awo'tanic; nojeluc me yutsil awo'tanic, apisilic te yac amel awo'tanic ta scuenta,

Ezequiel 9:4

hich la yalbe: C'axan ta yohlil te pueblo, ha te Jerusalén, a'beya seña ta sti'ba te mach'atic ya x'ahcanajic soc ya x'awonic ta scaj spisil te bintic ilobtic sba te ya yich' pasel tey a, xchi.

Isaías 35:10

Te mach'atic colemic ta libre yu'un te Jehová yaquic ta c'ayoj a ya suhtic tal ta Sión; spisil ora tse'el yo'tanic. Ay yutsil q'uinal ya ya'iyic soc tse'el-o'tanil, ya x'ahn bahel te mel-o'tan soc ahcan.

Isaías 30:19

Pueblo yu'un Sión te nahinemex ta Jerusalén, ma ba ya x'oc'atix. Te mach'a ya ya'iy c'uxultaywanej ya sna'bat yo'bolil aba soc ya sjac'bat te c'alal ya ya'iy te aw awu'une.

San Lucas 16:25

Pero halbot yu'un te Abraham: Jnich'an, na'a me te bayel bin lec la awich' te c'alal cuxulat a, yan te Lázaro ay bayel swocol; pero yo'tic a'botix smuc'ul yo'tan li'i, yan te ha'ate, ayat ta wocol.

Ezequiel 7:16

Te mach'atic cuxul ya xhilic hich ya xloq'uic ta ahnel ta witsiltic te bin ut'il stsuhmutetic yu'un te spamlejetic, spisilic ya x'ahcanajic ta scaj te smulique.

San Lucas 6:25

¡Ay me awocolic ha'ex te nojel ach'uhtic ta ora ini! como ya me xwi'najex. ¡Ay me awocolic ha'ex te yacalex ta tse'ej ta ora ini! como ya me amel-awo'tanic soc ya me x'oq'uex.

Isaías 12:1

Ta hich ora hich me yac awal: Ya jc'ayojtayat, Jehová; aunque ilinat ta jtojol, lahmaj te awilimba, soc la amuc'ubtesbon q'uinal ca'iy.

San Lucas 7:50

Pero te Jesús la yalbe te antse: Ta scuenta sch'uhunel awo'tan colematix. Jun awo'tan xbahat, xchi.

San Lucas 7:38

teq'uel hulel ta spat ta banti yoc, yac ta oq'uel, hahch spocbe yoc ta ya'lel sit soc la scusbe ta stsotsel sjol, la yuhts'uybe yoc soc la smalbe ta perfume.

Zacarías 12:10

Ya jmal cohel jun espíritu yu'un yutsil-o'tanil soc yu'un sc'oponel Dios ta stojol te sna David soc te mach'atic nahinemic ta Jerusalén. Ya me yilonic, ho'on te la slowonic, ya me smel yo'tanic hich te bin ya smel yo'tanic yu'un hip jtuhl nich'anil te chame, ya me x'oq'uic yu'un hich te bin ya x'oq'uic yu'un te cham ba-nich'anil.

Isaías 66:2

Ha pasticlambil ta jc'ab spisil ini, hich chicnaj spisil, xchi te Jehová. Pero ha ya quil te mach'a pobre soc te ya xnihc yu'un te jc'ope.