San Mateo 5:39 - Bible in Tzeltal Bachajón

³⁹ Pero ho'on ya calbeyex: Ma me xapac ac'abalic ta stojol te mach'a chopole. Teme ay mach'a ya smajbat awa'el-cho, ac'a smajbat te yane.

Nuevo Testamento Tzeltal de Amatenango

³⁹ Ja tsꞌin to, joꞌon ya kalbeyex: “Teme ay machꞌa ma tsaꞌamuk tut ya spasbeyate, ma me xꞌapakbe. Teme ay machꞌa smajat ta achoe, akꞌa ta majel te jmejch xane.

Bible in Tzeltal de Oxchuc y Tenejapa

³⁹ Ja'uc me to, jo'on ya calbeyex: Teme ay mach'a amen te bila ya spasbate, ma me xasujt'esbey spacol. Teme la smajbat te swa'el achoe, ac'a smajbat xan te yan mejch'e.

San Mateo 5:39 Referans Kwoze

1 Tesalonicenses 5:15

Tsahtayahic te mayuc mach'a ya sutbe spacol te bin chopol ya xpasbot, pero spisil ora talel c'axel xapasbe abahic te bin lec soc nix spisil te yantique.

1 Pedro 3:9

Ma me xasutbeyic ta bin chopol te mach'a chopol bin ya spasbeyex, soc ma me xasutbeyic chopol sc'oblal te mach'a la yalbeyex chopol ac'oblalic, ha xac'ambeyic bendición, como ana'ojic te ha ic'bilex yu'un yac awich'ic bendición,

Proverbios 20:22

Ma me hichuc xawal: Ya me ca'be spacol, ma me xchihucat; mahliya te Jehová, ha me ya scoltayat stuquel.

Lamentaciones 3:30

ac'a yac' scho ta stojol te mach'a ya x'ehchentesot yu'une, soc ac'a ac'otuc ta q'uexlal.

Levítico 19:18

Ma xapac ac'abal, soc ma xaq'uej ilimba ta awo'tan ta stojol te alumale, c'ux me xawa'iy ta awo'tan apat-axuhc hich te bin ut'il c'ux yac awa'iy aba te ha'ate. Ho'on, Jehovahon.

Proverbios 24:29

Ma me hichuc xawal: Hich nix ya jpasbe te bin la spasbon; hich nix ya ca'be stoj te bin la spas, ma me xchihucat.

Isaías 50:6

La jca'be smajbonic jpat te mach'atic ya xmajawanic, soc la jca'be jcho te mach'atic la sbulbonic te quisime; ma ba la jnac' jsit quelaw ta stojol labanel soc stuhbatayel.

1 Corintios 6:7

Melel, tsalbil c'ohemex te bin ut'il yac acontrahimbel abahic. ¿Ma bal ha'uc lec xan te ya xcuhch awu'unic te bin ma stojiluc ta pasel ta atojolic? ¿Ma bal ha'uc lec xan te ya xcuhch awu'unic te yac awich'ic lo'loyel?

Santiago 5:6

La awaq'uic ta lajel soc la amilic te mach'a toj yo'tan, ma ba la scomex.

Job 16:10

Te winiquetic ya sjam yehic yu'un scontrahimbelonic, la yehchentesbonic jcho, ¡spisilic la stsob sbahic ta scontrahimbelonic!

Hebreos 12:4

como ma to ayuc amaloj ach'ich'elic yu'un scontrahinel te mulile.

San Lucas 22:64

La smacbeyic sit soc la sjoc'obeyic: Hala ca'iycotic, ¿mach'a a te la smajate? xchihic.

1 Reyes 22:24

Te Sedequías snich'an Quenaana nohpoj tal, la smaj ta scho te Micaías, hich la yalbe: ¿Bin ut'il ay a te loc' ta jtojol te espíritu yu'un Jehová, te baht sc'oponat te ha'ate? xchi.

Miqueas 5:1

Tsoba abahic ta yutil te ts'ahc, yal-snich'anat soldadohetic, como joytaybilotic ta guerra; ya smajbeyic scho' ta xul te jtsobaw yu'un Israel.

San Mateo 5:40

Teme ay mach'a ya sjucat ta pleito yu'un ya sc'an ya spojbat anahtil-c'u', a'beya bahel soc te amuc'ul-c'u'.

San Lucas 6:7

Te escribanohetic soc te fariseohetic yac stsahtaybel yilic teme ya slecubtes, yu'un hich ya stahbeyic smul a.

San Juan 18:23

La sjac' te Jesús: Teme ma lecuc te bin la jcale, hala ca'iytic te bin ma lecuque; yan teme melel te bin la jcale, ¿bin yu'un la amajon? xchi.