San Mateo 5:35 - Bible in Tzeltal Bachajón

³⁵ ni ha'uc ta scuenta te bahlumilal, como ha scajtajib yoc; ni ha'uc ta scuenta Jerusalén, como ha pueblo yu'un te Muc'ul Ajwalil;

Nuevo Testamento Tzeltal de Amatenango

³⁵ Ni te balmilale porke jaꞌ me skajanibal yok. Ni te Jerusalene, porke jaꞌ mukꞌul jtejklum yuꞌun te mukꞌul Reye.

Bible in Tzeltal de Oxchuc y Tenejapa

³⁵ Soc ma me xawaq'uic ta testigo te balumilale, te melel ja' scajtijib te yacane. Soc ma me xawaq'uic ta testigo te Jerusalene, te melel ja' muc'ul lum yu'un te Muc' Ajwalile.

San Mateo 5:35 Referans Kwoze

Salmos 48:2

¡Mero t'ujbil stoyolil, ha yutsil yo'tan swohlol bahlumilal te wits Sión, ta stojol norte, te muc'ul pueblo yu'un te Muc'ul Ajwalil!

Apocalipsis 21:10

Hich ta scuenta te Espíritu la yic'on bahel ta muc'ul toyol wits, la ya'bon quil te muc'ul ch'ul pueblo Jerusalén te yac ta cohel tal ta ch'ulchan ta stojol Dios.

Malaquías 1:14

Chopol sc'oblal te mach'a ya xlo'loywan, te ay stat tuminchijetic ta jtsohb yu'un te yaloj te ya yaq'ue, pero ha ya ya'be smahtanin Jehová te bin ma lecuque. Como ho'on Muc'ul Ajwalilon, xchi te Jehová te scuentahinej spisil, soc xi'bil te jbihil ta yohlil te nacionetique.

2 Crónicas 6:6

ha jtsahoj te Jerusalén scuenta yu'un tey ya x'ayin a te jbihil, soc jtsahoj te David yu'un ya scuentahin te pueblo Israel cu'un, xchi te Jehová.

Apocalipsis 21:2

La jquil te ch'ul pueblo, te yach'il Jerusalén, yac ta cohel tal ta ch'ulchan ta stojol Dios, chahpambil hich te bin ut'il ya sch'ahl sba jtuhl ach'ix ta stojol te mach'a ya xnuhpun soque.

Salmos 99:5

Toybeyahic yutsil sc'oblal Jehová te Dios cu'untic, quejana abahic ta ye'tal yoc. ¡Ha Ch'ul Dios stuquel!

Salmos 87:2

Te Jehová c'ux ta yo'tan te puertahetic yu'un Sión, c'ax hich a te bin ut'il spisil nahetic yu'un Jacob.

Isaías 66:1

Hich ya yal te Jehová: Ha huctajibal cu'un te ch'ulchan, soc ha scajtajib coc te bahlumilal. ¿Banti ay te na te yac apasbonique? ¿Banti ay te awilal yu'un ya jcux co'tan a?

San Mateo 5:36

soc ma me ayuc bin yac awal ta jamal ta scuenta ajol, como ma xhu' yac apas ta sac o ta ihc' jlihcuc stsotsel ajol.

Hechos 7:49

Ha juctajib te ch'ulchan, soc ha scajtajib coc te bahlumilale. ¿Bin yilel na yac apasbonic? xchi te Cajwaltic; o ¿banti ay te lugar te ya jcux co'tan a?