San Mateo 5:3 - Bible in Tzeltal Bachajón

³ Bayel me yutsilic te mach'atic mayuc bin ay yu'un ya ya'iyic, como ha yu'unic te cuentahinel yu'un te ch'ulchane.

Nuevo Testamento Tzeltal de Amatenango

³ —Ben me tsaꞌam slekilik te machꞌatik meꞌbaꞌ ya yaꞌiy ta yoꞌtanike, porke jaꞌix te Mukꞌ Ajwalil yuꞌunik te Diose.

Bible in Tzeltal de Oxchuc y Tenejapa

³ —Bin nax me yutsil te mach'atic me'ba ya yaiy sba ta yo'tanic, te melel ja' me ya x'ochic ta banti ay ta ajwalinel te Diose.

San Mateo 5:3 Referans Kwoze

Isaías 66:2

Ha pasticlambil ta jc'ab spisil ini, hich chicnaj spisil, xchi te Jehová. Pero ha ya quil te mach'a pobre soc te ya xnihc yu'un te jc'ope.

Proverbios 29:23

Ya xpehc'anot yu'un stoybahil te winique, yan te mach'a peq'uel yac'oj sba ya me x'ich'ot ta muc'.

Salmos 34:18

Te Jehová nopol ay ta stojol te mach'atic ayic ta mel-o'tan, soc ya scoltay te mach'atic pich'il yo'tanique.

Proverbios 16:19

Ha lec xan te peq'uel yo'tan ta yohlil te pobrehetic te bin ut'il spuquel bintic pojbil ta stojol mach'atic jtoybahetique.

San Lucas 18:14

Ya calbeyex, te winic ini lec ay ta stojol Dios a suht bahel ta sna, ma ha'uc te yane, como mach'ayuc a te ya stoy sba, peq'uel ya x'ac'ot, yan te mach'a peq'uel ya yac' sba, ya xtohybot sc'oblal, xchi.

2 Crónicas 7:14

teme ya spehc'an sbahic te pueblo cu'un te yich'beyejonic te jbihil, teme ya sc'oponon soc ya slehbon te jsit quelaw, teme ya suhtes yo'tanic yu'un te bintic chopol spasojique, hich ya ca'iybe sc'opic c'alal ta ch'ulchan, ya jpasbe perdón yu'un smulic, soc ya cac' lecubuc te sq'uinalique.

Salmos 51:17

Te mahtaniletic ya sc'an te Diose, ha te pich'il-o'tanile; ma ba yac ap'aj, Dios cu'un, te mach'a pich'il yo'tan soc te ya smel yo'tan yu'un te smule.

Isaías 57:15

Como hich ya yal te Mach'a toyol ay, te mach'a stalel cuxul, te Ch'ul Dios te sbihile: Ho'on nahinemon ta banti toyol soc ch'ultesbil, pero ha nix hich nahinemon soc te mach'a pich'il yo'tan soc peq'uel yo'tan, yu'un ya ca'be xan yip yo'tanic te mach'atic peq'uelic soc yu'un ya ca'be xan yip yo'tanic te mach'atic pich'il yo'tanique.

Santiago 2:5

Quermanotac te c'uxex ta co'tan, a'iya me awa'iyic: ¿Ma bal ha'uc tsahbil yu'un Dios te pobrehetic ta bahlumilal te ha' c'uhlejetic ta scuenta sch'uhunel yo'tanic soc ya x'a'bot yich'ic te cuentahinel yu'un Dios te yaloj te ya yich'ic te mach'a c'ux ta yo'tanic te Diose?

Isaías 61:1

Ay ta jtojol te espíritu yu'un te Cajwaltic Jehová, yu'un ha la stsahon te Jehová. La sticonon bahel ta yalbeyel lec yach'il c'op te pobrehetic; ta spoxtayel te mach'atic pich'il yo'tanic, ta yalbeyel te ya xcolic ta libre te mach'atic ayic ta chuquel, soc ta yalbeyel te mach'atic chuquelic te jamalix te cárcel;

2 Crónicas 34:27

te nihc awo'tan yu'un soc te la apehc'an aba ta stojol Dios te c'alal la awa'iy te bin ya yalbe sc'oblal te lugar ini soc te mach'atic nahinemic tey a, soc te la apehc'an aba ta jtojol, la ach'i' ac'u' yu'un soc oc'at ta jtojol, ha nix hichon la jca'iybat ac'op, xchi te Jehová.

Miqueas 6:8

Ha'at ants-winicat, te Jehová la yalbatix te bin lec, te bin ya sc'ambat ta atojol: ha te yac apas te bin toj ta pasel, te c'ux ta awo'tan te c'uxultaywanej, soc te peq'uel yac awac' aba ta stojol te Dios awu'une.

San Lucas 11:28

La sjac' te Jesús: Ha bayel yutsil te mach'atic ya ya'iyic te sc'op Dios soc te ya spasique, xchi.

Salmos 112:1

¡Aleluya! Bayel yutsil te mach'a yich'oj ta muc' te Jehová, te bayel ya smulan te mandariletic yu'une.

Salmos 1:1

Bayel me yutsil te mach'a ma ba ya st'un te bin ya yal te mach'atic chopol yo'tanic, o ma ba ya stehc'an sba ta be yu'un jmulawiletic, o ma ba xhuhcaj ta shuctajib te jlabanwanejetique;

Job 42:6

Ha yu'un ya quihlay jba soc ya jsuhtes co'tan ta ts'u'lum soc ta tan, xchi te Job.

San Mateo 11:25

Ta hich ora la yal te Jesús: Ya calbat yutsil ac'oblal, Jtat, Yajwalat ch'ulchan soc bahlumilal, yu'un ma ba la awa'be sna'ic ha'i c'op ini te mach'atic p'ij yo'tanic soc te mach'atic ay bintic ya sna'ic, ha la awa'be sna'ic te bic'tal alaletique.

San Lucas 4:18

Ha scuentahinejon te Espíritu yu'un te Cajwaltic, como tsahbilon yu'un yalel te lec yach'il c'op ta stojol te pobrehetique. Sticonejon tal ta scoltayel te mach'atic pich'il yo'tanic, ta yalel te libre ayic te mach'atic chuculic, soc ta sjambeyel sit ts'o'sitetic, sticonejon ta yaq'uel ta libre te mach'atic tembilic ta mosohinel,

San Marcos 10:14

C'alal ilot yu'un te Jesús, ma lecuc la ya'iy, hich la yalbe: Ac'a taluc ta jtojol te alaletic, ma me xacomic, como te mach'atic hich stalelic, ha yu'unic te cuentahinel yu'un te Diose.

San Mateo 13:16

Pero bayel yutsil asitic ha'ex como yac awilic, soc bayel yutsil achiquinic como yac awa'iyic.

Isaías 30:18

Pero te Jehová yac ta smahliyel te ya sc'uxultayex; tse'el yo'tan te ya ya'beyex awilic te sc'uxul yo'tan, como te Jehová ha Dios te toj ya xchahpanwan. ¡Bayel me yutsilic spisil mach'atic ha ya smahliyic!

Salmos 146:5

Bayel me yutsil te mach'a ya xcoltayot yu'un te Dios yu'un Jacob, te ha smuc'ulinej yo'tan te Jehová te Dios yu'un,

2 Crónicas 33:12

Pero te c'alal ay ta wocol, la sc'opon te Jehová te Dios yu'un, mero peq'uel la yac' sba ta stojol te Dios yu'un te sme'state.

Salmos 41:1

Bayel me yutsil te mach'a ay ta yo'tan te pobre; ya xcoltayot yu'un Jehová ta yorahil wocol.

Salmos 2:12

Ich'ahic ta muc' te Nich'anil scuenta yu'un ma ba ya x'ilin, te hich ya xlajex ta be yu'un; como ora nax ya xtihl yilimba. ¡Bayel me yutsil spisil te mach'atic ha smuc'ulinej yo'tanic te Diose!

2 Crónicas 33:23

Pero mayuc bin ora la spehc'an sba ta stojol Jehová, hich te bin ut'il la spehc'an sba te Manasés te state; bayel xan mulil la spas.

Santiago 1:12

Bayel me yutsil te mach'a ya xcuhch yu'un swocol ta tsajel, como teme cuhch yu'une, ya me x'a'bot yich' te corona yu'un cuxlejal te yaloj Dios ya yich'ic te mach'atic c'ux ya ya'iy ta yo'tanic.

San Juan 20:29

Jesús la yalbe: Tomás, la ach'uhunon yu'un la awilon; ha bayel yutsil te mach'atic ya sch'uhunonic aunque ma ba yilojonic, xchi.

San Mateo 24:46

Bayel me yutsil te a'bat te hich yac spasbel a te ya xhul ta tahel yu'un te yajwale.

Salmos 84:12

¡Jehová te scuentahinej spisil, bayel me yutsil te mach'a smuc'ulinejat yo'tane!

Deuteronomio 8:2

Ya me ana' spisil te be banti la yic'at tal te Jehová te Dios awu'un te cha'winic (40) ha'bil ta jochol taquin q'uinal yu'un la ya'bat apehc'an aba, la yilbat awo'tan, yu'un hich ya sna' a te bin ay ta awo'tan, teme yac apas o ma ba yac apas te mandariletic yu'une.

Santiago 1:10

Yan te mach'a jc'uhlej, ac'a sna' te peq'uel ay, como hich ya xc'ax bahel te bin ut'il snich ha'mal.

Proverbios 8:32

Yo'tic, calatac, a'iybon awa'iyic jc'op; ¡bayel me yutsilic te mach'atic ya scanantaybon te behetic cu'un!

2 Crónicas 33:19

Te bin la yal ta sc'oponel Dios soc te bin ut'il a'iybot sc'op yu'un, spisil te smul soc te ma junuc yo'tan, soc te bantic la spasticlan te toyol awilaletic soc te la stehc'an loc'ombahetic yu'un Asera soc yantic loc'ombahetic, te c'alal ma to ba spehc'anej sba a, ha ts'ihbabil hilel ta hun yu'un te jalwanejetique.

Apocalipsis 22:14

Bayel me yutsilic te mach'atic ya sac' sc'u' spaq'uic, scuenta yu'un hich ya xhu' ya slo'beyic sit a te te' scuenta cuxlejal soc hich ya xhu' ya x'och bahel ta ti'ts'ahc yu'un te muc'ul pueblo.

Apocalipsis 19:9

Soc hich la yalbon te ch'ul a'bat: Ts'ihbaya ini: Bayel me yutsilic te mach'atic ic'bilic ta we'el ta nuhpunel yu'un te Jcolel Tuminchij, xchi. Soc hich la yalbon xan: Ha smelelil c'op yu'un Dios ini, xchi.

San Mateo 25:34

Te ajwalil hich me ya yalbe te mach'atic ayic ta swa'el: La'ic, ha'ex te a'botex bendición yu'un te Jtat, ich'ahic hilel te cuentahinel yu'un Dios te chahpambotex ta shachel to tal bahlumilal,

Salmos 128:1

Bayel yutsil spisil mach'atic ya yich'ic ta muc' te Jehová, te ya xbehenic ta behetic yu'une.

San Mateo 11:6

Bayel me yutsil te mach'a ma ba ya sc'ohchin sba ta jcuenta, xchi.

San Mateo 8:11

Ya calbeyex te ay tsobol ya xtalic ta stojol banti ya xloc' tal c'ahc'al soc ta banti ya xmahl c'ahc'al, pajal ya xc'oht shuhcan sbahic soc Abraham, Isaac, soc Jacob ta banti ay te cuentahinel yu'un te ch'ulchan.

San Mateo 3:2

hich la yal: Suhtesa awo'tanic, como nopolix yorahil te cuentahinel yu'un te ch'ulchane, xchi.

San Mateo 19:14

Ha yu'un hich halbotic yu'un te Jesús: Ac'a taluc ta jtojol te alaletic, ma me xacomic, como ha yu'unic te cuentahinel yu'un te ch'ulchane, xchi.

San Lucas 22:29

Ha yu'un ya ca'beyex awa'telic ta jcuentahinwanej, hich te bin ut'il a'bibilon ca'tel ta jcuentahinwanej yu'un te Jtate,

San Lucas 22:30

scuenta yu'un ya xwe' x'uch'ex ta mesa cu'un ta banti ayon ta cuentahinwanej soc ya xhuhcajex ta muc'ul huctajibaletic ta schahpanel te lahchaychahp yu'un Israel, xchi.

Apocalipsis 3:17

Hich yac awal: Jc'uhlejon, la jtahix jc'uhlejal, mayuc bin ya spason falta, xchihat. Pero ma xana' te mayuc bin ay awu'un, c'ux obol aba, pobrehat, ts'o'sitat soc watalat.