San Mateo 5:22 - Bible in Tzeltal Bachajón

²² Pero ho'on ya calbeyex, mach'ayuc a te ya yilintay te yermano, ya me x'ich'ot ta c'op yu'un smul; soc mach'ayuc a te hich ya yalbe te yermano: Bohlat, te xchihe, ya me yich' chahpanel ta stojol te Sanedrín. Soc mach'ayuc a te hich ya yalbe te yermano: Sonsohat, te xchihe, quechel ta bahel ta c'ahc' ta infierno.

Nuevo Testamento Tzeltal de Amatenango

²² Pero joꞌon ya kalbeyex: Spisil machꞌa ya yilintay te yermanoe, jaꞌ smul ya xkꞌot ta stojol te jmeltsaanwanejetike. Spisil machꞌa ya yixta-kꞌoptay te yermanoe, ya me xmeltsaanot yuꞌun te machꞌa yichꞌoj yaꞌtelike. Sok te machꞌa ya yikꞌtin te yermanoe, ya me xchꞌojot ochel ta kꞌakꞌ te ba ma xtupꞌ sbajtel kꞌinale.

Bible in Tzeltal de Oxchuc y Tenejapa

²² Ja'uc me to, jo'on ya calbeyex: Spisil mach'a ya yilintay te yermanoe, ay me smul ya xc'ot ta stojol te chajbanwanejetique. Spisil mach'a “Bolat”, ya yut te yermanoe, ay me smul ya xc'ot ta stojol te muc'ul tsobleje. Soc spisil mach'a ya slaban te yermanoe, ya me xch'ojot ochel ta yawil c'ajc' ta bay ma xtup' sbajt'el q'uinal.

San Mateo 5:22 Referans Kwoze

1 Juan 2:9

Te mach'a ya yal te ay ta sacal q'uinal pero teme ya sp'aj te yermano, ay to ta yihc'al q'uinal abi.

Santiago 3:6

Ha c'ahc' c'ohem te cac'tic, ha jun yawil nojel ta mulil te ay ta jbaq'uetaltic. Ya sbohlobtes spisil te jbaq'uetaltic, ya schic'botic spisil jcuxlejaltic, soc ha nix tihltesbil sc'ahc'al yu'un te infierno.

Tito 3:2

Ma me ayuc mach'a ya sbohlobtesbeyic sc'oblal, soc ma me xya'iyic hach-c'op, ayuc me yutsil yo'tanic, yacuc yaq'uic ta ilel te manso yo'tanic ta stojol spisil ants-winiquetic.

San Mateo 10:28

Ma xaxi'ic te mach'atic ya smilbeyex abaq'uetalic, te ma xhu' yu'un ya smilbeyex ach'uhlelic; ha me xaxi'ic te Mach'a ya xhu' ya slajin ta infierno te ach'uhlel soc abaq'uetal.

San Mateo 18:35

Ha nix hich ya spasbeyex te Jtat ay ta ch'ulchan teme ma spisiluc awo'tan yac apasbe abahic perdón ta tuhlutuhl soc awermanotac, xchi te Jesús.

1 Pedro 3:9

Ma me xasutbeyic ta bin chopol te mach'a chopol bin ya spasbeyex, soc ma me xasutbeyic chopol sc'oblal te mach'a la yalbeyex chopol ac'oblalic, ha xac'ambeyic bendición, como ana'ojic te ha ic'bilex yu'un yac awich'ic bendición,

Romanos 12:10

Talel c'axel c'ux me xawa'iy abahic te bin ut'il awermano abahic; talel c'axel me xawich' abahic ta muc'.

1 Pedro 2:23

Te c'alal la yixta'c'optayic, ma ba la sutbe ta ixta'c'op; te c'alal c'ax swocol, ma ba la yal te ya sutbe spacol, ha la yac' sba ta sc'ab te mach'a toj ya xchahpanwan.

San Mateo 18:21

Hich te Pedro nohpoj tal ta stojol te Jesús, hich la sjoc'obe: Cajwal, ¿jayeb buelta ya jpasbe perdón te quermano teme ya sta smul ta jtojole? ¿Ha bal huqueb buelta? xchi.

Salmos 109:3

La sjoytayonic ta c'op yu'un il-o'tantayel, mayuc scuentahil te ya ya'bonic guerra.

Salmos 37:8

Ihquitaya te ilimba, hiluc awu'un te c'ahc'ubel; ma me x'ilinat, como ha ya yac' c'ohtuc te bin chopole.

Judas 1:9

Pero te Miguel, te jtsobaw yu'un te ch'ul a'batetic, te c'alal la stij sba ta c'op soc te pucuj yu'un te sbaq'uetal te Moisés, la xi' te la yalbe chopol sc'oblal, hich la yal: Ha me ac'a yutat ta c'op te Cajwal, xchi.

1 Juan 3:10

Hich ya xchicnaj mach'atic a te yal-snich'nab Dios soc mach'atic a te yal-snich'nab te pucuje: Spisil mach'a ma ba ya spas te bin toj ta pasel soc te ma c'uxuc ya ya'iy ta yo'tan te yermano, ma yu'unuc Dios stuquel.

Hechos 17:18

Ay cha'oxtuhl jp'ijubteswanejetic yu'un te epicúreohetic soc yu'un te estóicohetic la stsal sbahic ta c'op soc te Pablo. Ay mach'atic la yalic: ¿Bin ya sc'an ya yal te winic ini te bayel ya xc'opoj? xchihic. Ay yantic la yalic: Yu'un wan yac yalbel sc'oblal yach'il diosetic, xchihic, como yac yalbel sc'oblal te Jesús soc te cha'cuxajele.

1 Tesalonicenses 4:6

soc ma me ayuc mach'a ya spasbe te yermano te bin chopol o te hich ya slo'loy, como te Cajwaltic ha jpac-c'abal yu'un spisil ini, hich te bin ut'il la jcalbeyexcotic soc la jca'beyexcotic ana'ic.

San Marcos 14:55

Te principal sacerdotehetic soc spisil te mach'atic ay ya'telic la slehic testigo yu'un ya yaq'uic ta milel a; pero ma ba weht yu'unic.

San Mateo 26:59

Te principal sacerdotehetic, te mamaletic soc spisil te Sanedrín la slehic lotil testigo-c'op ta scontra te Jesús yu'un ya yaq'uic ta milel,

Deuteronomio 15:11

Como spisil ora ay pobrehetic ta q'uinal, ha scuentahil te ya jpasat ta mandar te jamaluc me ac'ab ta stojol awermano, ta stojol te pobre soc te mach'a mayuc bin ay yu'un ta q'uinal.

San Juan 11:47

Ha yu'un te principal sacerdotehetic soc te fariseohetic la stsobic te jchahpanwanejetic, hich la yalic: ¿Bin ya cutic? como bayel señahiletic yac spasticlambel te winique.

Apocalipsis 20:14

Te lajel soc te stsobojibal mach'atic chamenic ch'ojotic ochel ta banti yac ta tihlel pamal c'ahc'. Ha schebal buelta lajel abi.

Hechos 7:37

Ha nix te Moisés te hich la yalbe te snich'nab Israel: Te Cajwaltic Dios awu'unic ya me schicnajtes jtuhl jalwanej ta yohlil te awermanotac hich te bin ut'il te ho'one, xchi.

San Lucas 12:5

Pero ya ca'beyex ana'ic mach'a a te ya sc'an yac axi'ic: Ha me xaxi'ic te mach'a ya xhu' ya slajimbat acuxlejal soc te ya xhu' ya sticonat bahel ta infierno. Ya calbeyex, ha me xaxi'ic stuquel.

San Mateo 5:44

Pero ho'on ya calbeyex: C'ux me xawa'iy ta awo'tanic te acontra, lecuc me xac'oponic te mach'atic ya yixta'c'optayex, lecuc bin yac apasbeyic te mach'atic ya sp'ajex, soc c'opombeyahic Dios te mach'atic ya yuts'inex,

San Mateo 5:34

Pero ho'on ya calbeyex: Ma me ayuc bin yac awal ta jamal, ma me ha'uc ta scuenta te ch'ulchan, como ha smuc'ul huctajib te Diose;

San Mateo 3:17

Ay c'op chicnaj ta ch'ulchan te hich la yal: Ha Jnich'an ini te c'ux ta co'tan, te bayel yutsil co'tan ta stojol, xchi.

Abdías 1:10

Ta scaj te la awuts'in te awihts'in Jacob, ya jmucat ta q'uexlal, soc jc'axel jimbil ya xhilat sbahtel q'uinal.

Proverbios 14:16

Te mach'a p'ij yo'tan ya xi' te bin chopol, ya sq'uej sba ta stojol, yan te mach'a ma sna' q'uinal ya stoy sba soc ma ba ya stsahtay sba.

Salmos 7:4

teme ay bin chopol la jpasbe te mach'a lamal q'uinal ya ca'iy soc, o teme tojol nax la jpojbe sbiluc te jcontrahe,

Génesis 37:4

C'alal la yilic te sbanquiltac te c'ax hich c'ux ta o'tanil yu'un stat a te José te bin ut'il c'uxultaybilic stuquelic, la sp'ajic soc ma ba lec yo'tanic la sjuquic ta c'op.

1 Juan 5:16

Teme ay mach'a ya yil te yermano te yac ta slehel smul te ma ha'uc scuenta lajel, ac'a sc'opombe Dios yu'un, hich ya x'a'bot scuxlejal yu'un te Diose; ha sc'oblal te mach'atic ya sta smulic te ma ha'uc scuenta lajel. Ay mulil scuenta lajel; ma ba ya cal te ya yich' c'oponel Dios yu'un stuquel.

Santiago 2:20

Ma xana' q'uinal, ¿ya bal ac'an yac ana' te ma xtuhun te sch'uhunel-o'tanil te mayuc ya'telul?

Hebreos 12:25

Tsahtaya abahic te ma ba yac ap'ajic te mach'a yac ta c'op, como teme ma ba colic loq'uel ta c'abal te mach'atic la sp'ajic te mach'a tsitsotic yu'un ta bahlumilal, c'ax hich a te ho'otic teme ya jwalac'patiytic te mach'a ya stsitsotic c'alal ta ch'ulchan.

Hebreos 5:9

soc te c'alal ts'acal c'oht, ha J'ac'-colel c'oht scuenta sbahtel q'uinal yu'un te mach'atic ya sch'uhumbeyic smandar,

1 Corintios 6:10

j'eleq'uetic, mach'atic ay st'ut'ilic, jyacubeletic, j'ixta'c'opetic, jlo'loyej-biluquetic, ha'ic ini ma ba ya x'a'bot yich'ic te cuentahinel yu'un Dios.

1 Corintios 6:6

Teme ay ya scontrahin sbahic soc yermanotac ¡ya schahpanic ta stojol te mach'atic ma ba sch'uhunejic Dios!

Hechos 5:27

C'alal c'oht yic'belic, la stehc'anic ta stojol te jchahpanwanejetic, hich joc'obotic yu'un te muc'ul sacerdote:

San Juan 15:25

Te bin ut'il hich la spasic, yu'un hich ya xc'oht ta pasel a te bin ts'ihbabil hilel ta Ley yu'unic: Mayuc scuentahil te la sp'ajonic, te xchihe.

San Juan 8:48

La sjaq'uic te judíohetique: ¿Ma bal hichuc la jcalcotic te ha'at samaritanohat soc te ay pucuj ta awo'tan? xchihic.

San Juan 7:20

La sjaq'uic te ants-winiquetic: Ay pucuj ta awo'tan, ¿mach'a yac schapbelat ac'oblal ta milel? xchihic.

San Marcos 15:1

Te principal sacerdotehetic, te mamaletic, escribanohetic soc spisil mach'atic ay ya'telic schapoj sc'opic ta buen sab, hich chucul a la yiq'uic bahel te Jesús, la ya'beyic ta sc'ab te Pilato.

San Mateo 25:41

Soc hich me ya yalbe te mach'atic ayic ta q'uexam: Loc'anic ta jtojol, ha'ex te ma lecuc ac'oblalic, bahanic ta c'ahc' te sbahtel q'uinal ay, te chahpambil yu'un te pucuj soc te a'batetic yu'une,

San Mateo 23:33

¡Chanex, sts'umbalex jti'awal chanetic! ¿bin ut'il c'an coluquex yu'un te ya x'ac'otex ta ch'ayel ta infierno?

San Mateo 23:15

¡Ay me awocolic, escribanohetic, fariseohetic, jchebal-o'tanex! como yac abehentayic mar soc q'uinal ta slehel mach'a yac awa'be sch'uhunic Dios ta ac'opic, soc teme la sch'uhunic, cheb buelta c'ax hich nich'anil yu'un infierno ya xc'oht awu'unic a te bin ut'il te ha'exe.

San Mateo 17:5

Yac to ta c'op a, hulic ta axintesel yu'un tocal te ay sts'anabul, soc chicnaj c'op ta tocal te hich la yal: Ha Jnich'an ini te c'ux ta co'tan, te bayel yutsil co'tan yu'un. A'iybeya awa'iyic sc'op, xchi la ya'iyic.

San Mateo 12:24

Yan te fariseohetic, c'alal la ya'iyic, hich la yalic: Ha nax ta scuenta Beelzebú te yajaw pucujetic te ya sloq'ues a te pucujetique, xchihic.

San Mateo 10:17

Tsahtaya me abahic ta stojol te winiquetic, como ay me ya yaq'uex ta sc'ab mach'atic ay ya'telic ta chahpanwanej, soc ay me ya yaq'uex ta majel ta sinagogahetic yu'unic.

Abdías 1:12

Ma hichuc la sc'an te tse'el awo'tan ta scuenta awermano te bin c'ahc'alil te la yich' pehc'anel; ma hichuc la sc'an te tse'el awo'tan ta stojol te snich'nab Judá te bin c'ahc'alil la yich' jinel; soc ma hichuc la sc'an te la alaban te bin c'ahc'alil ay swocole.

Daniel 3:19

Hich te Nabucodonosor bayel ilin, yanij sit yelaw ta stojol te Sadrac, Mesac soc Abed-nego, la yal mandar te ya yich' xan q'uixnayel huqueb buelta te sc'ahc'al te horno te c'ahyemic ta spasele.

Daniel 3:13

Ha yu'un te Nabucodonosor soc yilimba soc sc'ahc'al yo'tan la yal te ya x'ic'bot tal te Sadrac, Mesac soc Abed-nego. Ha yu'un ic'otic tal ta stojol ta ora.

Lamentaciones 3:52

Mayuc scuentahil a la snutsonic te jcontratac hich te bin ut'il ha'mal mut;

Jeremías 17:11

Te mach'a ma stojiluc ya sta sc'ulejal, hich c'ohem te bin ut'il wanculul te yan tomut ya sluts'. Ta yohlil te scuxlejal ya x'ihquitayot yu'un, soc ta slajibal ha sonso ya xc'oht.

Proverbios 18:6

Te sc'op te mach'a ma sna' q'uinal ya yac' hahchuc c'op, soc te bin ya yal ta ye ha ya yic' tal majel ta xul.

Salmos 92:6

Te mach'a ma sna' q'uinal ma sna'be scuentahil, te sonso ma xc'oht ta yo'tan ini:

Salmos 69:4

Te mach'atic ay slab yo'tanic cu'un ta tojol nax, c'ax hich p'ohlemic a te bin ut'il stsotsel jol; yich'oj yipic te jcontratac, te mach'atic ya sc'an ya slajinonic te mayuc bin jpasoje. ¿Ya bal xpas ya jtoj te bin ma ba quelc'anej?

Salmos 49:10

Como chican ta ilel te ya xchamic te mach'atic p'ijic; te pajal ya xlajic soc te sonso soc te mach'a ma sna' q'uinal, soc yan mach'atic ya yich'ic te sc'ulejalique.

Salmos 35:19

Ma me stse'layonic te mach'atic tojol nax ya scontrahinonic; soc ma me xmuts'ilan sitic ta jtojol te mach'atic mayuc scuentahil ya sp'ajonique

Salmos 25:3

Melel mayuc mach'a te smuc'ulinejat yo'tan te ya xq'uexawan; ha ya stahic q'uexlal te mach'atic tojol nax ya stoy sbahique.

Salmos 14:1

Ya yal ta yo'tan te sonso: Mayuc Dios, xchi. Bohlobenic, ilobtic sba te ya'telic, mayuc mach'a ya spas te bin leque.

Nehemías 5:8

hich la jcalbeyic: Te ho'otcotic, te ban c'alal hu'em cu'uncotic, la jloq'uescotic ta sbetic te quermanotactic judiohetic te la yich'ic chonel ta stojol yantic nacionetic. ¿Yo'tic ha'ex bal yac achombelic te awermanotac scuenta yu'un te ho'otcotic ya jmancotic loq'uel? la jcut. Ch'abic, yu'un ma ba weht bin la yalic yu'un.

2 Crónicas 16:10

Te Asa ilin yu'un ta stojol te jalwanej, la yotses ta cárcel, como c'ax bayel ilin yu'un. Soc ta hich ora te Asa ay mach'atic yu'un te pueblo te la yuts'inlan.

1 Reyes 21:4

Te Acab baht ta sna, smeloj yo'tan a soc ilinem yu'un te hich halbot yu'un Nabot talem ta Jezreel: Ma ba ya ca'bat te bin a'bibilon hilel yu'un jme'jtat, te xchihe. La smehtsan sba ta swayib, la sut bahel sit ta pahc', ma ba we'.

2 Samuel 16:7

Te Simei hich yac ta bohlc'optaywanej: ¡Loc'an bahel li'i, loc'an bahel li'i, jmilawal soc jchopol-o'tan!

2 Samuel 6:20

Te c'alal suht ta sna te David yu'un ya ya'be bendición te mach'atic ay yu'un, te Mical loc' tal ta stahel David, hich la yalbe: ¡Buen lec c'oht te ajwalil yu'un Israel te naxe! La schol sc'u' ta stojol te criadahetic yu'un te winiquetic yu'un, hich te bin ut'il ya spas te mach'a ch'ayem sq'uexlal, xchi.

Génesis 37:8

Hich joc'obot yu'un te sbanquiltac: ¿Yu'un bal ya x'ochat ta ajwalil cu'uncotic? ¿Yu'un bal jcuentahinwanej ya xc'ohat ta jtojolcotic? la yutic. Hich bayel xan la sp'ajic yu'un te swayich soc te sc'ope.

Deuteronomio 16:18

Ta spisil te pueblohetic ya ya'bat te Jehová te Dios awu'un a'beya yich' ya'tel juecetic soc jcuentahinwanejetic scuenta chahpalchahp ats'umbal, te stojil ya schahpanic te pueblo.

2 Crónicas 19:5

La yotseslan juecetic yu'un spisil te pueblohetic te joybilic ta ts'ahc ta sq'uinal Judá.

San Lucas 22:66

Ta sacubel q'uinal la stsob sbahic te mamaletic yu'un te pueblo, te principal sacerdotehetic soc te escribanohetic, la yiq'uic bahel ta stojol te jtsohb jchahpanwanejetic.

Hechos 4:15

Ha yu'un la spasic ta mandar te yacuc xloq'uic tey ta chahpajibal; hich hahch yich'be sba sc'opic,

Hechos 5:21

C'alal hich la ya'iyic, ta sab ochic ta Templo, hahchic ta p'ijubteswanej. Talic te muc'ul sacerdote soc te mach'atic schapoj sc'op soc, la stsobic te jchahpanwanejetic soc spisil te mamaletic yu'un Israel, la sticonic ta iq'uel loq'uel tal ta cárcel te jpuc-c'opetique.

Hechos 6:12

Hich la shachbeyic yo'tan te pueblo, te mamaletic soc escribanohetic; ochic ta banti ay te Esteban, la stsaquic loq'uel, la yiq'uic tal ta stojol te chahpajibal.

Hechos 6:15

Spisil te mach'atic huhcajtic ta chahpajibal, c'alal la yilbeyic sit yelaw te Esteban, la yilic te sjel ta sit yelaw ch'ul a'bat.

Hechos 22:30

Ta schebal c'ahc'al, yu'un yo'tanuc ya ya'iy bin smulinej yu'un te judíohetic, te comandante la yac' ta tilbeyel te cadena chucul a, la yal mandar te ya stsob sbahic te principal sacerdotehetic soc spisil te jchahpanwanejetic, soc la yic' loq'uel tal te Pablo, la stehc'ambe ta stojolic.

Hechos 23:1

Te Pablo la yilticlambe sit te jchahpanwanejetic, hich la yal: Quermanotac, lec ayon ya ca'iy ta stojol Dios c'alal ora, xchi.

Hechos 24:20

O ha nix ac'a yalic te mach'atic li' ayic teme ay bin chopol la stahbonic te c'alal tehc'anoton ta stojol te jchahpanwanejetic;