San Mateo 5:19 - Bible in Tzeltal Bachajón

¹⁹ Ha yu'un mach'ayuc a te ya sc'axuntay junuc te tut mandariletic ini soc teme hich ya ya'be snop spasel te yantique, peq'uel sc'oblal ya xc'oht te banti ay te cuentahinel yu'un te ch'ulchane. Yan te mach'a ya spas soc hich ya ya'be snop, ha me toyol sc'oblal ya xc'oht stuquel te banti ay te cuentahinel yu'un te ch'ulchane.

Nuevo Testamento Tzeltal de Amatenango

¹⁹ Jich yuꞌun te machꞌa ya xchꞌaybe skꞌoplal pꞌaluk te mantaliletike, manchuk me chꞌin nax ay skꞌoplal, sok teme jich ya yaꞌbey snop te genteetike, jich me maꞌyuk skꞌoplal ta ilel ya xkꞌot te ba ay ta mantal te Diose. Pero te machꞌa ya xchꞌuun spasel sok teme jich ya snojpꞌeswane, jaꞌ me aꞌbil ta jkuenta ya xkꞌot te ba ay ta mantal te Diose.

Bible in Tzeltal de Oxchuc y Tenejapa

¹⁹ Jich yu'un te mach'a ya xc'axintay jp'aluc te mandalile, manchuc teme ch'in jteb nax sc'oplale, soc teme jich ya yac'bey snop te ants-winiquetique, ch'in jxujt' me ya x'ilot ta banti ay ta ajwalinel te Dios ta ch'ulchane. Ja'uc me to, te mach'a ya xch'uun spasel soc teme jich ya yac' ta nopele, muc' me ya x'ilot ta banti ay ta ajwalinel te Dios ta ch'ulchane.

San Mateo 5:19 Referans Kwoze

Deuteronomio 12:32

Tsahtaya me ta spasel spisil bintic ya jpasat ta mandar; ma me xawa'be xan smohlol soc ma me ayuc bin yac aloq'uesbe.

San Mateo 28:20

soc ac'ticlambeya snopic te ya me sch'uhunic spasel spisil bintic la jpasex ta mandar. Te ho'one joquinejex spisil ora, yalel c'alal ta slajel bahlumilal, xchi te Jesús. Hichuc.

San Mateo 11:11

Jamal ya calbeyex, spisil mach'atic alataybilic yu'un ants, mayuc chicnajem te c'ax hich sc'oblal a te bin ut'il Juan te J'ac'-ich'-ha'. Pero te mach'a c'ax peq'uel ay ta banti ay te cuentahinel yu'un te ch'ulchan ha toyol c'ohem yu'un te Juan.

Salmos 119:6

Hich ma ba ya jta q'uexlal te c'alal ya jna'ulan spisil te mandariletic awu'une.

Tito 3:8

Ha stojil c'op ini, soc ya jc'an te tulan sc'oblal yac awa'be sna'ic, scuenta yu'un te mach'atic sch'uhunejic Dios ya me ya'telinic spasel lequil a'teliletic, te ha lec soc te ya xtuhun yu'un te ants-winiquetique.

Daniel 12:3

Te mach'atic ay sp'ijil yo'tanic hich ya xtihl sts'anabul te bin ut'il sts'anabul te syaxal ch'ulchan; te mach'atic ya sp'ijubteslan tsobolic ta bin toj ta pasel hich ya xc'ohtic te bin ut'il te eq'uetic sbahtel q'uinal.

Salmos 119:128

Ha yu'un ya ca'iy te c'ax hich toj ay a spisil te mandariletic awu'un te bin ut'il spisil bintic ay, soc ya quihlay spisil te sbehlal lot.

Apocalipsis 2:20

Pero ay bin ma lecuc co'tan awu'un: ha te mayuc bin yac awal yu'un te ants Jezabel, te scuyoj sba ta jalwanej-ants, te ya ya'be snopic soc ya smon te a'batetic cu'un te ya ya'iyic antsiwej soc te ya yac' sbahic ta antsinel, soc te ya swe'ic te we'elil a'bibil ta stojol loc'ombahetic.

Romanos 6:15

¿Bin ut'il ay a? ¿Ya bal jle xan jmultic te bin ut'il ma ba ayotiquix ta scuenta te Ley, te bin ut'il ayotiquix ta scuenta te yutsil-o'tanil? ¡Ban c'an hichuc!

Deuteronomio 27:26

Chopol sc'oblal te mach'a ma ba ya sch'uhun spasel te mandariletic ini, xchihic. Hichuc, xchihic me spisil te pueblo.

1 Timoteo 6:11

Yan te ha'ate, winicat yu'un Dios, ahnan loq'uel ta stojol spisil ini, t'una te bin toj ta pasel, te lec sch'uhunel Dios, sch'uhunel-o'tanil, c'uxultaywanej, te ya xcuhch awu'un, soc manso-o'tanil.

Romanos 6:1

¿Bin ya caltiquix yu'un a hiche? ¿Ya bal jpasulantic xan mulil scuenta yu'un ya xp'ohl xan a te yutsil-o'tanile?

1 Pedro 5:4

Hich te c'alal ya xchicnaj tal te muc'ul Jcanantaywanej ya me awich'ic te corona te ay yutsilal te ma xlaje.

San Lucas 11:42

¡Ay me awocolic, fariseohetic! como yac awac' jun ta slajunebal te menta, ruda soc spisil ta chahp ts'unubil itajetic, pero mayuc sc'oblal awu'unic te bin stojil ta pasel soc te sc'uxul yo'tan Dios. Ha ya sc'an yac apasic ini, soc ma ba yac awihquitayic spasel te yane.

San Mateo 19:28

Halbotic yu'un te Jesús: Jamal ya calbeyex, te c'alal ya yich' ach'ubtesel spisil, te c'alal ya xhuhcaj te Nich'anil ay ta scuenta winic ta smuc'ul-huctajib yu'un te yutsilal, ha'ex te at'unojonic ya me xhuhcajex ta lahchayeb (12) huctajibaletic yu'un yac achahpanic te lahchaychahp (12) sts'umbal Israel.

1 Samuel 2:30

Ha scuentahil te hich ya yal te Jehová te Dios yu'un Israel: Calojix ta jamal te mach'atic ay awu'un soc te mach'atic ay yu'un atat ya me x'a'tejic ta jtojol spisil ora, te xchihe. Pero yo'tic ya yal te Jehová: Mayuc bin ora te hich ya jc'ohtes ta pasel, como ha ya quich' ta muc' te mach'atic ya yich'onic ta muc', yan te mach'atic mayuc jc'oblal ta yo'tanic, mayuc sc'oblal ya xc'oht cu'un.

Romanos 3:8

¿Bin yu'un ma hichuc ya yich' halel (hich te bin ut'il ya slehonic ta c'op soc ya yalic te hich calojcotic): Ac'a jpastic te bin chopol scuenta yu'un ya xtal te bin lec, te xchihe? Te mach'atic hich ya yalic, stojil me ya yich'ic castigo.

Hechos 1:1

Teófilo, ta shahchibal hun la jcal spisil bintic hahch spasticlan soc hahch yac'ticlan ta nopel te Jesús

San Lucas 9:48

hich la yalbe ya'iyic: Mach'ayuc a te ya yic' ha'i alal ini ta scuenta jbihil, ho'on me la yic'on abi; soc mach'ayuc a te ya yic'on te ho'one, ha me la yic' a te Mach'a sticonejon tale. Como te mach'a peq'uel ay awu'unic ta apisilic, ha me muc' stuquel, xchi.

San Lucas 1:15

como muc' sc'oblal ya xc'oht ta stojol Dios. Ma me xyuch' vino o bin pajuben, soc ya xnoj ta yo'tan te Ch'ul Espíritu te c'alal wolbil to yu'un snan a.

San Mateo 20:26

Ma hichuc ay ta pasel ta awohlilic te ha'exe, te mach'a ya sc'an te muc' sc'oblal ya xc'oht ta awohlilic, ha me a'bat ya xc'oht ta atojolic,

1 Juan 3:4

Spisil mach'a ya sta smul, ya sc'axuntay te Ley; como ha mulil te sc'axuntayel te Ley.