San Mateo 5:18 - Bible in Tzeltal Bachajón

¹⁸ Como jamal ya calbeyex, ha to teme ya xch'ay bahel te ch'ulchan soc te bahlumilal, ma ba ya xch'ay ta Ley junuc jota o junuc punto ha to c'alal ts'acal ya xc'oht ta pasel spisil.

Nuevo Testamento Tzeltal de Amatenango

¹⁸ Jamal ya kalbeyex: Te jayeb xan kꞌaal te mato xlaj te chꞌulchan sok te balmilale, ni junuk chꞌin letra ni junuk punto ya xchꞌay skꞌoplal yuꞌun te mantaliletike, jaꞌ to teme kꞌot ta pasel spisile.

Bible in Tzeltal de Oxchuc y Tenejapa

¹⁸ Jamal ya calbeyex, manchuc teme ya xlaj te ch'ulchan balumilale, xujt' ma xch'ay sc'oplal junuc jota ni junuc tilde te mandalile. Ya me xc'ot ta pasel spisil.

San Mateo 5:18 Referans Kwoze

San Lucas 16:17

Ma ba wocol ya xlaj te ch'ulchan soc te bahlumilal, ha wocol ya xlaj junuc tilde yu'un te Ley.

Isaías 40:8

Ya xtaquij te ac soc ya sayub te nichime, yan te sc'op te Dios cu'untic stalel ay sbahtel q'uinal, xchihat.

1 Pedro 1:25

yan te sc'op te Cajwaltic stalel ay sbahtel q'uinal, xchi. Ha te lec yach'il c'op ini te la yich' halel ta atojolique.

San Marcos 13:30

Jamal ya calbeyex te ma to xchamic a te jcaj ts'umbalil ini te ya xc'oht ta pasel spisil ini.

Isaías 51:6

Toya mohel asitic ta ch'ulchan, soc ilawilic te lumq'uinal ta ye'tal; ya xtup' te ch'ulchan hich te bin ut'il ch'ahil, ya xlaj te lumq'uinal hich te bin ut'il c'u'ul, soc te mach'atic nahinemic tey a hich ya xlajic te bin ut'il us. Pero sbahtel q'uinal ay te colel cu'un, mayuc slajibal te bin toj ya jpas.

Apocalipsis 20:11

La jquil muc'ul saquil huctajibal soc te mach'a hucul tey a; ahn bahel te ch'ulchan soc bahlumilal ta stojol, ma ba weht banti ya x'ayinic.

Salmos 102:26

Ya xlajic stuquelic, yan te ha'ate atalel ayat; ta spisilic ya xpoco'ub hich te bin ut'il c'u'ul; yac ajeltay hich te bin ut'il c'u'ul, hich ya xhil awu'un.

San Juan 5:19

La sjac' te Jesús: Tulan sc'oblal ya calbeyex, mayuc bin ya xhu' ya spas ta stuquel-o'tan nax te Nich'anil, ha nax te bin ya yil yac spasbel te State. Como spisil te bin ya spas te Tatil, ha nix hich ya spas te Nich'anil,

San Mateo 17:20

Halbotic yu'un te Jesús: Ta scaj te mayuc lec sch'uhunel awo'tanic. Jamal ya calbeyex te hichuc smuc'ul sch'uhunel awo'tanic te bin ut'il jp'ij sbac' mostaza, ya xhu' yac awalbeyic ha'i wits ini: Jeltaya awawil, lum xbahate, teme yac awute, ya sjeltay yawil. Mayuc bin ma xhu' awu'unic spasel te hichuque, xchi.

San Mateo 16:28

Jamal ya calbeyex te ay mach'atic li' ayic ta ora ini te ma ba chamenic a te ya me yilic yac ta talel te Nich'anil ay ta scuenta winic ta banti te cuentahinel yu'une, xchi.

San Mateo 13:17

Jamal ya calbeyex, bayel jalwanejetic soc mach'atic toj yo'tanic yo'tanuc la yilic te bin yac awilbelic te ha'exe, pero ma ba la yilic stuquel, soc yo'tanuc la ya'iyic, pero ma ba la ya'iyic stuquel.

San Mateo 10:23

C'alal ya yuts'inex ta banti jun pueblo, ahnanic bahel ta yan pueblo. Como jamal ya calbeyex te ma to ba lajem abehentaybelic spisil a te pueblohetic yu'un Israel te ya xtal te Nich'anil ay ta scuenta winic.

San Mateo 6:2

C'alal yac aq'ueben ataq'uin, ma me nahiluc xawac' ta oq'uesinel corneta ta atojol, hich te bin ut'il ya spasic ta sinagogahetic soc ta callehetic te jchebal-o'tanetic scuenta yu'un ya xhalbot lec sc'oblalic yu'un ants-winiquetic. Jamal ya calbeyex, yich'ojiquix te smahtanique.

San Mateo 5:26

Jamal ya calbeyex te ma ba ya xloc'at tey a ha to teme ts'acal la atoj.

Salmos 119:152

Nameyix te jna'oj te mandariletic awu'un, te ha awac'oj scuenta sbahtel q'uinal.

San Juan 21:18

Tulan sc'oblal ya calbat, te c'alal queremat to a, ha'at nix la alap ac'u', soc ha chican awo'tan banti bahat; pero te c'alal mamalatix a, yac ahach ac'ab, yan mach'a ya ya'batix alap ac'u', soc ya yic'at bahel ta banti ma xac'an ya xbahat, xchi sc'oblal.

San Juan 16:23

Ta hich ora mayuc bin yac ajoc'oboniquix a. Tulan sc'oblal ya calbeyex, spisil te bin yac ac'ambeyic te Jtat ta scuenta jbihil, ya me ya'beyex.

San Juan 16:20

Jamal ya calbeyex, ya me x'oq'uex soc yac amel awo'tanic, yan te mach'atic ayic ta scuenta bahlumilal tse'el yo'tanic; pero aunque ayex ta mel-o'tan, ta patil ya me sutp'ij ta tse'el-o'tanil.

San Juan 14:12

Tulan sc'oblal ya calbeyex, te mach'a ya sch'uhunon, te bin a'telil yac jpasbel, ha nix hich ya me spas; soc c'axem to xan hich ya spas a, como ya xbohon ta banti ay te Tatile.

San Juan 13:38

La sjac' te Jesús: ¿Ya bal awac' ta lajel acuxlejal ta jcuenta? Tulan sc'oblal ya calbat, te ma to x'oc' mut a, oxeb buelta yac amucon ta awo'tan, xchi sc'oblal.

San Juan 13:16

Tulan sc'oblal ya calbeyex, te a'bat ma ha'uc toyol yu'un te yajwal, soc te mach'a ticombil tal, ma ha'uc toyol yu'un te mach'a ticonot tal yu'un.

San Juan 12:24

Tulan sc'oblal ya calbeyex: Te manchuc ya xyahl cohel ta lum soc ya xlaj te jp'ij sbac' trigo, stuquel ya xhil, pero teme ya xlaje, bayel sit ya yac'.

San Juan 10:7

Hich halbotic xan yu'un te Jesús: Jamal ya calbeyex, ho'on te ti'corralon yu'un te tuminchijetique.

San Juan 10:1

Jamal ya calbeyex, te mach'a ma ba ya x'och ta sti'il corral yu'un tuminchijetic, teme yan banti ya x'och, ha me j'elec' soc j'uts'inwanej abi.

San Juan 8:58

Halbotic yu'un te Jesús: Tulan sc'oblal ya calbeyex, te c'alal ma to ayuc a te Abraham, jtalel ayon te ho'one, xchi.

San Juan 8:51

Tulan sc'oblal ya calbeyex, te mach'a ya scanantaybon te jc'ope, mayuc bin ora ya xcham, xchi.

San Juan 8:34

La sjac' te Jesús: Tulan sc'oblal ya calbeyex, spisil mach'a ya spas mulil, ha mosohimbil yu'un te mulile.

San Juan 6:53

Hich halbotic yu'un Jesús: Tulan sc'oblal ya calbeyex, teme ma ba yac awe'beyic te sbaq'uetal te Nich'anil ay ta scuenta winic soc teme ma ba yac awuch'beyic te sch'ich'ele, mayuc acuxlejalic.

San Juan 6:47

Tulan sc'oblal ya calbeyex, te mach'a ya sch'uhunon ay scuxlejal sbahtel q'uinal.

San Juan 6:32

La yal te Jesús: Tulan sc'oblal ya calbeyex, ma ha'uc te Moisés te la ya'beyex te pan talem ta ch'ulchan, pero ha te Jtat te ya ya'beyex te smelelil pan talem ta ch'ulchan;

San Juan 6:26

La sjac' te Jesús: Tulan sc'oblal ya calbeyex, ma ha'uc yac alehonic yu'un te la awilic te señahiletic, ha nax yac alehonic yu'un te la awe'ic te pan te noj ach'uhtic yu'un.

San Juan 3:11

Tulan sc'oblal ya calbat, ha yac calbelcotic te bin jna'ojcotic, soc ha ya calcotic ta jamal te bin quilojcotic, pero ma xawich'ic ta cuenta te bin ya calcotique.

San Juan 3:5

Halbot yu'un te Jesús: Tulan sc'oblal ya calbat, te mach'a ma ba ya x'ayin ta scuenta ha' soc ta scuenta Espíritu ma xhu' ya x'och ta banti ay te cuentahinel yu'un Dios.

San Juan 3:3

Hich halbot yu'un te Jesús: Tulan sc'oblal ya calbat, te mach'a ma ba ya xcha'ayin xan, ma xhu' ya yil te cuentahinel yu'un te Diose, xchi.

San Juan 1:51

Soc hich la yal xan te Jesús: Tulan sc'oblal ya calbeyex, ya me awilic jamal te ch'ulchan, soc te ch'ul a'batetic yu'un Dios yacalic ta mohel soc cohel ta stojol te Nich'anil ay ta scuenta winic, xchi.

San Lucas 23:43

Halbot yu'un te Jesús: Jamal ya calbat, yo'tic ya me ajoquinon ta utsilal, xchi sc'oblal.

San Lucas 18:29

Hich halbotic yu'un te Jesús: Jamal ya calbeyex, spisil te mach'a ya yihquitay hilel sna o sme'stat, sbanquiltac, swixitac, yihts'inab, yihnam, o yal-snich'nab ta scuenta te cuentahinel yu'un Dios,

San Lucas 18:17

Jamal ya calbeyex, te mach'a ma ba hich ya yich' te cuentahinel yu'un Dios te bin ut'il alal, ma xhu' ya x'och tey a, xchi.

San Lucas 13:35

Ilawil, jochol me ya xhil te anahe; soc ya calbeyex te ma ba yac awiloniquix xan ha to c'alal ya sta yorahil te hich yac awalic: ¡Bayel yutsil te mach'a talix ta scuenta sbihil te Cajwaltic! te xchihexe, xchi te Jesús.

San Lucas 12:37

Bayel me yutsil te a'batetic te wiq'uil sitic ta mahlab a ya xhulic ta tahel yu'un te yajwalique. Jamal ya calbeyex, ya me schahpan sba soc ya me x'ac'otic ta we'el ta mesa yu'un te yajwalic, soc ya me xtal yac' sba ta a'batinel yu'unic.

San Lucas 11:51

c'alal ta sch'ich'el Abel ha to c'alal ta sch'ich'el te Zacarías te la yich' milel ta ohlil yu'un te scajtajib smahtan Dios soc te Templo. Ya calbeyex te ha me ya x'a'bot scuch te jcaj ts'umbalil ini.

San Marcos 14:30

Halbot yu'un te Jesús: Jamal ya calbat, yo'tic ta ahc'abal, c'alal ma to x'oc' cheb buelta a te tat mut, oxeb buelta yac amucon ta awo'tan, xchi sc'oblal.

San Marcos 14:25

Jamal ya calbeyex te ma ba ya cuch'ix xan ha'i ya'lel ts'usub ini ha to ta yorahil te ya cuch' te yach'il ya'lel ts'usub ta banti ay te cuentahinel yu'un Dios, xchi.

San Marcos 14:18

C'alal yacalic ta we'el ta mesa a, hich halbotic yu'un te Jesús: Jamal ya calbeyex, ay jtuhlex te joc ta we'el te ya yac'on ta c'abal, xchi.

San Marcos 14:9

Jamal ya calbeyex, ta bayuc ya yich' halel te lec yach'il c'op ini, ta swohlol bahlumilal, tey nix ya yich' halel a te bin la spasbon ha'i ants ini scuenta sna'ojibal te antse, xchi.

San Marcos 12:43

Te Jesús la yic' talel te jnopojeletic yu'un, hich la yalbe: Jamal ya calbeyex, te pobre me'ba' ants ini c'ax hich la yac' a te bin ut'il la yaq'uic spisil te yantique;

San Marcos 11:23

Jamal ya calbeyex, mach'ayuc a te ya yalbe ha'i wits ini: Loc'an, ch'oja ochel aba ta mar, teme xchihe, teme ma xchebetuc yo'tan, teme sch'uhunej te hich ya xc'oht ta pasel te bin la yale, hich me ya xc'oht ta pasel.

San Marcos 10:29

Hich jac'botic yu'un te Jesús: Jamal ya calbeyex, mach'ayuc a te ya yihquitay hilel sna, sbanquiltac, swixitac, yihts'inab, sme'stat, yal-snich'nab o sq'uinal ta ho'on ta jcuenta soc ta scuenta te lec yach'il c'op,

San Marcos 10:15

Jamal ya calbeyex, te mach'a ma ba ya yich' te cuentahinel yu'un Dios hich te bin ut'il alal, ma ba ya x'och tey a, xchi.

San Marcos 9:41

Mach'ayuc a te ya ya'beyex awuch'ic jun vaso ha' ta scuenta jbihil, te bin ut'il ha yu'unex Cristo, jamal ya calbeyex te ma ba ya xch'ay te smahtane.

San Marcos 9:1

Te Jesús la yalbe xan: Jamal ya calbeyex te ay mach'atic li' ayic te ma to ba chamenic a ya me yilic te ya xtal soc yu'el te cuentahinel yu'un Dios, xchi.

San Marcos 8:12

Te Jesús la sjac' yo'tan yu'un, hich la yal: ¿Bin yu'un ya sc'an ya yilic seña te jcaj ts'umbalil ini? Jamal ya calbeyex, mayuc seña ya x'a'bot yilic te jcaj ts'umbalil ini, xchi.

San Marcos 6:11

Teme ay banti ma sc'an ya yiq'uex soc te ya ya'iybeyex ac'opic, loc'anic bahel tey a, tihtinahic hilel slumil awoquic scuenta testigo-c'op ta stojolic. Jamal ya calbeyex, ta yorahil ich'el ta c'op yu'un mulil, c'ax hich castigo ya yich' a te pueblo te bin ut'il te castigo ya yich' te Sodoma soc Gomorra, xchi.

San Marcos 3:28

Ya calbeyex te spisil muliletic soc spisil sbohlc'optayel Dios ay perdón yu'un,

San Mateo 25:45

Hich me ya xhalbotic: Jamal ya calbeyex, te bin ut'il ma ba la apasbe te mach'a mero peq'uel ay, ho'on ma ba la apasbonic abi, xchi me sc'oblalic.

San Mateo 25:40

Ya me xjac'botic yu'un te Ajwalil: Jamal ya calbeyex, te bin ut'il hich la apasbeyic te jtuhl quermano te peq'uel ay, ho'on me la apasbonic abi, xchi me sc'oblalic.

San Mateo 25:12

Pero la sjac': Jamal ya calbeyex te ma jna'beyex abahic, xchi sc'oblalic.

San Mateo 24:47

Jamal ya calbeyex, ya me x'a'bot ta scuenta spisil bintic ay yu'un te yajwale.

San Mateo 24:2

Hich halbotic yu'un te Jesús: ¿Ya bal awilic spisil ini? Jamal ya calbeyex te mayuc cajal ya xhil junuc ton ta sba yan ton, spisil me ya yich' jinticlanel, xchi.

San Mateo 23:36

Jamal ya calbeyex, ta spisil ini ya xc'oht ta stojol ha'i jcaj ts'umbalil ini.

San Mateo 21:31

Ta schebalic, ¿mach'a la spas te bin la sc'an yo'tan te state? xchi. La yalic: Ha te mach'a nahil la yalbe, xchihic. Halbotic yu'un te Jesús: Jamal ya calbeyex, te jc'an-patanetic soc te j'antsineletic ha nahil yacalic ta ochel awu'unic ta banti ay te cuentahinel yu'un te Diose;

San Mateo 21:21

Halbotic yu'un te Jesús: Jamal ya calbeyex, te ayuc sch'uhunel awo'tanic, teme ma xchebetuc awo'tanic, ma ha'uc nax te hich yac apasbe te higuera-te', teme yac awalbeyic ha'i wits ini: Loc'an teye, ch'oja ochel aba ta mar, teme yac awutique, hich ni me ya xc'oht ta pasel a.

San Mateo 19:28

Halbotic yu'un te Jesús: Jamal ya calbeyex, te c'alal ya yich' ach'ubtesel spisil, te c'alal ya xhuhcaj te Nich'anil ay ta scuenta winic ta smuc'ul-huctajib yu'un te yutsilal, ha'ex te at'unojonic ya me xhuhcajex ta lahchayeb (12) huctajibaletic yu'un yac achahpanic te lahchaychahp (12) sts'umbal Israel.

San Mateo 19:23

Ha yu'un te Jesús hich la yalbe te jnopojeletic yu'une: Jamal ya calbeyex, mero wocol ya x'och tey ta banti ay te cuentahinel yu'un te ch'ulchan te mach'a jc'uhlej.

San Mateo 18:18

Jamal ya calbeyex, spisil bintic yac achuquic ta bahlumilal, ha nix hich ya yich' chuquel ta ch'ulchan; soc spisil bintic yac atilic ta bahlumilal, ha nix hich ya yich' tilel ta ch'ulchan.

San Mateo 18:3

hich la yal: Jamal ya calbeyex, teme ma ba hich yac ap'is abahic te bin ut'il alaletic, ma xhu' ya x'ochex ta banti ay te cuentahinel yu'un te ch'ulchan.

San Mateo 11:11

Jamal ya calbeyex, spisil mach'atic alataybilic yu'un ants, mayuc chicnajem te c'ax hich sc'oblal a te bin ut'il Juan te J'ac'-ich'-ha'. Pero te mach'a c'ax peq'uel ay ta banti ay te cuentahinel yu'un te ch'ulchan ha toyol c'ohem yu'un te Juan.

San Mateo 10:42

Mach'ayuc a te ya ya'be junuc vaso siquil ha' jtuhluc te peq'uel ay te bin ut'il ha jnopojel, jamal ya calbeyex te ma ba ya xch'ay te smahtane, xchi te Jesús.

San Mateo 10:15

Jamal ya calbeyex, ta yorahil ich'el ta c'op peq'uel xan castigo ya yich' te Sodoma soc Gomorra te bin ut'il ya yich' ha'i pueblo ini.

San Mateo 8:10

C'alal hich la ya'iy te Jesús, bayel yutsil la ya'iy, hich la yalbe te mach'atic t'umbilic yu'un: Jamal ya calbeyex, mayuc jtahoj ta Israel mach'a hich ay sch'uhunel yo'tan te bin ut'il ini.

San Mateo 6:16

Te c'alal yac acom awe'elic, ma me xawac' ta ilel mel-o'tan ta asit awelaw, hich te bin ut'il te jchebal-o'tanetique. Como ya syanijtes sit yelawic scuenta yu'un ya ya'be yilic ants-winiquetic te scomoj swe'elique. Jamal ya calbeyex, yich'ojiquix te smahtanique.

San Lucas 4:24

Soc la yal xan: Jamal ya calbeyex, mayuc jalwanej te ya x'ich'ot ta cuenta ta slumal.

Salmos 111:8

stalel ayic sbahtel q'uinal, chahpambilic ta smelelil soc stojil ayic.

Isaías 44:26

Ho'on te ya cac' ya xc'oht ta pasel te sc'op te a'batetic cu'un, te ya jc'ohtes ta pasel te bintic chahpambil yu'un te mach'atic jticonej, te hich ya calbe te Jerusalén: Ya me xtalic ta nahinel tey a, xchihon, soc te hich ya calbe te pueblohetic yu'un Judá: Ya me yich'ic xan pasel soc ya jcha'pas te jihnem ts'ahquetic yu'une, xchihon.