San Mateo 5:11 - Bible in Tzeltal Bachajón

¹¹ Bayel me awutsilic teme ho'on ta jcuenta te ya yixta'c'optayex, ya yuts'inex, soc ya yalic spisil ta chahp c'opetic ta lot ta atojolic.

Nuevo Testamento Tzeltal de Amatenango

¹¹ “Ben me tsaꞌam alekilik teme ya sbolkꞌoptayexe, sok teme ya yilbajinelexe, sok teme ma tsaꞌamuk akꞌoplalik ta lot yuꞌun te genteetike teme joꞌon ta jkuentae.

Bible in Tzeltal de Oxchuc y Tenejapa

¹¹ “Bin nax me awutsilic teme ya sbolc'optayex, soc teme ya yuts'inex, soc teme ya slotbeyex ac'oplalic te ants-winiquetic ta jo'on jwenta.

San Mateo 5:11 Referans Kwoze

1 Pedro 4:14

Teme ayex ta ixta'c'optayel ta scaj te sbihil te Cristo, bayel me awutsilic yu'un, como ay ta atojolic te Espíritu yu'un Dios te bayel yutsil.

San Lucas 21:17

Ya me awich'ic p'ajel yu'un spisilic ta scuenta jbihil,

San Marcos 13:13

Ya me yil-o'tantayex spisil ants-winiquetic ta jcuenta; pero te mach'a ya xcuhch yu'un c'alal ta slajibal, ya me xcol.

San Mateo 24:9

Ya me yaq'uex ta c'abal scuenta uts'inel, ya smilex soc yac awich'ic ihlayel yu'un spisil ants-winiquetic ta scaj te jbihile.

San Lucas 6:22

Bayel me awutsilic c'alal ya sp'ajex te ants-winiquetic, ya stenex loq'uel, ya yixta'c'optayex, soc ya yihlaybeyex abihilic ta scaj te Nich'anil ay ta scuenta winic.

1 Pedro 2:23

Te c'alal la yixta'c'optayic, ma ba la sutbe ta ixta'c'op; te c'alal c'ax swocol, ma ba la yal te ya sutbe spacol, ha la yac' sba ta sc'ab te mach'a toj ya xchahpanwan.

San Juan 15:21

Pero ya me spasbeyex spisil ini ta scaj te jbihile, como ma sna'beyic sba te mach'a la sticonon tale.

San Mateo 10:22

Ya me yihlayex spisilic ta scaj te jbihile, pero te mach'a jun yo'tan ya xhil c'alal ta slajibal, ya me xcol stuquel.

Isaías 66:5

A'iybeya awa'iyic te sc'op Jehová, ha'ex te ya xnihquex ta stojol te sc'ope: Te awermanotac te ya sp'ajex soc te parte ya yaq'uex ta scaj te jbihile, hich la yalic: Ac'a yich' halbeyel yutsil sc'oblal te Jehová, yu'un hich ya quiltic a te stse'elil awo'tanic, xchihic. Pero ya me stahic q'uexlal.

San Mateo 10:39

Te mach'a c'ux ya ya'iy te scuxlejal, ya me xch'ay scuxlejal; yan te mach'a ya xch'ay te scuxlejal ta jcuenta, ha me ya sta stuquel.

Apocalipsis 2:3

C'axem awocol soc cuhchem awu'un, tulan a'tejemat ta scuenta jbihil, soc ma ba luhbenat.

San Mateo 19:29

Mach'ayuc a te yihquitayej hilel sna, sbanquiltac, swixitac, yihts'inab, stat, snan, yihnam, yal-snich'nab o sq'uinal ta scuenta te jbihile, ho'winic (100) xan buelta ya x'a'bot, soc ya me yich' scuxlejalic sbahtel q'uinal.

2 Corintios 4:11

Como ho'otcotic te cuxulotcotic, spisil ora ac'bilotcotic ta lajel ta scaj te Jesús, scuenta yu'un ha nix hich ya xchicnaj te scuxlejal Jesús ta jbaq'uetalcotic te ay ta scuenta lajel.

1 Corintios 4:10

Cuybilotcotic te mayuc bin jna'ojcotic ta scuenta Cristo, yan te ha'exe buen p'ijex ta scuenta Cristo; te ho'otcotic mayuc quipcotic, yan te ha'exe bayel awipic. Te ha'exe ich'bilex ta muc', yan te ho'otcotic p'ajbilotcotic.

Romanos 8:36

Hich te bin ut'il ts'ihbabil: Ha'at ta acuenta te chapal jc'oblalcotic ta milel spisil ora; hichotcotic te bin ut'il tuminchijetic te ochel yac yich'belic milel, te xchihe.

San Lucas 21:12

Pero ma to c'ohem ta pasel a ini ya me yaq'uex ta c'abal, ya yuts'inex, ya yaq'uex ta sinagogahetic soc ta cárceletic, soc ya me yiq'uex bahel stehc'anex ta stojol ajwaliletic soc gobernadoretic ta scuenta te jbihile.

San Lucas 9:24

Como te mach'a ya sc'an ya scoltay te scuxlejal, ya me xch'ay; yan te mach'a ya xch'ay scuxlejal ta jcuenta, ha ya scoltay stuquel.

San Marcos 8:35

Como te mach'a ya sc'an ya scanantay te scuxlejal, ya me sch'ay yu'un; yan te mach'a ya sch'ay scuxlejal ta jcuenta soc ta scuenta te lec yach'il c'op, ya me xcol yu'un.

San Mateo 10:25

Tic'uc a te jnopojel te pajal ya xc'oht soc te maestro yu'un, soc te a'bat te pajal ya xc'oht soc te yajwale. Teme a'bot sbihilin Beelzebú te tatile, ¿ha'uc to balix a te mach'atic ay yu'un ta sna?

Hechos 9:16

Ya ca'be sna' te ya me xc'ax bayel swocol ta scuenta te jbihile, xchi.

Salmos 44:22

Pero ha'at ta acuenta te spisil ora quechelotcotic ta lajel; hichotcotic te bin ut'il tuminchijetic te ya yich'ic milele.

San Marcos 13:9

Tsahtaya me abahic; ya me x'ac'otex ta stojol jchahpawanejetic soc yac awich'ic majel ta sinagogahetic; ya xtehc'anotex ta stojol gobernadoretic soc ta stojol ajwaliletic ta ho'on jcuenta, yu'un testigohetic ya xc'ohex cu'un ta stojolic.

San Mateo 27:39

Te mach'atic c'axic tey a la slabanic, la sjimulan sjolic ta slabanel,

San Marcos 4:17

pero bahal nax ay slohp', ma ba ya xhalajic; c'alal ya xtal wocol o uts'inel yu'un te c'ope, ora ya xyahlic.

San Mateo 10:18

Soc ay ya xtehc'anotex ta stojol gobernadoretic soc ajwaliletic ta jcuenta, scuenta testigo ya xc'ohex cu'un ta stojolic soc ta stojol te jyanlumetique.

San Juan 9:28

La slabanic, hich la yalic: Ha'at jnopojelat yu'un; yan te ho'otcotic, ha jnopojelotcotic yu'un Moisés.

Salmos 35:11

Ya stehc'an sbahic chopol testigohetic; ya sjoc'obonic te bintic ma jna'.

Isaías 25:8

Ya me slajin scuenta sbahtel q'uinal te lajele, te Cajwaltic Jehová ya scusticlambe ya'lel sitic ta spisilic, ya sloq'ues ta spahmal bahlumilal te bin q'uexlaltic sba yu'un te pueblo yu'une; yu'un hich yaloj te Jehová.

Isaías 51:7

A'iybon awa'iyic, ha'ex te yac ana'ic te bin stojil ta pasel, pueblohex te ay ta awo'tanic te ley cu'une. Ma me xaxi'ic te bin ya yalbeyex ta utel te ants-winiquetic, ma me xpehc'aj awo'tanic yu'un te labanel yu'unique.

Jeremías 37:14

La sjac' te Jeremías: Ma meleluc, ma ba ya xc'axon ta stojol te caldeohetic, xchi. Pero ma ba a'iybot sc'op yu'un te Irías, la stsac te Jeremías, la yic' bahel ta stojol te príncipaletique.

Filipenses 1:29

Como ma hipuc a te a'botex te yac ach'uhunic te Cristo, ha nix hich a'botex te ya xc'ax awocolic ta scuenta,