San Mateo 4:7 - Bible in Tzeltal Bachajón

⁷ La sjac' te Jesús: Ha nix hich ts'ihbabil: Ma me xatsaj te Cajwaltic te Dios awu'une, la yut.

Nuevo Testamento Tzeltal de Amatenango

⁷ La yal te Jesuse: —Sok jich tsꞌibabil euk: “Ma me xꞌawilbe yoꞌtan te Kajwaltik Dios awuꞌune”, xchi me —xchi.

Bible in Tzeltal de Oxchuc y Tenejapa

⁷ Jesús la yalbey: —Soc jich ts'ibubil ta Sjun Dios: “Ma me x'awilbey yo'tan te Cajwaltic te Dios awu'une”, te xie —xi'.

San Mateo 4:7 Referans Kwoze

Deuteronomio 6:16

Ma me xapasic ta prueba te Jehová te Dios awu'unic, hich te bin ut'il la apasic ta Masah.

1 Corintios 10:9

Soc ma me jtsajtic te Cajwaltic, hich te bin ut'il ay la stsajic stuquelic, hich lajic ta ti'el ta chan.

Salmos 78:18

La stsajic te Diose, ha te la sc'an swe'ic te bin la smulan yo'tanic.

Salmos 78:41

Bayel buelta la stsajic te Diose, la shachbeyic yo'tan te Ch'ul Dios yu'un Israel.

Hebreos 3:9

te banti la stsajon yilic te antiguo ame'atatic, la spasonic ta prueba soc cha'winic (40) ha'bil la yilbonic te ca'tele.

Éxodo 17:7

La ya'be sbihilin Masah soc Meriba te lugar, yu'un tey la yut sbahic a te snich'nab Israel soc la yilbeyic yo'tan te Jehová c'alal la yalic: ¿Ay bal ta cohliltic te Jehová, o ma'uc? te xchihique.

Éxodo 17:2

Te pueblo hahch stijic ta c'op te Moisés, hich la yalic: ¡A'botcotic ha' yu'un ya cuch'cotic! la yutic. ¿Bin yu'un yac atijonic ta c'op? ¿Bin yu'un yac awilbeyic yo'tan te Jehová? xchi te Moisés.

Hechos 5:9

Halbot yu'un te Pedro: ¿Bin yu'un te la achapic te yac atsajic te Espíritu yu'un te Cajwaltique? Ilawil, chicanix ta talel yoquic ta ti'nahil te mach'atic la smucbatix te amamalale, ha nix hich ya me sq'uechat bahel, xchi sc'oblal.

Salmos 106:14

Ta jochol taquin q'uinal la yac' sbahic ta spasel te bintic la sc'an yo'tanic, la stsajic te Dios ta jochol q'uinal.

Salmos 95:9

te banti la yilbonic co'tan te ame'atatic, la stsajonic aunque la yilbonic te a'teliletic cu'une.

Malaquías 3:15

Quilojtic te tse'el yo'tanic te jtoybahetic, soc te ma ha'uc nax lec ya xc'ohtic te mach'atic chopol ya'telic, ha ya yilbeyic yo'tan Dios, pero mayuc bin ya xpasbotic yu'un, xchihex.

Salmos 78:56

Pero la stsajic soc la shachbeyic yo'tan te Dios te mero toyol ay, ma ba la sch'uhumbeyic spasel te mandariletic yu'une.

Números 14:22

spisil te mach'atic la yilbonic cutsilal soc te jchahp a'teliletic la jpas ta Egipto soc ta jochol taquin q'uinal, te la spasonic ta prueba lajuneb buelta soc te ma ba la ya'iybonic te jc'ope,

San Mateo 4:4

La sjac' te Jesús: Hich ts'ihbabil: Ma ha'uc nax ya xcuxaj ants-winic yu'un te pan, ha ya xcuxaj yu'un spisil te c'op ya xloc' ta ye te Diose, la yut.

Isaías 8:20

¡Ac'a bahtuquic ta stojol te ley soc te testigo-c'op! Teme ma hichuc ya xc'opojic, ha ta scaj te ma ba sacuben q'uinal yu'unique.

San Mateo 4:10

La yal te Jesús: Loc'an, Satanás, como hich ts'ihbabil: Ha nax me xach'uhuntay soc ha nax me xawac' aba ta a'batinel yu'un te Cajwaltic te Dios awu'un, la yut.

San Mateo 21:42

Hich joc'obotic yu'un te Jesús: ¿Ma bal awilojic ta Shun Dios: Te ton ch'ayot hilel yu'un te jpas-nahetic, ha sjol yich'o-ip c'oht. Ha te Cajwaltic te hich la spas, bayel yutsil ya quiltic, te xchihe?

San Mateo 21:16

Hich la yalbeyic te Jesús: ¿Ya bal awa'iy te bin yac yalbelic te alaletic ini? xchihic. La jca'iy. ¿Ma bal ayuc awilojic ta hun: Ta ye alaletic soc chu'alaletic la awa'be yalic te bayel yutsil ac'oblal? xchi te Jesús.

San Lucas 4:12

La sjac' te Jesús: Hich halbil: Ma me xatsaj te Cajwaltic Dios awu'un, xchi.

Hechos 15:10

Ha yu'un ¿bin yu'un yac atsajic te Diose, ha te yac awa'beyic ta snuc' te jnopojeletic jun yugo c'ohem yu'un ya scuchic te bin ma ba hu' scuchbelic te jme'jtatic soc te ho'otique?