San Mateo 4:4 - Bible in Tzeltal Bachajón

⁴ La sjac' te Jesús: Hich ts'ihbabil: Ma ha'uc nax ya xcuxaj ants-winic yu'un te pan, ha ya xcuxaj yu'un spisil te c'op ya xloc' ta ye te Diose, la yut.

Nuevo Testamento Tzeltal de Amatenango

⁴ La yal te Jesuse: —Tsꞌibabil ta Sjun Dios te ma jaꞌuk nax waj te ya xkuxuyin a te genteetike. Jaꞌ ya xkuxuyinik yuꞌun spisil te tut ya xlokꞌ ta stiꞌ te Diose —xchi te Jesuse.

Bible in Tzeltal de Oxchuc y Tenejapa

⁴ La yal te Jesuse: —Jich ts'ibubil ta Sjun Dios: “Ma ja'uc nax waj cuxulic a te ants-winiquetique. Ja' ya xcuxinic yu'un spisil te bila yaloj Dios ta sti'”, te xie —xi' te Jesuse.

San Mateo 4:4 Referans Kwoze

Deuteronomio 8:3

La ya'bat apehc'an aba, la ya'bat awi'nal soc la smac'linat ta maná, ha te we'elil te ma ba ana'beyej sba, ni ha'uc la sna'beyic sba te ame'atatic, scuenta yu'un ya ya'bat ana' te ma ha'uc nax ya xcuxaj ants-winic yu'un te pan, ha ya xcuxaj yu'un spisil te c'op ya xloc' ta ye te Jehová.

San Lucas 4:4

La sjac' te Jesús: Ts'ihbabil ta Shun Dios: Ma ha'uc nax ya xcuxaj ants-winiquetic yu'un te pan, ha ya xcuxaj yu'un spisil sc'op te Diose, la yut.

San Juan 6:63

Ha te Espíritu te ya yac' cuxlejal, mayuc sc'oblal stuquel te baq'uet. Te jc'op te la jcalbeyex, ha scuenta espíritu soc scuenta cuxlejal.

Romanos 15:4

Como spisil te bintic ts'ihbabil ta nahil, scuenta jp'ijubteseltic te la yich' ts'ihbayel, scuenta yu'un ay smuc'ul co'tantic ta scuenta te bin ya xcuhch cu'untic soc ta scuenta te yip co'tantic ya jtahtic yu'un te bin ts'ihbabile.

Efesios 6:17

Ich'ahic smahquil jolal yu'un colel soc te espada yu'un te Espíritu, ha te sc'op Diose.

Éxodo 16:15

C'alal la yilic te snich'nab Israel la yalbe sbahic: ¿Bin a ini? xchihic, como ma ba la sna'ic bin a. Te Moisés hich la yalbe: Ha te pan te ya ya'beyex awe'ic te Jehová.

San Lucas 4:8

La sjac' te Jesús: Loc'an ta jtojol, Satanás, como hich ts'ihbabil: Ch'uhuntaya te Cajwaltic te Dios awu'un, soc ha nax me xawac' aba ta a'batinel yu'un stuquel, la yut.

Éxodo 16:35

Hich te snich'nab Israel la swe'ic maná cha'winic ha'bil ha to c'alal c'ohtic ta q'uinal te ay yajwal; la swe'ic maná ha to c'alal c'ohtic ta sti'il sq'uinal Canaán.

Éxodo 16:8

La yal xan te Moisés: Te Jehová ya ya'beyex awe'ic ti'bal ta xtibiltay, soc ta sab ya ya'beyex pan te ya xnoj ach'uhtic yu'un; como te Jehová la ya'iybeyex atijawic ta c'op ta scontrahinel. Yan te ho'otcotic ¿Mach'a yac acuyotcotic a? Ma ba ho'otcotic te yac atijotcotic ta c'op, ha yaquex ta stijel ta c'op te Jehová, xchi.

San Mateo 4:10

La yal te Jesús: Loc'an, Satanás, como hich ts'ihbabil: Ha nax me xach'uhuntay soc ha nax me xawac' aba ta a'batinel yu'un te Cajwaltic te Dios awu'un, la yut.

San Mateo 4:7

La sjac' te Jesús: Ha nix hich ts'ihbabil: Ma me xatsaj te Cajwaltic te Dios awu'une, la yut.

San Lucas 4:12

La sjac' te Jesús: Hich halbil: Ma me xatsaj te Cajwaltic Dios awu'un, xchi.

Éxodo 23:15

Ya me apas te Q'uin yu'un Pan te ma ba yich'oj levadura. Hich te bin ut'il la jcalbat, huqueb c'ahc'al yac awe' pan te ma ba yich'oj levadura, ta yorahil te u yu'un Abib, como ha yorahil te loq'uex tal ta Egipto. Ma me ayuc mach'a jochol sc'ab ya xtal ta jtojol.

San Mateo 15:11

Ma ba ya xjihnot te winic yu'un te bin ya x'och ta ye, ha ya xjihnot yu'un te bintic ya xloc' tal ta ye, xchi.

San Marcos 7:20

Pero la yal te ya xbohlobtesbot sc'oblal te winic yu'un te bin ya xhahch tal ta yo'tan,

San Juan 15:26

Pero te c'alal ya xtal te Joquinwanej, ha te ya jticombeyex tal ta stojol te Tatil, ha te Espíritu yu'un te bin smelelil te ya xloc' tal ta stojol te Tatile, ha me ya yalbon jc'oblal.