San Mateo 4:3 - Bible in Tzeltal Bachajón

³ Tal ta stojol te jlo'loywanej, hich halbot yu'un: Teme ha'at Snich'anat Dios, hala te yacuc xc'atp'uj ta pan te tonetic ini, xchi.

Nuevo Testamento Tzeltal de Amatenango

³ Jaꞌ yuꞌun te pukuje tal yilbe yoꞌtan te Jesuse. Jich a yal: —Teme jich awal te Xnichꞌanat te Diose, albeya i tonetik to te ya xkꞌajtaj ta waje —xchi te pukuje.

Bible in Tzeltal de Oxchuc y Tenejapa

³ Jich te pucuje tal yilbey yo'tan te Jesuse. Jich la yal: —Teme ja'at Snich'anat te Diose, albeya in tonetic to te ya xc'atp'uj ta waje —xi' te pucuje.

San Mateo 4:3 Referans Kwoze

1 Tesalonicenses 3:5

Ha yu'un te bin ut'il ma ba cuhchix cu'un la jca'iy, la jticon ta joc'oyel bin ut'il ay te sch'uhunel awo'tanic, yu'un la jxi' te ay wan yac ach'uhunic sujel yu'un te jsujawal, hich tojol ya xc'oht te ca'telcotique.

Apocalipsis 2:10

Ma me xiwat yu'un teme ya xc'ax awocol. Ay me ya yotsesex ta cárcel te pucuj scuenta atsajelic; lajuneb c'ahc'al ya me xc'ax awocolic. Junuc me awo'tan ha to c'alal ya xlajat, ya me ca'bat te corona scuenta cuxlejal.

San Mateo 3:17

Ay c'op chicnaj ta ch'ulchan te hich la yal: Ha Jnich'an ini te c'ux ta co'tan, te bayel yutsil co'tan ta stojol, xchi.

Hebreos 12:16

Ma me ayuc mach'a ya ya'iy chijil-o'tanil, o te ma xyich' ta cuenta Dios, hich te bin ut'il Esaú, te ta scuenta junax we'elil la schon te sba-alalil.

Éxodo 16:3

hich la yalic: ¡Ha lec te lajucotic ta sc'ab Jehová ta sq'uinal Egipto te c'alal la juhcan jbahcotic ta sts'ehl te yoxomal ti'bal, te c'alal la jwe'cotic pan ha to c'alal noj jch'uhtcotic! Pero la awic'otcotic loq'uel tal ta jochol taquin q'uinal yu'un yac amilic ta wi'nal spisil te pueblo ini, la yutic.

Hechos 9:20

Te Saulo ora hahch ta yalel ta sinagogahetic te ha Snich'an Dios te Jesús.

San Lucas 4:9

Ta patil ic'ot bahel yu'un te pucuj ta Jerusalén, c'oht ta tehc'anel ta jol Templo, hich halbot yu'un: Teme ha'at Snich'anat Dios, ch'oja cohel aba li'i,

San Lucas 4:3

Hich halbot yu'un te pucuje: Teme ha'at Snich'anat Dios, c'atp'una ta pan ha'i ton ini, xchi.

San Mateo 14:33

Ha yu'un te mach'atic ayic ta barco tal sch'uhuntayic, hich la yalic: Melel nix a te ha'at Snich'anat Dios, xchihic ta stojol.

San Mateo 16:16

Ha la sjac' te Simón Pedro: Ha'at te Cristohat, te Snich'anat te cuxul Dios, xchi stuquel.

San Mateo 26:63

Pero te Jesús mayuc bin la sjac'. Ha yu'un hich halbot yu'un te muc'ul sacerdote: Hala ca'iycotic ta scuenta te cuxul Dios teme ha'at nix a te Cristohat, te Snich'anat te Diose, xchi.

San Marcos 1:1

Ha shahchibal te lec yach'il c'op yu'un te Jesucristo, te Snich'an Dios.

San Marcos 3:11

Te bohl espírituhetic, c'alal la yilic te Jesús, la squejan sbahic ta stojol soc la yalic: Ha'at Snich'anat te Diose, xchihic ta aw.

San Marcos 5:7

Tulan c'opoj, hich la yal: ¿Bin awochelon a, Jesús, Snich'anat Dios te mero toyol ay? ¡Hala ta jamal ta stojol Dios te ma ba yac awuts'inon! xchi,

San Lucas 1:35

La sjac' te ch'ul a'bat: Ya me xhul ta atojol te Ch'ul Espíritu, ya spotsat ta yaxinal yu'el te Mach'a ay ta toyol; ha yu'un te Ch'ul Alal te ya x'ayine, Snich'an Dios sbihil ya xc'oht.

San Lucas 4:41

Soc ay tsobol pucujetic te loc' ta yo'tanic, hich la yalic ta aw: Ha'at Snich'anat Dios, xchihic. Pero la scomticlan ta c'op, ma ba la yac' te ya xc'opojic como sna'ojic te ha te Cristo.

San Lucas 22:70

Hich la yalic spisilic: ¿Ha'at bal Snich'anat te Diose? xchihic. Ha'ex nix yac awalic te ho'one, xchi.

San Juan 1:34

Ho'on la jquil soc ya cal ta testigo te ha te Snich'an Dios, xchi te Juan.

San Juan 1:49

La sjac' te Natanael: ¡Rabí, ha'at te Snich'anat Dios! ¡Ha'at Ajwalilat yu'un Israel! xchi.

San Juan 9:35

La ya'iy te Jesús te tenot loq'uel te winique. C'alal la sta, hich la yalbe: ¿Ya bal ach'uhun te Snich'an Dios? xchi.

San Juan 20:31

Pero ha'i señahiletic ini la yich' ts'ihbayel scuenta yu'un hich me yac ach'uhunic a te ha Cristo te Jesús, te ha Snich'an Dios, soc teme yac ach'uhunic, ay me acuxlejalic ta scuenta te sbihile.

2 Corintios 1:19

Como te Snich'an Dios, ha te Jesucristo, te la jcalbecotiquix sc'oblal ta atojolic —ho'on soc Silvano soc Timoteo— ma ha'uc: Yac soc Ma'uc, xchi, pero ha nax: Yac, xchi ta scuenta Cristo,

Gálatas 2:20

Pajal lajon ta cruz soc Cristo, hich ma ba cuxulonix te ho'one, ha cuxulix Cristo ta co'tan; soc te jcuxlejal ta ora ini ta scuenta ch'ich'-baq'uet, ha ya xcuxajon ta scuenta sch'uhunel co'tan ta stojol te Snich'an Dios, te c'uxon ta yo'tan soc te la yac' sba ta jcuenta.

Hebreos 4:14

Ha yu'un, te bin ut'il ay muc'ul sacerdote cu'untic te sohl bahel ta ch'ulchan, ha te Jesús te Snich'an Dios, ma me xquihquitaytic te bin jch'uhunejtique.

Hebreos 7:3

Ma chicanuc sme' stat soc ma chicanuc sts'umbal; ma chicanuc shahchibal soc ma chicanuc slajibal. Hich pajal soc te Snich'an Dios, sbahtel q'uinal ay ta sacerdotehil.

1 Juan 3:8

Te mach'a ya'telinej spasel mulil, ha me yu'un pucuj stuquel, como te pucuj stalel la sle mulil ta shahchibal to tal. Ha scuentahil te chicnaj te Snich'an Dios, yu'un ya slajimbe ya'tel te pucuje.