San Mateo 4:23 - Bible in Tzeltal Bachajón

²³ La yocliy spisil sq'uinal Galilea te Jesús, yac ta nohpteswanej ta sinagogahetic yu'unic soc yac ta yalel te lec yach'il c'op yu'un te cuentahinel yu'un Dios, soc yac ta slecubtesel spisil chamel soc banti c'ux ya ya'iyic te ants-winiquetique.

Nuevo Testamento Tzeltal de Amatenango

²³ Been ta spꞌejel estado yuꞌun Galilea te Jesuse. La spꞌijuteslan ta sinagogaetik te ba xkꞌax kꞌael ta beel. La yaltalanbey yaꞌiy te lekil achꞌ kꞌop yuꞌun te mukꞌ Dios te ay ta chꞌulchane. Sok la slekuteslan spisil te tutikuk chamelil te ay ta stiꞌbalul te genteetike sok tutik a te kꞌux ta aꞌiyele.

Bible in Tzeltal de Oxchuc y Tenejapa

²³ Been ta spamal sq'uinal Galilea te Jesuse. La yaiy p'ijubteswanej ta sinagogaetic te banti c'ax ta beele. Soc la xcholbey yaiyic te lec yach'il c'op yu'un te bit'il ay ta ajwalinel te Diose. Soc la slamantesbey spisil te bitic chamelil te ay ta sbaq'uetalic te ants-winiquetique soc spisil ta jchajp te bila c'ux ta aiyele.

San Mateo 4:23 Referans Kwoze

San Mateo 9:35

Te Jesús la sbehentay spisil te pueblohetic soc tut pueblohetic, yac ta p'ijubteswanej ta sinagogahetic yu'unic, yac ta yalel te lec yach'il c'op yu'un te cuentahinel yu'un Dios, soc yac slecubteslambel spisil chameletic soc spisil te banti c'ux ya ya'iyic.

San Marcos 1:39

Hich behen ta yalel sc'op Dios ta jujun sinagoga ta spisil sq'uinal Galilea, soc la sloq'ueslan pucujetic.

Hechos 10:38

ha te bin ut'il Dios la smal ta Ch'ul Espíritu soc yu'el te Jesús talem ta Nazaret, soc te bin ut'il behen ta spasel lequil a'teliletic soc ta scoltayel spisil mach'atic ay swocolic yu'un te pucuj, como joquimbil yu'un Dios.

San Lucas 7:22

Hich halbotic yu'un te Jesús: Bahanic, a'beyahic sna' te Juan te bintic la awilic soc te la awa'iyique: ha te ya yiliquix q'uinal ts'o'sitetic, ya xbeheniquix coxo'etic, ya yich'iquix lecubtesel jc'a'el-chameletic, ya ya'iyiquix q'uinal cohquetic, ya yich'ic cuxajtesel mach'atic chamenic soc yaquix ta halbeyel ya'iyic te lec yach'il c'op te pobrehetique.

San Mateo 11:5

Ya yiliquix q'uinal te ts'o'sitetic, ya xbeheniquix te coxo'etic, lecubtesbiliquix te jc'a'el-chameletic, ya ya'iyiquix q'uinal te cohquetic, la yich'iquix cha'cuxajtesel mach'atic chamenic, soc yaquix ta halbeyel ya'iy te lec yach'il c'op te pobrehetique.

San Mateo 13:54

C'alal c'oht ta slumal, la ya'iy p'ijubteswanej ta sinagoga yu'unic; xcham yo'tanic yu'un, hich la yalic: ¿Banti la sta te sp'ijile soc bin ut'il ya xhu' yu'un spasel te jchahp a'teliletic ini?

San Marcos 1:21

C'ohtic ta Capernaum, soc ta sc'ahc'alel cux-o'tan och ta sinagoga te Jesús soc hahch ya'iy p'ijubteswanej.

Salmos 103:3

ha te mach'a ya spasbat perdón yu'un spisil amul, soc ya slahmajtesbat spisil te chamel awu'un,

Romanos 10:15

Soc ¿bin ut'il c'an yalbe sc'oblal teme mayuc mach'a ticombil? Hich te bin ut'il ts'ihbabil: ¡C'ax t'ujbil te yoquic te mach'atic ya yalbe sc'oblal te lamal q'uinal, te ya yalbeyic sc'oblal te lec yach'il c'ope! xchi.

San Lucas 8:1

Patil te Jesús hahch yocliylan bahel te pueblohetic soc te tut pueblohetic, yac ta yalel te lec yach'il c'op scuenta te cuentahinel yu'un Dios. Ha sjoquinej te lahchaytuhlic (12)

San Marcos 6:2

C'alal la sta te sc'ahc'alel cux-o'tan hahch ya'iy p'ijubteswanej ta sinagoga. C'alal la ya'iyic, xcham yo'tan tsobolic yu'un, hich la yalic: ¿Banti la sta tal te c'op ini? ¿Bin a te p'ijil c'op ini te a'bot, soc te jchahp a'teliletic ini te yac spasbele?

San Mateo 24:14

Ya me xpuhc ta halel ta swohlol bahlumilal sc'oblal te lec yach'il c'op yu'un te cuentahinel yu'un Dios, scuenta testigo-c'op ta stojol spisil nacionetic, ha to me ya xtal a te slajibal c'ahc'ale.

San Mateo 12:9

Sohl bahel tey a te Jesús, c'oht ta sinagoga yu'unic.

San Juan 18:20

La sjac' te Jesús: Ta comonsitil la jc'opon te mach'atic ayic ta bahlumilal. Spisil ora la jca'iy p'ijubteswanej ta sinagoga soc ta Templo ta banti ya stsob sbahic spisil te judíohetique, mayuc bin muquen la jcal.

San Lucas 13:10

Te Jesús yac ta p'ijubteswanej ta sinagoga ta sc'ahc'alel cux-o'tan.

San Lucas 9:11

C'alal hich la ya'iyic te ants-winiquetic, la st'unic bahel. Te Jesús la yic'ticlan tal ta stojol, la yalbe sc'oblal te cuentahinel yu'un Dios soc la slecubteslan te mach'atic ayic ta chamel.

San Lucas 5:17

Ay jun c'ahc'al c'alal yac ta p'ijubteswanej a te Jesús, soc tey huhcajtic a te fariseohetic soc maestrohetic yu'un te Ley te hahchemic tal ta jujun tut pueblohetic yu'un Galilea, Judea soc Jerusalén, te Jesús cuentahimbil yu'un te yu'el Dios ta slecubtesel jchameletic.

San Marcos 6:6

Xcham yo'tan yu'un te mayuc sch'uhunel yo'tanique. La sbehentay te tut pueblohetic ta sjoyobal, yac ta p'ijubteswanej.

San Marcos 3:10

como tsobol mach'atic la slecubteslan ta chamel, ha yu'un spisil mach'a ayic ta chamel stenten sbahic ta spicbeyel sc'u'.

San Marcos 1:14

Ochemix ta chuquel a te Juan, c'oht ta Galilea te Jesús, yac ta yalel te lec yach'il c'op sc'oblal te cuentahinel yu'un Dios.

Salmos 74:8

La yal ta yo'tanic: Ya jintic ta jc'axel, xchihic. La schiq'uic spisil te ch'ul awilaletic yu'un Dios te ayic ta q'uinal.

Hechos 20:25

Yo'tic jna'oj te mayuc bin ora yac awilbonic xan jsit ta apisilic, ha'ex te behenemon ta awohlilic ta yalbeyel sc'oblal te cuentahinel yu'un Dios.

Hechos 18:4

Ta jujun sc'ahc'alel cux-o'tan c'opoj te Pablo ta sinagoga, te yacuc sch'uhunic te judíohetic soc te griegohetique.

San Juan 6:59

Hich la yal ta p'ijubteswanej ta sinagoga ta Capernaum.

San Lucas 10:9

Soc lecubtesahic te jchameletic te tey ayic a, soc hich xawalbeyic: Nopol ayix ta atojolic te cuentahinel yu'un Dios, xchihanic me.

San Lucas 6:17

Te Jesús cohic tal soc, c'oht ta jun spamlej, joquimbil yu'un te jnopojeletic yu'un soc bayel winiquetic te talemic ta spahmal sq'uinal Judea, ta Jerusalén, ta ti'ti'mar yu'un Tiro soc Sidón, te talemic ta ya'iybeyel sc'op soc ta yac'bel sbahic ta lecubtesel yu'un schamelic;

San Mateo 14:14

C'alal loc' ta barco te Jesús, la yil bayel ants-winiquetic, sts'ujet ta yo'tan la ya'iy, hich la slecubteslan te jayeb jchameletic tey ayic a.

San Mateo 13:19

Teme ay mach'a ya ya'iybe sc'oblal te cuentahinel yu'un Dios, pero ma ba ya sna'be scuentahil, ya xtal te mach'a chopol, ya sloq'uesbe te bin ts'umbil ta yo'tan. Ha sc'oblal te ts'unubil te c'oht ta ti'be.

San Mateo 3:2

hich la yal: Suhtesa awo'tanic, como nopolix yorahil te cuentahinel yu'un te ch'ulchane, xchi.

San Juan 7:1

Ta patil behen ta Galilea te Jesús, yu'un ma ba la sc'an ya xbaht ta Judea, como te judíohetic schapbeyejic sc'oblal ta milel tey a.

San Lucas 20:1

Jun buelta te Jesús yac sp'ijubtesbel te ants-winiquetic ta Templo soc yac yac'bel ta nopel a te lec yach'il c'op, c'oht te principal sacerdotehetic, escribanohetic soc te mamaletic,

San Lucas 4:14

Ta scuenta yu'el te Espíritu suht bahel ta Galilea te Jesús; puhc ta halel yutsil sc'oblal ta sjoyobal te q'uinale.

San Lucas 6:6

Yan buelta ta sc'ahc'alel cux-o'tan och ta sinagoga te Jesús soc hahch ta p'ijubteswanej. Ay jtuhl winic tey a te chamen schihal swa'el-c'ab.

San Lucas 7:21

Ha yorahil a te la slecubteslan bayel ta chahp jchameletic, soc la sloq'ueslan bohl espírituhetic, soc ay bayel ts'o'sitetic te la sjamticlambe sitic.

San Lucas 9:60

La yal te Jesús: Ha ac'a smuc te chamen winic te mach'a pajal chamen soque; yan te ha'ate, behenan, puca ta halel sc'oblal te cuentahinel yu'un Dios, xchi.

San Lucas 16:16

Te Ley soc te Jalwanejetic la yich'ic halbeyel sc'oblal ha to c'alal ta Juan. Ta hich ora hahch ta yalel te lec yach'il c'op yu'un te cuentahinel yu'un Dios, soc spisilic yac yac'belic fuersa ta ochel tey a.

Hechos 28:31

Jamal la yalbe ya'iyic sc'oblal te cuentahinel yu'un Dios, soc la ya'be snopic bin ut'il ay sc'oblal te Cajwaltic Jesucristo; mayuc mach'a comot yu'un.