San Mateo 28:2 - Bible in Tzeltal Bachajón

² Tal tulan nihquel, yu'un co tal ta ch'ulchan jtuhl ch'ul a'bat yu'un te Cajwaltic, baht ta muquenal, la sbalch'un loq'uel te ton, la shuhcan sba tey a.

Nuevo Testamento Tzeltal de Amatenango

² Tal tulan jikichab ta balmilal, yuꞌun jtul chꞌul ángel yuꞌun te Kajwaltike koj tal ta chꞌulchan. Tijilaj tal te ba mukule, la slokꞌes te mam mukꞌul ton te makbil aye y la snajkan sba ta sba te tone.

Bible in Tzeltal de Oxchuc y Tenejapa

² Tal tulan nijq'uel, melel coj tel ta ch'ulchan jtul ch'ul abat yu'un Cajwaltic te c'ot ta muquenale. La stsel loq'uel te muc'ul ton macal sti' a. Tey la snajc'an sba ta sba te tone.

San Mateo 28:2 Referans Kwoze

Hechos 16:26

Repente nax tal tulan nihquel, la syuc' sba te yich'o-ip te cárcel; ora jahm spisil sti'il te cárcel soc laj pohl te cadenahetic yu'un spisil te jchuqueletique.

1 Timoteo 3:16

C'ax muc' sc'oblal te bin muquen ay ta ch'uhunel te Diose, hich te bin ut'il ya yal: Ha chicnaj ta ch'ich'-baq'uet, ac'ot ta na'el yu'un te Espíritu te toj yo'tan, ilot yu'un te ch'ul a'batetic, halbot sc'oblal ta yohlil te jyanlumetic, ch'uhunot ta bahlumilal, ic'ot mohel ta utsilal.

San Juan 20:1

Buen sab ta sba c'ahc'alil semana, yac to nax ta chicnajel tal q'uinal a, baht ta muquenal te María Magdalena; la yil loq'uesbilix te ton macbil sti'il a te muquenale.

Apocalipsis 11:19

Jahm te templo yu'un Dios te ay ta ch'ulchan, chican ta yutil te templo te scaxahul te chapbil-c'op. Xliplajan tsantsehwaletic, xjuyet hahchel c'opetic, stsanlajan ta t'ohmel chahwuc, xyuq'uinaj nihquel, soc co tal niwac bat.

1 Pedro 1:12

A'bot sna'ic te ma ha'uc ya xc'oht ta scuentahic, ha ya xc'oht ta acuentahic te ha'exe. La yalbeyic sc'oblal te bintic la awa'iyiquix yu'un te mach'atic la yalbeyex te lec yach'il c'op ta scuenta te Ch'ul Espíritu ticombil tal ta ch'ulchan. Ha nix hich te ch'ul a'batetic, yo'tanuc xyilic te bin yac ta halbeyel sc'oblale.

San Mateo 27:60

la xahch'an ta ach' muquenal yu'un, te yac'oj ta hotel ton; la sbalch'umbe hilel muc'ul ton yu'un ya smacbe sti'il a te muquenal, hich baht.

San Mateo 27:66

Hich bahtic, la smaquic ta lec te muquenal, la ya'beyic sello te ton soc la yaq'uic hilel jcananetic tey a.

Hechos 5:19

Pero te ch'ul a'bat yu'un te Cajwaltic la sjam ta ahc'abal te puertahetic yu'un te cárcel, la yic'ticlan loq'uel, hich la yalbe: