San Mateo 27:43 - Bible in Tzeltal Bachajón

⁴³ La smuc'ulin yo'tan te Diose, ac'a coltayec yu'un teme ya sc'ane, como yaloj te ho'on Snich'anon Dios, xchihic.

Nuevo Testamento Tzeltal de Amatenango

⁴³ Teme jaꞌ xchꞌuunej te ya xkoltayot yuꞌun te Diose, aꞌ me koltayek yuꞌun ora to teme jich ya skꞌan te Diose. Jich a yal te jaꞌ Xnichꞌan Dios ta skꞌope —xchiik.

Bible in Tzeltal de Oxchuc y Tenejapa

⁴³ Teme ja' smuc'ulinej yo'tan te Diose, ac'a coltayotuc yu'un ta ora to teme jich yo'tane, melel jich yaloj: “Ja' Snich'anon te Diose”, te xie —xiic.

San Mateo 27:43 Referans Kwoze

Salmos 22:8

Ha smuc'ulinej yo'tan te Jehová, ha ac'a coltayec yu'un; ha ac'a scoltay, como ha lec ta o'tanil yu'un, xchihic.

San Juan 10:36

¿ha xan te mach'a tsahbil yu'un Dios soc te ticombil tal ta bahlumilal yu'un, te ha'ex yac awalic: Yac abohlc'optaybel Dios, xchihex, ta scaj te la jcal: Ha Snich'anon te Diose, te xchihone?

San Juan 19:7

La sjaq'uic te judíohetic: Ay ley cu'uncotic, tey ya yal a te ya me xlaj, como la yal sba te ha Snich'an Dios, xchihic.

San Juan 10:30

Jun ayon soc te Jtate, xchi.

San Mateo 27:40

hich la yalic: Ha'at te yac ajin te Templo, te ta oxeb c'ahc'al yac acha'pas xan, coltaya aba quiltic. Teme ha'at Snich'anat Dios, cohan tal ta cruz, xchihic.

Isaías 37:10

Hich me xawalbe te Ezequías ajwalil yu'un Judá: Ma me xawac' slo'loyat te Dios awu'un, te ha smuc'ulinej awo'tan, te hich ya yalbat: Te Jerusalén ma ba ya x'a'bot ta sc'ab te ajwalil yu'un Asiria, te xchihe.

Isaías 36:18

Ila me awilic te manchuc ya slo'loyex te Ezequías te hich ya yal: Ya scoltayotic te Jehová, te xchihe. ¿Ay bal te diosetic yu'un te nacionetic te la scoltayic loq'uel ta sc'ab te ajwalil yu'un Asiria?

Isaías 36:15

Ma me xawac' te ha ya ya'beyex smuc'ulin awo'tanic te Jehová te Ezequías, te hich ya yal: Ya me scoltayotic te Jehová; ma ba ya x'och ta sc'ab Asiria te pueblo ini, te xchihe.

Salmos 71:11

Hich ya yalic: Pihtesotix yu'un Dios; nutsahic, tsacahic, yu'un mayuc mach'a ya xcoltayotix yu'un, xchihic.

Salmos 42:10

Ya slabanonic te jcontratac hich te bin ut'il mach'a ya yehchentesbon jbaquel, te bin ut'il hich ya yalbonic jujun c'ahc'al: ¿Banti ay te Dios awu'un? xchihic.

Salmos 14:6

Ya slabanic te bin schapojic te pobrehetic, pero ha ahnibal yu'unic te Jehová.

Salmos 3:2

Tsobolic te hich ya yalic ta jtojol: Ma ba ya xcoltayot yu'un Dios, xchihic. Selah

San Mateo 27:54

Te capitán-soldado soc te mach'atic sjoquinejic ta scanantayel te Jesús, c'alal la yilic te nihquel soc te bin c'oht ta pasel, bayel xiw yo'tanic yu'un, hich la yalic: ¡Ta mero melel ha Snich'an Dios ini! xchihic.

San Lucas 23:35

Te ants-winiquetic yac yilbelic, soc te principaletic yu'un te pueblo la slabanic te Jesús, hich la yalic: La scoltaylan yantic; ac'a scoltay sba teme ha nix a te Cristo te tsahbil yu'un Dios, xchihic ta slabanel.

San Lucas 23:37

hich la yalbeyic: Teme ha'at Ajwalilat yu'un te judíohetic, coltaya aba, xchihic ta slabanel.