San Mateo 27:4 - Bible in Tzeltal Bachajón

⁴ hich c'oht yal: La jta jmul yu'un la jcac' ta c'abal te Mach'a mayuc smul, xchi. Pero la yalbeyic: ¿Bin cochelcotic a te ho'otcotique? ¡Ila aba atuquel! la yutic.

Nuevo Testamento Tzeltal de Amatenango

⁴ Jich a yal: —Mulawonix yuꞌun la kakꞌix ta entregal ta milel te winik te maꞌyuk smule —xchi. Pero la sjakꞌtalanik: —Ma kocheltikuk te joꞌotike. Jaꞌat ayix ta akuenta —xyutik.

Bible in Tzeltal de Oxchuc y Tenejapa

⁴ Jich la yal: —La jtaix jmul, melel la caq'uix ta malel xch'ich'el te mach'a ma'yuc smule —xi'. Ja'uc me to, albot yu'unic: —Ma jwentatiquix te jo'otique. Ayix ta awenta atuquel —la yutic.

San Mateo 27:4 Referans Kwoze

1 Juan 3:12

Ma me hichucotic te bin ut'il Caín, te ha yu'un te pucuj, te la smil te yihts'ine. ¿Bin yu'un te la smile? Yu'un chopol te ya'tel te Caín, yan te yihts'in toj ya'tel stuquel.

1 Pedro 1:19

pero ta scuenta sch'ul sch'ich'el te Cristo, te hich c'ohem te bin ut'il tuminchij te mayuc yabaquil soc mayuc bin jihnem yu'un.

Hebreos 7:26

Ya xtuhun cu'untic te muc'ul sacerdote te ch'ultesbil, te mayuc smul, parte ay yu'un jmulawiletic soc c'ax hich toybot sc'oblal a te bin ut'il te ch'ulchane.

Tito 1:16

Ya sna'beyic sba Dios ta sc'opic, pero chican ta ya'telic te ma hichuc, te bin ut'il ihlaybilic, jc'axun-c'opetic, soc ma sna'ic spasel lequil a'telil.

1 Timoteo 4:2

Te bintic ya yaq'uic ta nopel ini ha ya xtal ta scuenta chebalc'optayel yu'un jlotetic, te tsajuben ta c'ahc' c'ohem te bin ya yal te yo'tanique.

Romanos 3:19

Jna'ojtic te spisil bintic ya yal te Ley, ha ya yalbe te mach'atic ayic ta scuenta te Ley, scuenta yu'un spisilic ya xmahc yehic soc spisil bahlumilal ya xhil ta scuenta ich'el ta c'op yu'un Dios,

Hechos 13:28

Aunque mayuc smul la stahbeyic scuenta lajel, la sc'ambeyic Pilato te ya yich' milel.

San Juan 19:7

La sjaq'uic te judíohetic: Ay ley cu'uncotic, tey ya yal a te ya me xlaj, como la yal sba te ha Snich'an Dios, xchihic.

San Lucas 23:47

C'alal la yil te capitán-soldado te bin c'oht ta pasel, la yalbe yutsilal te Dios, hich la yal: Melel nix a te toj ta winiquil ha'i winic ini, xchi.

San Lucas 23:41

Te ho'otic stojil te yac quich'beltic castigo, yu'un ha ya x'ac'ot jtojtic te bin chopol jpasojtique; yan stuquel mayuc bin chopol spasoj, xchi.

San Lucas 23:22

Te Pilato ta yoxebal buelta la yalbe: ¿Binti chopol spasoj? Mayuc smul la jtahbe te ya x'ac'ot ta lajel yu'un. Ya ca'be castigo, ya jcoltay bahel, xchi.

San Mateo 27:54

Te capitán-soldado soc te mach'atic sjoquinejic ta scanantayel te Jesús, c'alal la yilic te nihquel soc te bin c'oht ta pasel, bayel xiw yo'tanic yu'un, hich la yalic: ¡Ta mero melel ha Snich'an Dios ini! xchihic.

San Mateo 27:19

Te c'alal hucul ta chahpajibal te Pilato, ticombot ta halbeyel yu'un te yihnam: Ma me ayuc bin xapasbe te mach'a toj yo'tan, como te naxe c'ax bayel jwocol la jca'iy ta jwayich ta scuenta te winique, xchi.

Jonás 1:14

Ha yu'un la yawtayic te Jehová, hich la yalic: Awocoluc, Jehová, manchuc ya xlajucotic ta scuenta scuxlejal te winic ini; ma xawac' ta jtojolcotic te sch'ich'el te mach'a mayuc smule; como ha'at, Jehová, la apas te bin la sc'an awo'tan, xchihic.

Jeremías 26:15

Pero na'ahic me teme yac amilonic, ya xc'oht ta atojolic te sch'ich'el mach'a mayuc smul soc ta stojol te pueblo ini soc te mach'atic nahinemic tey a, como melel sticonejon ta atojolic te Jehová yu'un ya calbeyex spisil te c'opetic ini te yac awa'iybelique, xchi.

Job 16:2

Bayel buelta ca'iyejix te c'opetic ini. ¡Ma ba lequil jmuc'ubtesej q'uinalex!

2 Reyes 24:4

soc ta scaj te la smalbe sch'ich'el te mach'a mayuc smul, ha noj ta ch'ich' te Jerusalén. Ha yu'un te Jehová ma ba la sc'an la spasbe perdón.

1 Reyes 21:27

C'alal hich la ya'iy te Acab, la sch'i' sc'u' yu'un, la slap ch'ixal pac' soc la scom swe'el. Way ta ch'ixal pac' soc pehc'aj yu'un.

1 Samuel 15:30

La yal te Saúl: La jta jmul; pero awocoluc, ich'awon ta muc' ta stojol te mamaletic yu'un te pueblo cu'un soc ta stojol Israel, joquinawon bahel scuenta yu'un ya jch'uhuntay te Jehová te Dios awu'un, xchi.

1 Samuel 15:24

Te Saúl la yalbe te Samuel: La jta jmul, como la jc'axuntaybe smandar te Jehová soc te ac'ope, ta scaj te la jxi' te pueblo soc la jquich'be ta cuenta te sc'opique.

Éxodo 12:31

Te faraón la sticon ta iq'uel tal te Moisés soc Aarón ta ahc'abal, hich la yalbe: Loc'anic bahel ta yohlil te jlumal ha'ex soc te snich'nab Israel; bahan ch'uhuntayahic te Jehová, hich te bin ut'il la awalique.

Éxodo 9:27

Ha yu'un te faraón la sticon ta iq'uel te Moisés soc Aarón, hich la yalbe: Yo'tic la jtahix jmul. Te Jehová ha toj stuquel, yan te ho'on soc te jlumale chopolon soc.

Apocalipsis 11:10

Te mach'atic nahinemic ta bahlumilal tse'el yo'tanic yu'un, ya spasic q'uin soc ya smahtantes sbahic yu'un, como te cheb jalwanejetic bayel la yuts'inic te mach'atic nahinemic ta bahlumilale.

Job 13:4

Te ha'exe yac anaq'uic ta lot te bin melel; apisilic jpoxtaywanejex te ma xtuhunique.

1 Samuel 19:5

Mayuc sc'oblal te scuxlejal la ya'iy yu'un ya smil te filisteo, hich te Jehová la yac' te la ya'iy muc'ul tsalaw spisil Israel. Ha'at la awil, tse'el awo'tan yu'un. ¿Bin yu'un te yac ac'an yac ata amul ta smalbeyel sch'ich'el te mach'a mayuc smul, ha te yac amil te David ta tojol nax? xchi.

Salmos 94:21

Ya schap sc'opic ta scontrahinel te mach'a toj yo'tan, soc ya yaq'uic ta lajel te mach'a mayuc smul.

Proverbios 12:8

Te winic ay ta halbeyel yutsil sc'oblal, ha chican te sp'ijil yo'tan, pero ya x'ihlayot te mach'a bohl yo'tane.