San Mateo 27:3 - Bible in Tzeltal Bachajón

³ Hich te Judas, te ac'awan ta c'abal, c'alal la yil te chapalix sc'oblal ta milel te Jesús, la sut sc'op, baht sutbe hilel te lajuneb scha'winic (30) ta sehp plata te a'bot yu'un te principal sacerdotehetic soc te mamaletic,

Nuevo Testamento Tzeltal de Amatenango

³ Te Judas, te akꞌawan entregale, la yil te tutꞌil chapbotix skꞌoplal ta milel yuꞌunik te Jesuse. Jicha sujt skꞌop. Ba sujtesbey te treinta ta sejp plata-takꞌin te statal-saserdoteetike sok te moletike.

Bible in Tzeltal de Oxchuc y Tenejapa

³ Te Judas te ac'awan ta c'abale la yil te bit'il chajbajix sc'oplal ta milel yu'unic te Jesuse. Jich la sujt'es sc'op. Ba sujt'esbey te lajuneb xcha'winic ta jsejp plata-taq'uin ta stojol te jwolwanej-sacerdoteetic soc te principaletique.

San Mateo 27:3 Referans Kwoze

2 Corintios 7:10

Como te mel-o'tan te ya sc'an te Dios ya yac' suhtesel-o'tanil scuenta colel, soc mayuc mel-o'tan tey a; yan te mel-o'tan yu'un te bahlumilal ya x'ac'awan ta lajel.

San Juan 18:3

Ha yu'un te Judas la yic' bahel soldadohetic soc policiahetic yu'un te principal sacerdotehetic soc yu'un te fariseohetic, tey bahtic soc a, stuchticlanejic sc'ahq'uic soc chapalic ta a'tejibaletic.

San Juan 13:27

C'alal la stsac te mulbil pan te Judas, och ta yo'tan te Satanás. Ha yu'un te Jesús la yalbe: Te bin ya x'och apas, pasa me ta ora, xchi sc'oblal.

San Juan 13:2

C'alal ayic ta we'el a, te Judas Iscariote snich'an Simón halbotix ta yo'tan yu'un a te pucuj te ya yac' ta c'abal te Jesús.

Job 20:5

te com nax te stse'elil yo'tan te mach'a chopol yo'tan, te jts'ihn nax ay yutsil yo'tan te mach'a ma ba sch'uhunej Dios?

Éxodo 21:32

Teme ya scuj jtuhl a'bat o criada, te yajwal ya me stoj lajuneb scha'winic (30) ta sehp plata, soc ya xlaj ta ch'ojel ta ton te wacaxe.

Zacarías 11:13

Hich la yalbon te Jehová: Otsesa ta stsobojibal taq'uin, ¡ha te lequil jtojol yu'unique! xchi. Hich la jtsac te lajuneb scha'winic (30) ta sehp plata, la jcotses ta stsobojibal taq'uin yu'un te sna Jehová.

Hechos 1:18

Te Judas la sman q'uinal yu'un te stojol te bin chopol la spas; tey cocoltsa' c'oht ta lum a, toj t'ohmel sch'uht soc loc' spisil sbiquil.