San Mateo 27:25 - Bible in Tzeltal Bachajón

²⁵ Hich la sjac' spisil te pueblo: Ac'a c'ohtuc ta jtojolcotic soc ta stojol te cal-jnich'ancotic te sch'ich'ele, xchihic.

Nuevo Testamento Tzeltal de Amatenango

²⁵ Spisil te genteetike la yalik: —Joꞌotik sok te kuntikiltike, ya jmulimbetik te ya xchame —xchiik.

Bible in Tzeltal de Oxchuc y Tenejapa

²⁵ Maj nax la yalic te lume: —Jichuc, ac'a jmulintic soc cal-jnich'antic smalbeyel xch'ich'el —xiic.

San Mateo 27:25 Referans Kwoze

Josué 2:19

Mach'ayuc a te ya xloc' bahel ta sti'il ana, ay ta scuenta stuquel te sch'ich'ele, ma jmulcoticuc ya xc'oht. Pero mach'ayuc a te sjoquinejat ta ana, ay ta jcuentacotic te sch'ich'el teme ay bin ya xpasbote.

Hechos 5:28

¿Ma bal tulanuc la jpasex ta mandar te ma xawa'iyic p'ijubteswanej ta scuenta te bihilil ini? Pero yo'tic la anojesic ta Jerusalén te nohptesel awu'unique, soc yac awa'bel jcuchcotic smalbeyel sch'ich'el te winic yac awalique, xchi.

Hechos 7:52

¿Ay bal jtuhluc jalwanej te ma ba la yich' uts'inel yu'un ame'atatic? La smilic te mach'atic nahil la yalbeyic sc'oblal te Mach'a toj yo'tan, te ha nix la awaq'uiquix ta c'abal soc la amiliquix,

Deuteronomio 19:10

scuenta yu'un ma ba ya yich' malbeyel sch'ich'el te mach'a mayuc smul tey ta q'uinal te ya ya'bat awu'untay te Jehová te Dios awu'un, soc scuenta yu'un hich ma ba yac amulin malbil ch'ich'.

Números 35:33

Ma me xabohlobtesbeyic sc'oblal te q'uinal te banti ya xnahinex; como te ch'ich' ini ya sbohlobtesbe sc'oblal te q'uinale; ma xhu' ya yich' lecubtesbeyel sc'oblal te q'uinal yu'un te ch'ich' malbil tey a, ha nax ta scuenta te sch'ich'el te mach'a la smal te ch'ich'e.

1 Reyes 2:32

Te Jehová ha me ya sutbe spacol te ch'ich' ta stojol, como la smil te cheb winiquetic te c'ax hich toj soc lec ta winiquil a te bin ut'il te Joab; la smilticlan ta espada te ma ba la sna' te jtat David: ha te Abner snich'an Ner, te jtsobaw yu'un soldadohetic yu'un Israel, soc te Amasa te snich'an Jeter, te jtsobaw yu'un soldadohetic yu'un Judá.

2 Samuel 1:16

Hich halbot yu'un David: Ay ta acuenta te ach'ich'ele, como ha'at nix la awal ta testigo ta acontra te c'alal hich la awal: La jmil te mach'a tsahbil yu'un Jehová, te xchihate, xchi.

Deuteronomio 19:13

Ma me xana'be yo'bolil sba; ya me aloq'ues ta Israel te mach'a ya smalbe sch'ich'el te mach'a mayuc smul; hich lec ya xc'ohat a.

Éxodo 20:5

Ma me xaquejan aba ta stojolic soc ma me xawich' ta muc', como ho'on Jehovahon te Dioson awu'un, xut'et co'tan, ya ca'be castigo yu'un smul sme'static te yal-snich'nabic ta yoxcajal soc ta schancajal te mach'atic ya yil-o'tantayonic,

San Mateo 21:44

Te mach'a ya xyahl ta sba te ton ini, ya me xwuy, soc te mach'a ya xtenot yu'une, jc'axel juch'bil ya xhil yu'un, xchi te Jesús.

Hechos 18:6

Pero te judíohetic la smaquic ta c'op te Pablo soc la yixta'c'optayic, hich te Pablo la slihlin sc'u' spac' te slapoj soc la yalbe: Ac'a c'ohtuc ta ajolic te ach'ich'elique. Mayuquix ta jcuenta; yo'tic ya xbohonix ta stojol te jyanlumetique, la yut.