San Mateo 27:1 - Bible in Tzeltal Bachajón

¹ C'alal sacub q'uinal, spisil te principal sacerdotehetic soc te mamaletic yu'un te pueblo la schapbeyic sc'oblal te Jesús yu'un ya yaq'uic ta lajel.

Nuevo Testamento Tzeltal de Amatenango

¹ Sakubix kꞌinal a te statal saserdoteetik sok te moletik yuꞌun te juriyoetike ba snop skꞌopik te ya yakꞌik ta milel te Jesuse.

Bible in Tzeltal de Oxchuc y Tenejapa

¹ C'alal sacubix tel q'uinal a, spisil te jwolwanej-sacerdoteetic soc te principaletic yu'un te lume la xchap sc'opic te ya yaq'uic ta lajel te Jesuse.

San Mateo 27:1 Referans Kwoze

San Marcos 15:1

Te principal sacerdotehetic, te mamaletic, escribanohetic soc spisil mach'atic ay ya'telic schapoj sc'opic ta buen sab, hich chucul a la yiq'uic bahel te Jesús, la ya'beyic ta sc'ab te Pilato.

San Juan 18:28

La yiq'uic loq'uel ta sna Caifás te Jesús, la yiq'uic bahel ta pretorio. Yac ta sacubel q'uinal a, pero ma ba ochic bahel ta palacio scuenta yu'un ma ba ya sbohlobtes sc'oblalic, scuenta yu'un hich ya xhu' ya swe'ic a te Pascua.

San Lucas 22:66

Ta sacubel q'uinal la stsob sbahic te mamaletic yu'un te pueblo, te principal sacerdotehetic soc te escribanohetic, la yiq'uic bahel ta stojol te jtsohb jchahpanwanejetic.

Miqueas 2:1

Ay me swocolic te mach'atic ay ta swayibic a te ya snopic spasel bintic chopol, te ya schapic bin chopol ya spasic, c'alal ya sacub q'uinal ya sc'ohtesic ta pasel, como ya xhu' yu'unic te ya spasique.

Salmos 2:2

Ya xhahchic te ajwaliletic ta q'uinal, soc te príncipaletic junax ya yac' sbahic ta schapel scontrahinel te Jehová soc te mach'a tsahbil yu'une.

San Mateo 23:13

Pero ¡ay me awocolic, escribanohetic, fariseohetic, jchebal-o'tanex! como yac amacbelic ta stojol ants-winiquetic te cuentahinel yu'un te ch'ulchane. Ma ba ya x'ochex ha'ex, soc ma ba yac awaq'uic ochel te mach'atic ya sc'an ya x'ochic.

Hechos 5:21

C'alal hich la ya'iyic, ta sab ochic ta Templo, hahchic ta p'ijubteswanej. Talic te muc'ul sacerdote soc te mach'atic schapoj sc'op soc, la stsobic te jchahpanwanejetic soc spisil te mamaletic yu'un Israel, la sticonic ta iq'uel loq'uel tal ta cárcel te jpuc-c'opetique.

1 Samuel 19:11

Te Saúl la sticon bahel winiquetic ta yilel ta sna te David yu'un ya smilic ta sab. Pero te Mical te yihnam, la yalbe te David: Teme ma ba yac acoltay aba ta ahc'abal ini, pajel lajematix a, xchi.

Jueces 16:2

Hich halbotic te mach'atic ayic ta Gaza: Hulemix li'i te Sansón, xchihic. Hich la sjoytayic te lugar soc la smacliyic ta yochibal te pueblo ta sjunal ahc'abal. Ma ba c'opojic sjunal ahc'abal, yu'un la yalic: C'alal ya sacub q'uinal ya me jmiltic, xchihic.

Salmos 31:13

Ya ca'iybe te swulwulc'opic tsobolic; ya sjoytayon xiwel, ya schap sc'opic yu'un scontrahimbelonic, soc ya snopic te ya smilonique.

Salmos 71:10

como te jcontratac ya xc'opojic ta jcontra, te mach'atic ya sc'an ya smilonic junax ya schap sc'opic.

San Lucas 13:1

Ha yorahil a te ay mach'atic tey ayic a te la yalbeyic Jesús sc'oblal te galileohetic te capbot yu'un Pilato te sch'ich'elic soc sch'ich'el te milbil smahtan Dios yu'unique.