San Mateo 26:72 - Bible in Tzeltal Bachajón

⁷² Pero la scha'muc ta yo'tan, jc'axel la yal ta jamal: ¡Ma jna'be sba te winique! xchi.

Nuevo Testamento Tzeltal de Amatenango

⁷² Te jPedroe la smuk xan ta yoꞌtan sok la yakꞌ ta testigo te Diose: —Yilojon Dios te ma jnaꞌbe sba te winik ya awale —xyut.

Bible in Tzeltal de Oxchuc y Tenejapa

⁷² Te Pedro la smuc xan ta yo'tan, soc la yac' ta testigo te Diose: —Yilojon Dios te ma jna'bey sba te winic ya awale —la yut.

San Mateo 26:72 Referans Kwoze

San Lucas 22:34

Halbot yu'un te Jesús: Pedro, ya calbat te ma to x'oc' mut yo'tic a te yac awal oxeb buelta te ma ba yac ana'bon jba, xchi sc'oblal.

San Mateo 26:74

Te Pedro hich hahch yalbe chopol sc'oblal soc ta yalel ta jamal: ¡Ma jna'be sba te winique! xchi. Hich ora oc' te tat mute.

Malaquías 3:5

Ya xtalon ta atojolic scuenta chahpanwanej; ora nax ya jcontrahin ta testigo-c'op te j'ac'-chameletic, te j'antsiwejetic, te mach'atic ya yalic ta jamal ta lot, te mach'atic ma ts'acaluc ya ya'be stojol ya'tel, te ya ya'beyic swocol te me'ba' antsetic soc te me'ba' alaletic, te mach'atic ma stojiluc bin ya spasbe te jyanlumetic, soc te mach'atic ma ba ya xi'onic, xchi te Jehová te scuentahinej spisil.

Zacarías 8:17

Ma me ayuc mach'a ya snop ta yo'tan te bin chopol ta scontrahinel te spat-xuhc, ma me xamulanic yalel ta jamal lot, como ya jp'aj spisil ini, xchi te Jehová.

Isaías 48:1

A'iya awa'iyic ini, ha'ex yu'unex Jacob, te abihilinej Israel, te ha sts'umbalex Judá, te ay bintic yac awalic ta jamal ta scuenta sbihil Jehová, soc te yac ac'oponic te Dios yu'un Israel, pero ma ba smelelil soc ma stojiluc.

Éxodo 20:7

Ma me xatojoltabe ta halel sbihil te Jehová te Dios awu'un, como te Jehová ma ba ya yal te mayuc smul te mach'a ya stojoltabe ta halel te sbihile.

San Mateo 26:71

Yac ta loq'uel ta ti'nahil a te Pedro, ilot yu'un yan criada, hich la yalbe te yantic tey ayic a: Ha nix te sjoquinej te Jesús talem ta Nazaret, xchi.

San Mateo 26:73

Jts'ihn to nax, te mach'atic tey ayic a nohpojic ta stojol, la yalbeyic te Pedro: Smelelil te ha'at nix amohlol, como chican ta ac'op, la yutic.