San Mateo 26:70 - Bible in Tzeltal Bachajón

⁷⁰ Pero te Pedro la smuc ta yo'tan ta stojol spisilic, hich la yal: Ma jna' bin yac awalbel, xchi.

Nuevo Testamento Tzeltal de Amatenango

⁷⁰ Te jPedroe la smuk ta yoꞌtan ta sit te yanetik, y la yal: —Ma jnaꞌ tut a te ya awalbone —xchi.

Bible in Tzeltal de Oxchuc y Tenejapa

⁷⁰ Te Pedro la smuc ta yo'tan ta stojolic: —Ma jna' te bila ya awalbone —xi'.

San Mateo 26:70 Referans Kwoze

1 Corintios 10:12

Ha yu'un te mach'a ya scuy te ay yip ta tec'lej, ac'a stsahtay sba te ma ba ya xyahle.

Apocalipsis 21:8

Yan te mach'atic ay xiwel ta yo'tanic, te ma sch'uhunic, te chopolic, jmilawetic, j'antsiwejetic, j'antsineletic, j'ilojeletic, mach'atic sch'uhunejic loc'ombahetic soc spisil jlotetic ha yu'unic ya xc'oht te banti yac ta tihlel pamal c'ahc' soc azufre. Ha te schebal buelta lajel abi, xchi te Diose.

Romanos 11:20

Hich nix a; jepbotic loq'uel ta scaj te ma ba la sch'uhunic; yan te ha'ate ta scuenta sch'uhunel awo'tan te teq'uelate. Ma me xatoy abahic, xiwuc me awo'tanic,

San Mateo 26:58

Pero te Pedro namts'ac st'unoj bahel te Jesús c'alal ta amac' ta sna te muc'ul sacerdote; och shuhcan sba soc te jcananetic, yu'un yo'tan ya yil bin ut'il ya xc'oht ta loq'uel.

San Mateo 26:56

Pero ya xc'oht spisil ini scuenta yu'un ya xc'oht ta pasel te bin ts'ihbabil hilel yu'un te jalwanejetique, xchi. Hich spisil te jnopojeletic la yihquitayic, loq'uic ta ahnel.

San Mateo 26:51

Pero ay jtuhl te sjoquinej Jesús, la sloq'ues te espada yu'un, la yehchentes a te jtuhl ya'bat te muc'ul sacerdote, la sbojbe loq'uel schiquin.

Jeremías 17:9

Mero jlo'loywanej te o'tanile, c'ax hich a te bin ut'il spisil bintic ay. C'ax chopol, ¿mach'a ya xhu' ya sna'be sba?

Isaías 57:11

¿Mach'a yac axi', mach'a la xiwtesat, te la alo'loyon, te ma ba la ana'on, ni ma ba tal ta awo'tan? ¿Ma bal ha'uc yu'un te ch'abon ta namey tal, te hich ma ba axi'ojon?

Proverbios 29:25

Te xiwel ta stojol ants-winiquetic, ha yaquil c'ohem, yan te mach'a ha smuc'ulinej yo'tan te Jehová, canantaybil stuquel.

Proverbios 29:23

Ya xpehc'anot yu'un stoybahil te winique, yan te mach'a peq'uel yac'oj sba ya me x'ich'ot ta muc'.

Proverbios 28:26

Ha sonso te mach'a ya smuc'ulin sba yo'tan, yan te mach'a ya xbehen ta sbehlal p'ijil-o'tanil libre ya xc'oht yu'un.

San Mateo 26:69

Te Pedro hucul ta amac' a, nohpoj tal jtuhl criada, hich la yalbe: Ha'at nix ajoquinej te Jesús talem ta Galilea, xchi.

San Mateo 26:71

Yac ta loq'uel ta ti'nahil a te Pedro, ilot yu'un yan criada, hich la yalbe te yantic tey ayic a: Ha nix te sjoquinej te Jesús talem ta Nazaret, xchi.

San Lucas 22:57

Pero te Pedro la smuc ta yo'tan, hich la yal: Ants, ma jna'be sba, xchi.