San Mateo 26:64 - Bible in Tzeltal Bachajón

⁶⁴ La sjac' te Jesús: Ha'at nix la awal. Soc ya calbeyex te ta patil ya me awilic te Nich'anil ay ta scuenta winic hucul ta swa'el-c'ab te Dios te ay yu'el soc yac ta talel ta stocalil ch'ulchan, xchi.

Nuevo Testamento Tzeltal de Amatenango

⁶⁴ La sjakꞌ te Jesuse: —Joꞌon abi, jich te tut ya awale. Y joꞌon ya kalbeyex: Ya me awilik te Nichꞌanile, nakal ta sbatsꞌil kꞌab te Dios te spisil ya xjuꞌ yuꞌune, sok te ya xtal ta stokalul chꞌulchan —xchi.

Bible in Tzeltal de Oxchuc y Tenejapa

⁶⁴ La sjac' te Jesuse: —Jich te bit'il la awale. Soc ya calbat, ta ora bael to ya me awil te Nich'anil nacal ta swa'el sc'ab Dios te ay yu'ele, soc te ya xtal ta tocal ta sjamalul ch'ulchan —xi'.

San Mateo 26:64 Referans Kwoze

Daniel 7:13

La jquil ta nahalsitil ta ahc'abal, ay mach'a yac ta talel ta tocal, pajal soc jtuhl snich'an winic; tal ta banti ay te Mamale, ac'ot te ya xnohpoj bahel ta stojol.

San Marcos 14:62

Ho'on, xchi te Jesús. Soc ya me awilic te Nich'anil ay ta scuenta winic hucul ta swa'el-c'ab te Dios te ay yu'el, soc yac ta talel ta stocalil ch'ulchan, xchi.

Salmos 110:1

Te Jehová hich la yalbe te Cajwal: Huclan ta jwa'el-c'ab ha to c'alal ya ca'bat scuenta scajtajib awoc te acontratac, xchi.

Hebreos 1:3

Ha sts'anabul yutsilal te Diose, ha mero slop'tayej sba a, soc spisil bintic ay ipajem ta scuenta yu'el te sc'ope. Te c'alal hu' yu'un stup'belotic stuquel te jmultic, la shuhcan sba ta swa'el-c'ab te Mach'a c'ax bayel yutsilal ta toyol,

Apocalipsis 1:7

¡Ilawil! yac ta talel ta tocal; spisilic ya me yilic, soc nix te mach'atic la slowique; soc spisil ta chahp ants-winiquetic ta bahlumilal ya me yoq'uetay sbahic ta scuenta. Lec ay. Hichuc.

Hebreos 12:2

ac'a jt'ojan jsitic ta Jesús, te mach'a la shach soc te ya shu'tes te sch'uhunel co'tantic, ha te mach'a la sc'ases swocol ta cruz yu'un la sna' te ya sta bayel yutsil yo'tan ta patil, mayuc sc'oblal ta yo'tan te q'uexlal yu'une, soc la shuhcan sba ta swa'el te smuc'ul huctajib te Diose.

San Lucas 21:27

Ta hich ora ya me yilic te Nich'anil ay ta scuenta winic te yac ta talel ta tocal soc yu'el soc yutsilal.

San Mateo 24:30

Tey ora ya xchicnaj tal ta ch'ulchan a te seña yu'un te Nich'anil ay ta scuenta winic, hich ya xhahch smel yo'tanic spisil te jaychahp mach'atic ayic ta bahlumilal, ya me yilic te Nich'anil ay ta scuenta winic te yac ta talel ta stocalil ch'ulchan soc yu'el soc bayel yutsilal.

San Mateo 26:25

La sjac' te Judas, te mach'a ya x'ac'awan ta c'abal: ¿Ho'on bal, Maestro? xchi. Ha'at nix la awal, xchi sc'oblal.

San Mateo 25:31

C'alal ya xtal soc yutsilal te Nich'anil ay ta scuenta winic soc spisil te ch'ul a'batetic, ya shuhcan sba ta smuc'ul-huctajib ta utsilal,

San Mateo 16:27

como te Nich'anil ay ta scuenta winic ya xtal soc yutsilal te Stat, sjoquinej te ch'ul a'batetic yu'un, hich ya yac'ticlambe stojol sc'ab jujutuhl, ha chican bin yilel ya'telic.

Apocalipsis 20:11

La jquil muc'ul saquil huctajibal soc te mach'a hucul tey a; ahn bahel te ch'ulchan soc bahlumilal ta stojol, ma ba weht banti ya x'ayinic.

1 Tesalonicenses 4:16

Ha nix te Cajwaltic ya xco talel ta ch'ulchan ta scuenta tulan aw ta mandar, soc sc'op jtsobaw ch'ul a'bat, soc te oq'uel yu'un te corneta yu'un Dios. Ha nahil ya xcha'cuxajic tal te mach'atic chamenic te ayic ta scuenta Cristo.

Hechos 1:11

hich la yalic: Winiquetic yu'un Galilea, ¿bin yu'un yac awilbelic te ch'ulchan? Te Jesús te ic'otix bahel ta ch'ulchan la awilique, ha nix hich ya xcha'tal xan te bin ut'il la awilic baht ta ch'ulchan, xchihic.

San Juan 18:37

La yal te Pilato: ¿Melel bal hiche te ajwalilat? xchi. La sjac' te Jesús: Ha'at nix yac awal te ajwalilon. Ha scuentahil te ayinon soc ha scuentahil te talon ta bahlumilal, yu'un ya cal ta jamal te smelelil c'ope. Spisil te mach'atic ayic ta scuenta te smelelil c'op, ya ya'iybonic jc'op, xchi.

San Lucas 22:70

Hich la yalic spisilic: ¿Ha'at bal Snich'anat te Diose? xchihic. Ha'ex nix yac awalic te ho'one, xchi.

San Mateo 27:11

Teq'uel ta stojol gobernador te Jesús, hich joc'obot yu'un: ¿Ha'at bal te Ajwalilat yu'un te judíohetique? xchi sc'oblal. Ha'at nix yac awal, xchi te Jesús.

Romanos 14:10

Pero te ha'ate ¿bin yu'un yac awalbe smul te awermano? Ha nix hichat, ¿bin yu'un yac ap'aj te awermano? como jpisiltic ya xc'ohotic ta ich'el ta c'op ta stojol te chapajibal yu'un Cristo.

Isaías 19:1

Ha te bin halbot sc'oblal te Egipto: Ilawil te Jehová mohem ta sba tocal te ya x'ahnimaj bahel, ya x'och bahel ta Egipto. Te loc'ombahetic yu'un Egipto ya xnihquic ta stojol, soc xcham yo'tanic te egipciohetique.

San Mateo 8:20

Pero la yal te Jesús: Te waxetic ay sch'enic, soc ay spechechic te ha'mal mutetique, yan te Nich'anil ay ta scuenta winic ma xweht ta banti ya smehtsan sba stuquel, xchi.

San Mateo 16:28

Jamal ya calbeyex te ay mach'atic li' ayic ta ora ini te ma ba chamenic a te ya me yilic yac ta talel te Nich'anil ay ta scuenta winic ta banti te cuentahinel yu'une, xchi.

San Mateo 22:44

Te Cajwaltic Dios hich la yalbe te Cajwal: Huclan ta jwa'el-c'ab ha to c'alal ya cac' ta ye'tal awoc te acontratac, xchi?

San Mateo 28:18

Nohpoj tal te Jesús, hich la yalbe: A'botonix quich' tulan ca'tel ta ch'ulchan soc ta bahlumilal.

San Lucas 22:69

Pero yo'tic te Nich'anil ay ta scuenta winic ya xbaht shuhcan sba ta swa'el-c'ab te Dios te spisil ya xhu' yu'un, xchi.