San Mateo 26:5 - Bible in Tzeltal Bachajón

⁵ Pero la yalic: Ma ha'uc ta yorahil te q'uin, scuenta yu'un ma ba ya xhahch c'op yu'un ta pueblo, xchihic.

Nuevo Testamento Tzeltal de Amatenango

⁵ Pero la yalik: —Ma me jaꞌuk ya jtsaktik a ta skꞌaalel te kꞌine, yuꞌun me jich makꞌ xlijk kꞌop yuꞌun a te jtejklume —xchiik.

Bible in Tzeltal de Oxchuc y Tenejapa

⁵ Ja'uc me to, la yalic: —Ma me jtsactic ta yorail te q'uine, swenta yu'un ma xjajch'esic c'op te lume —xiic.

San Mateo 26:5 Referans Kwoze

San Mateo 27:24

C'alal la yil te Pilato te mayuc bin ya xchapaj, te yac ta behbe tohyel sc'opic, la yich' tal ha', la spoc sc'ab ta stojol te ants-winiquetic, hich la yal: Te ho'one ma ba ya jmulimbe sch'ich'el te winic ini. Ila me abahic atuquelic, xchi.

San Mateo 21:26

Teme ya caltic: Talem ta stojol ants-winic, teme xchihotic, ya jxi'tic te jlumaltic, como spisil sch'uhunejic te ha jalwanej te Juan, xchihic.

San Mateo 14:5

Te Herodes ya c'an yac' ta milel te Juan, pero ha xi'oj te pueblo, como sch'uhunejic te ha jalwanej te Juan.

San Marcos 14:27

Hich halbotic yu'un te Jesús: Yo'tic ta ahc'abal ya xpehc'aj awo'tanic ta jtojol ta apisilic, como hich ts'ihbabil hilel: Ya quehchentes te jcanan-tuminchij, ya xpuhquic bahel ta ahnel te tuminchijetique, xchi.

San Marcos 14:12

Ta sba c'ahc'alil te Q'uin yu'un Pan te ma ba yich'oj levadura, te c'alal ya smilic te jcolel tuminchij scuenta Pascua, te jnopojeletic la sjoc'obeyic te Jesús: ¿Banti yac ac'an te ya jchahpancotic te we'elil scuenta Q'uin Pascua? xchihic.

San Marcos 14:2

Hich la yalic: Ma ha'uc ta yorahil q'uin, scuenta yu'un ma ba ya xhahch bayel c'op yu'un a te pueblo, xchihic.

Isaías 46:10

Ya calbe sc'oblal te shahchibal c'alal ta slajibal, c'alal ta namey, te bin ma to ba c'ohem ta pasel; hich ya cal: Ya xc'oht ta pasel te bintic jnopoj, ya jpas spisil te bintic ya sc'an co'tan.

Proverbios 21:30

Mayuc p'ijil-o'tanil, snopojibal, o j'ac'-o'tanil te ya xhu' ya scontrahin te Jehová.

Proverbios 19:21

Bayel bintic ya schap ta yo'tan te winique, pero ha ya xc'oht ta pasel te bintic schapoj te Jehová.

Hechos 4:28

ta spasel te bin nahil chapal awu'un ta scuenta awu'el soc ta scuenta sc'anojel awo'tan te hich ya xc'oht ta pasel.

San Juan 18:28

La yiq'uic loq'uel ta sna Caifás te Jesús, la yiq'uic bahel ta pretorio. Yac ta sacubel q'uinal a, pero ma ba ochic bahel ta palacio scuenta yu'un ma ba ya sbohlobtes sc'oblalic, scuenta yu'un hich ya xhu' ya swe'ic a te Pascua.

San Lucas 22:7

La sta yorahil te Q'uin yu'un Pan ma ba yich'oj levadura, te ha yorahil ya sc'an ya yich' milel a te jcolel tuminchij scuenta Pascua.

Lamentaciones 3:37

¿Mach'a ya xhu' ya yal te ay bin ya xc'oht ta pasel teme ma hichuc yaloj ta mandar te Jehová?

Salmos 76:10

Melel te yilimba winic ya sutp'ij ta yutsil ac'oblal; ha'at yac acom te mach'atic cuxul ya xhilic yu'un awilimba.

San Lucas 20:6

soc teme ya caltic: Scuenta ants-winiquetic, teme xchihotic, ya me sch'ojotic ta ton spisil te pueblo, como sch'uhunejic te ha jalwanej te Juan, xchihic.

Hechos 19:29

Spisil te pueblo sts'otetic hahchel ta c'op, ta junax la sten ochel sbahic ta teatro, snitojic ochel te Gayo soc Aristarco, te mach'atic talemic ta Macedonia te sjoquinejic te Pablo.

Hechos 21:38

¿Ma bal ha'ucat te egipcio-winic te la ahach bayel c'op ayix c'ahc'al, te la awic' bahel ta jochol taquin q'uinal lajunbahc' (4,000) jmilawetic? xchi.