San Mateo 26:39 - Bible in Tzeltal Bachajón

³⁹ Jihts xan bahel stuquel, c'oht spahcan sba ta lum ta sc'oponel Dios, hich la yal: Jtat, ayuc bin ut'il ma ba ya cuch' te copa ini; pero ma me ha'uc ya xc'oht ta pasel te bin ya sc'an co'tan, ha me ac'a c'ohtuc ta pasel te bin ya sc'an awo'tan te ha'ate, xchi.

Nuevo Testamento Tzeltal de Amatenango

³⁹ Been xan bael chꞌinuk te Jesuse. La skejan sba y la stsꞌinan sba koel ta lum sok la skꞌopon Dios. Jich a yal: —Tat, te yauk xjuꞌ te makꞌ xkꞌot ta jkuenta te wokol to, pero ma me jaꞌuk ya xkꞌot te tut ya skꞌan koꞌtane. Jaꞌ me a kꞌotuk te tut ya skꞌan awoꞌtan atukele —xchi.

Bible in Tzeltal de Oxchuc y Tenejapa

³⁹ Been xan bael jtebuc te Jesuse. Tey la stinan sba coel c'alal ta lum ta sc'oponel te Diose. Jich la yal: —Jtat, te yacuc xju' te ma xc'ot ta jwenta in woclajel to, ja'uc me to, ma me ja'uc ya jpas te sc'anjel co'tane. Ja' ac'a pasuc te bila ya sc'an awo'tan atuquele —xi'.

San Mateo 26:39 Referans Kwoze

San Juan 6:38

Como cohemon tal ta ch'ulchan, ma ha'uc yu'un te ya jpas te bin ya sc'an co'tan, pero yu'un ya jpas te bin ya sc'an yo'tan stuquel te mach'a la sticonon tale.

Filipenses 2:8

Te c'alal hich ay te bin ut'il winic, la to xan spehc'an sba a, la sch'uhun mandar c'alal ta lajel, ha te lajel ta cruz.

San Mateo 26:42

Cha'baht xan ta sc'oponel Dios scuenta schebal buelta, hich la yal: Jtat, teme ma spas te ya xc'ax bahel ta jtojol te copa ini, teme ya sc'an ya cuch', hichuc, ac'a c'ohtuc ta pasel te bin ya sc'an awo'tan, xchi.

Hebreos 5:7

Te c'alal ay ta bahlumilal ta scuxlejal a te Cristo, tulan awon soc oc' ta sc'oponel te Mach'a ya xhu' ya x'ac'to ta libre yu'un lajel, soc a'iybot sc'op ta scaj te peq'uel la yac' sba.

San Juan 5:30

Mayuc bin ya xhu' ya jpas ta jtuquel-o'tan nax; te bin ya ca'iy, hich ya jchahpan; soc toj ya ca'iy chahpanwanej, como ma ha'uc ya jle binti ya sc'an co'tan, ha ya jle te binti ya sc'an yo'tan te Jtat te sticonejon tale.

San Juan 14:31

pero ya jpas te bin la spason tal ta mandar te Tatil scuenta yu'un ya sna'ic te mach'atic ayic ta bahlumilal te c'ux ta co'tan te Tatile. Hahchanic, ya xbohotiquix.

San Juan 18:11

Jesús la yalbe te Pedro: Otsesa ta sna te espada awu'un. Te copa te la ya'bon cuch' te Tatil, ¿ma bal yacuc cuch'? xchi.

San Juan 11:41

Hich la sloq'uesic te ton ta banti yac'ojic hilel te chamen winique. Te Jesús la shach mohel sit ta toyol, hich la yal: Jtat, wocol awal te la awa'iybon te jc'ope.

San Mateo 20:22

La sjac' te Jesús: Ma xana'ic bin yac ac'ambelic. ¿Ya bal xhu' awu'unic yuch'el te vaso te ho'on ya xbaht cuch', soc ya bal xcuhch awu'unic teme hich ya xc'oht ta acuentahic te bin ya xc'oht ta jcuenta te ho'one? xchi sc'oblalic. Yac, ya xhu' cu'uncotic, xchihic.

Números 16:22

Pero te Moisés soc Aarón la spahcan sbahic c'alal ta lum, hich la yalic: ¡Diosat, Diosat yu'un te scuxlejal spisil ch'ich'-baq'uet! ¿ma bal jtuhluc nax winic te la sta smul? ¿Bin yu'un ilinat ta stojol spisil te pueblo? xchihic.

San Mateo 24:24

Como ya xchicnaj hahchel lotil cristohetic soc lotil jalwanejetic soc ya spasic muc' señahiletic soc jchahp a'teliletic yu'un ya slo'loyic te mach'a tsahbilic, te yacuc xhu' yu'unique.

Ezequiel 1:28

Hich te bin ut'il xojob te ay ta tocal te c'alal ay ha'al, hich yilel te sts'anabul ta sjoyobal. Hich yilel te nahalsitil yu'un te bin yilel te yutsilal te Jehová. Te c'alal la jquil, la jpahcan jba c'alal ta lum, soc la jca'iybe sc'op te mach'a c'opoje.

2 Samuel 15:26

Yan teme ya yalbon: Ma lecucat ta co'tan, teme xchihe, li' ayoni, ac'a spasbon te bin lec ya ya'iy, xchi.

Números 14:5

Te Moisés soc Aarón la spahcan sbahic c'alal ta lum ta stojol spisil te pueblo yu'un te snich'nab Israel.

Apocalipsis 19:10

La jpahcan jba ta ye'tal yoc yu'un ya jch'uhuntay, pero la yalbon: ¡Ma me hichuc xapas! Pajal ayotic ta a'batinel soc nix te awermanotac te ay ta yo'tanic te testigo-c'op yu'un te Jesús. Ch'uhuntaya te Diose, xchi. (Te testigo-c'op yu'un Jesús ha te espíritu yu'un te sc'op-jalwanej.)

1 Crónicas 21:16

Te David la yil te ch'ul a'bat yu'un Jehová te ay ta po'tal ch'ulchan, stsacoj espada ta sc'ab, shachoj ta stojol Jerusalén. Ha yu'un te David soc te mamaletic la snijan sbahic c'alal ta lum, slapojic ch'ixal pac' a.

Génesis 17:3

Ha yu'un te Abram la spahcan sba la ya'be sta lum te yelaw, c'oponot yu'un Dios, hich halbot:

Hechos 10:25

C'alal och ta na te Pedro, tal ta tahel yu'un te Cornelio, la squejan sba ta ye'tal yoc ta yich'el ta muc'.

San Lucas 17:16

tal spahcan sba c'alal lum ta ye'tal yoc Jesús ta yalbeyel wocol yu'un. Ha samaritano-winic.

San Marcos 13:22

Como ya me xchicnaj lotil cristohetic soc lotil jalwanejetic te ya yaq'uic ta ilel señahiletic soc jchahp a'teliletic yu'un ha ya slo'loyic a te mach'atic tsahbilic, te yacuc xhu' yu'unique.

Isaías 50:5

Te Cajwaltic Jehová la sjambon jchiquin, ma ba la jtoy jba, ma ba suhton ta jpat.

Isaías 53:12

Ha yu'un ya cac' te ya sjoquin te mach'atic ich'bilic ta muc', soc pajal ya spucticlan bintic pojbil soc te mach'atic ay yipic, como ha la yac' scuxlejal ta lajel, soc ahtaybil c'oht soc te jmulawiletic, como la scuchbe smul tsobolic, soc c'opoj yu'un te jc'axun-mandaretique.

San Juan 5:19

La sjac' te Jesús: Tulan sc'oblal ya calbeyex, mayuc bin ya xhu' ya spas ta stuquel-o'tan nax te Nich'anil, ha nax te bin ya yil yac spasbel te State. Como spisil te bin ya spas te Tatil, ha nix hich ya spas te Nich'anil,