San Mateo 26:27 - Bible in Tzeltal Bachajón

²⁷ Soc la stsac te copa, la yalbe wocol Dios yu'un soc la yac'ticlambe, hich la yal: Uch'anic ta apisilic;

Nuevo Testamento Tzeltal de Amatenango

²⁷ Sok la stsak ta skꞌab te basoe, sok la yalbe kolayal Dios yuꞌun te yaꞌlel ubae. Y la yaꞌbe xchol sbaik a. Jich a yal: —Uchꞌaik apisilik te tut ay ta basoe.

Bible in Tzeltal de Oxchuc y Tenejapa

²⁷ Soc la stsac te vasoe. La yalbey wocol Dios yu'un, la yac'bey te jnopojeletique. Jich la yalbey: —Melaic ta uch'el ta apisilic.

San Mateo 26:27 Referans Kwoze

1 Corintios 10:16

Te copa yu'un bendición te ya calbe wocol Dios yu'un, c'alal ya cuch'tic ¿ma bal ha'uc jun co'tan ya xc'ohotic soc a te sch'ich'el Cristo? Soc te pan ya jxet'tic, ¿ma bal ha'uc jun co'tan ya xc'ohotic soc a te sbaq'uetal Cristo?

Isaías 25:6

Ta wits ini te Jehová te scuentahinej spisil ya me schahpambe bayel lequil we'elil yu'un spisil te nacionetic, bayel lequil vino, tsahbil lequil ti'bal soc tsahbil lequil vinohetic.

1 Corintios 11:28

Ha yu'un nahil ac'a stsahtay yo'tan ta tuhlutuhl, hich yac awe'ic a te pan soc yac awuch' a te bin ay ta copa.

San Lucas 22:20

Ha nix hich te c'alal laj yo'tanic ta we'el, la stsac te copa, hich la yal: Te copa ini ha te yach'il chapbil-c'op ta scuenta jch'ich'el te ya yich' malel ta acuentahic.

Isaías 55:1

¡Ha'ex te taquin awo'tanic, la'ic, la'ic ta banti ay te ha'e; ha'ex te mayuc ataq'uinic, la'ic, manahic soc we'anic! ¡La'ic, ma ta taq'uinuc yac amanic, mayuc stojol te vino soc te leche!

Cantares 7:9

te apa'jaj pajaluc soc lequil vino te ya xc'oht ta stojol te mach'a c'ux ta co'tan soc c'un ya xmahl bahel ta sti'il ye te mamaletique.

Cantares 5:1

Talemon ta ts'umbil q'uinal cu'un, quihts'inat, jlecolat; La jtsobix te mirra soc te perfumehetic cu'un, la jlo'ix te chab soc te schabec'al, la jcuch'ix te vino soc te leche cu'un. We'anic, ha'ex te jun co'tan jbahtic soc, uch'anic ta ban c'alal yac ac'anic.

Salmos 116:13

Ya jtoy mohel te copa yu'un colel soc ya jc'opon ta sbihil Jehová.

San Mateo 15:36

La stsac te hucpehch pan soc te chayetic, la yalbe wocol Dios yu'un, la xet'ticlan soc la yac'ticlambe te jnopojeletic yu'un; te jnopojeletic la spucticlambeyic te ants-winiquetique.

San Mateo 26:26

Te c'alal yacalic ta we'el a, te Jesús la stsac te pan, la ya'be bendición, la xet' soc la spucticlambe te jnopojeletic yu'une, hich la yal: Tsaca, we'anic; ha jbaq'uetal ini, xchi.

San Mateo 26:28

ha jch'ich'el ini yu'un te yach'il chapbil-c'op, te ha ya yich' malel scuenta tsobolic yu'un sch'ayojibal mulil.