San Mateo 26:21 - Bible in Tzeltal Bachajón

²¹ Te c'alal yacalic ta we'el a, hich la yal: Jamal ya calbeyex te ay jtuhlex te yac awac'on ta c'abal, xchi.

Nuevo Testamento Tzeltal de Amatenango

²¹ Yipalik ta weꞌel a, te Jesus lijk yaltalanbe: —Jamal ya kalbeyex, ay jtul te jaꞌexe te ya yakꞌon entregale —xchi.

Bible in Tzeltal de Oxchuc y Tenejapa

²¹ Yacalic ta we'el a te jich caj yal te Jesuse: —Jamal ya calbeyex, te ay jtulex te ya yac'on ta c'abale —xi'.

San Mateo 26:21 Referans Kwoze

San Juan 13:21

C'alal laj yalbel a, bayel la spich' sba yo'tan te Jesús, hich la yal: Tulan sc'oblal ya calbeyex, ay jtuhlex te ya yac'on ta c'abal, xchi.

Hebreos 4:13

Mayuc bin pasbil te ma ba ya x'ilot yu'un Dios; spisil jamal chican ta ilel ta sit te Mach'a ya xc'ohotic ta pasbeyel cuenta yu'une.

Apocalipsis 2:23

Ya cac' lajuc te yalatac, hich spisil te iglesiahetic ya me sna'ic te ho'on ya jtsahtay te snopojibal yu'unic soc te bin ay ta yo'tanic. Ho'on ya ca'beyex jujutuhl ha chican bin yilel te awa'telique.

San Mateo 26:2

Ana'ojic te cha'bejix ay te Q'uin Pascua, soc ya x'ac'otix ta c'abal te Nich'anil ay ta scuenta winic yu'un ya yich'ix milel ta cruz, xchi.

San Mateo 26:22

Bayel la smel yo'tanic yu'un, jujutuhl hahch sjoc'obeyic: ¿Ho'on bal, Cajwal? xchihic.

San Juan 13:18

Ma apisilicuc te hich ya calbeyex ac'oblalic; jna'oj mach'atic te tsahbilix cu'un. Pero ya sc'an te hich ya xc'oht ta pasel te bin ts'ihbabil ta Shun Dios: Te mach'a pajal ya xwe'on soc, la spason ta jcontra, te xchihe.

San Juan 13:22

Te jnopojeletic talel c'axel la yilbe sba sitic yu'un, ma ba la sna'ic mach'a a te la yalbe sc'oblal.