San Mateo 26:13 - Bible in Tzeltal Bachajón

¹³ Jamal ya calbeyex, ta bayuc ya yich' halel ta swohlol bahlumilal te lec yach'il c'op, ya me yich' halel te bin la spasbon ha'i ants ini scuenta sna'ojibal, xchi sc'oblal.

Nuevo Testamento Tzeltal de Amatenango

¹³ Jamal ya kalbeyex, ta bayuk ta spisil balmilal te ba ya yichꞌ alel te lekil achꞌ kꞌope, te me ya xꞌalot ekꞌa te tuti spasbon te ants to. Jich me ya xnaꞌot yuꞌun te genteetike —xchi te Jesuse.

Bible in Tzeltal de Oxchuc y Tenejapa

¹³ Jamal ya calbeyex, ta bayuc ta spamal balumilal ta banti ya yich' cholel te lec yach'il c'ope, tey me ya yich' alel sc'oplal a te bila la spas in ants to, swenta yu'un jich me ya xna'ot yu'un spisil te ants-winiquetique —xi' te Jesuse.

San Mateo 26:13 Referans Kwoze

San Marcos 14:9

Jamal ya calbeyex, ta bayuc ya yich' halel te lec yach'il c'op ini, ta swohlol bahlumilal, tey nix ya yich' halel a te bin la spasbon ha'i ants ini scuenta sna'ojibal te antse, xchi.

San Mateo 24:14

Ya me xpuhc ta halel ta swohlol bahlumilal sc'oblal te lec yach'il c'op yu'un te cuentahinel yu'un Dios, scuenta testigo-c'op ta stojol spisil nacionetic, ha to me ya xtal a te slajibal c'ahc'ale.

Salmos 112:6

Hich mayuc bin ora ya xyahl; sbahtel q'uinal na'bil sba te mach'a toj yo'tan.

Hebreos 6:10

Ma yu'unuc te ma tojuc yo'tan te Dios, te ya sch'ay ta yo'tan te awa'telic soc te sc'uxul awo'tanic te la awaq'uic ta ilel ta scuenta sbihil, te bin ut'il la awac' abahic ta a'batinel ta stojol te mach'atic ch'uhltesbilic, soc te hich nix yaquex ta spasel c'alal ora.

Isaías 52:9

¡Pajal hahchanic ta aw yu'un yutsil q'uinal, ha'ex te bintic jimbilex yu'un Jerusalén, como te Jehová la smuc'ubtesbe q'uinal ya'iy te pueblo yu'une, la yaq'uix ta libre te Jerusalén!

1 Samuel 2:30

Ha scuentahil te hich ya yal te Jehová te Dios yu'un Israel: Calojix ta jamal te mach'atic ay awu'un soc te mach'atic ay yu'un atat ya me x'a'tejic ta jtojol spisil ora, te xchihe. Pero yo'tic ya yal te Jehová: Mayuc bin ora te hich ya jc'ohtes ta pasel, como ha ya quich' ta muc' te mach'atic ya yich'onic ta muc', yan te mach'atic mayuc jc'oblal ta yo'tanic, mayuc sc'oblal ya xc'oht cu'un.

Apocalipsis 14:6

La jquil yan ch'ul a'bat yac ta wihlel ta po'tal ch'ulchan, yich'oj te lec yach'il c'op scuenta sbahtel q'uinal yu'un ya yalbe ya'iy mach'atic nahinemic ta bahlumilal, spisil nacionetic, ts'umbaliletic, c'opiletic soc pueblohetic.

1 Timoteo 2:6

te la yac' sba ta lajel yu'un smambeyel scolel spisilic, ha te la yich' halel ta testigo c'op te c'alal la sta yorahil.

Colosenses 1:23

Pero ya sc'an te spisil ora ay yip te sch'uhunel awo'tanic, te ma ba ya xhil awu'unic te smuc'ul awo'tanic yu'un te lec yach'il c'op te awa'iyejic, te ha ya yich' halel ta stojol spisilic te ayic ta ye'tal ch'ulchan, te ho'on, Pablohon, quich'oj ca'tel ta yalel.

Colosenses 1:6

te c'ohtix ta atojolique. Ta swohlol bahlumilal yac ta yaq'uel sit te lec yach'il c'op soc yac ta puhquel bahel, hich te bin ut'il ta atojolic te c'alal la awa'iyic soc te la ana'beyic te yutsil yo'tan Dios ta mero melel.

2 Corintios 10:18

Como ma ha'uc lec sc'oblal c'ohem te mach'a ha nix ya yal te lec sc'oblale, ha lec sc'oblal stuquel te mach'a ya xhalbot lec sc'oblal yu'un te Diose.

Romanos 15:19

ta scuenta yip te señahiletic soc jchahp a'teliletic pasbil ta scuenta yu'el te Espíritu yu'un Dios. Hich c'alal Jerusalén soc ta sjoyobal ha to ta sq'uinal Ilírico, spisil la jnojes ta lec yach'il c'op yu'un Cristo.

Romanos 10:18

Pero ya cal: ¿Yu'un bal ma ba la ya'iyic? xchihon. Ya'iyejic ta melel: Puhquem ta spahmal bahlumilal te c'op yu'unic, c'alal ta sti'il bahlumilal c'oht te sc'opique, xchi.

San Lucas 24:47

soc ya me yich' puhquel ta halel ta scuenta sbihil ta spisil nacionetic sc'oblal te suhtesel-o'tanil soc te perdón yu'un mulil, ha ya xhahch bahel ta Jerusalén.

San Marcos 16:15

Hich la yalbe: Bahanic ta swohlol bahlumilal, halbeya ya'iyic spisil ants-winiquetic te lec yach'il c'ope.

San Marcos 13:10

Ya sc'an te nahil ya yich' halel te lec yach'il c'op ta spisil nacionetic.

San Mateo 28:19

Ha yu'un bahanic, otsesahic ta jnopojel spisil te nacionetic, ac'ticlambeyahic yich'ic ha' ta scuenta te Tatil, te Nich'anil soc te Ch'ul Espíritu,

Hechos 10:4

Te Cornelio, la st'ojan sit yilbel, soc xiwel hich la yal: ¿Binti a, Cajwal? xchi. Halbot yu'un: Te sc'oponel Dios awu'un soc te mahtanil taq'uin yac awac', c'ohemix ta stojol Dios scuenta ana'ojibal.