San Mateo 26:10 - Bible in Tzeltal Bachajón

¹⁰ La sna' Jesús te bin ay ta yo'tanic, hich la yalbe: ¿Bin yu'un yac awuts'imbelic te antse? Buen lec bin la spasbon,

Nuevo Testamento Tzeltal de Amatenango

¹⁰ La yaꞌi te Jesuse, jicha yaltalanbe: —¿Tuꞌun ya awalbeyik kꞌop te ants to? Ben tsaꞌam te tuti spasbone.

Bible in Tzeltal de Oxchuc y Tenejapa

¹⁰ La yaiy stojol te Jesuse. Jich la yalbey yaiyic: —¿Bistuc ya awuts'inic te antse? Melel lequil at'elil te bila la spasbone.

San Mateo 26:10 Referans Kwoze

Tito 3:8

Ha stojil c'op ini, soc ya jc'an te tulan sc'oblal yac awa'be sna'ic, scuenta yu'un te mach'atic sch'uhunejic Dios ya me ya'telinic spasel lequil a'teliletic, te ha lec soc te ya xtuhun yu'un te ants-winiquetique.

Hebreos 13:21

ac'a scoltayex ta spasel spisil bintic lec scuenta yu'un yac apasic te bin ya sc'an yo'tan, soc ta scuenta Jesucristo ac'a a'tejuc ta awo'tanic ta spasel te bin lec yo'tan yu'une; ayuc me yutsilal te Cristo scuenta sbahtel q'uinal stuquel. Hichuc.

Tito 3:14

Te mach'atic pajal jch'uhunejtic Dios soc ya sc'an ya snopic spasel lequil a'teliletic ta stojol te mach'atic ay falta yu'unic, scuenta yu'un hich ay scuentahil te scuxlejalique.

Tito 3:1

A'beya xan sna'ic te ac'a yac' sbahic ta cuentahinel yu'un te ajwaliletic soc te mach'atic ay ya'telic, ac'a sch'uhumbeyic smandar, te chapaluc ta spasel spisil lequil a'teliletic.

Tito 2:14

Ha la yac' sba ta lajel cu'untic yu'un la smanotic loq'uel ta stojol spisil bintic chopol soc yu'un ya sch'ultes jun pueblo te yu'un ya xc'oht, te ya yo'tantayic spasel lequil a'teliletic.

Tito 1:16

Ya sna'beyic sba Dios ta sc'opic, pero chican ta ya'telic te ma hichuc, te bin ut'il ihlaybilic, jc'axun-c'opetic, soc ma sna'ic spasel lequil a'telil.

2 Timoteo 2:21

Ha yu'un te mach'a ya spoc sba yu'un te bintic chopol ini, ha ya yich' tuhunel yu'un spasel te bin bayel sc'oblal, ch'ultesbil ya xc'oht, ya xtuhunot yu'un te Cajwaltic soc chapal ta spasel spisil lequil a'telil.

1 Timoteo 5:10

te lec sc'oblal yu'un te lec ya'tel: ha teme ay scoltesej yalatac, teme bayel yutsil yo'tan ya x'otseswan ta sna, teme ay la spocticlambe yoc mach'atic ch'uhltesbilic, teme ay la sc'uxultaylan mach'atic ay swocolic, teme ya'telinej spasel spisil lequil a'teliletic.

1 Timoteo 3:1

Ha mero smelelil c'op ini: Teme ay mach'a yo'tanuc ya yich' ya'tel ta anciano, buen lec a'tel te ya sc'ane.

2 Tesalonicenses 2:17

ac'a ya'beyex yip awo'tanic soc ac'a scoltayex ta spasel soc ta yalel spisil bintic lec.

Colosenses 1:10

Hich ya xhu' ya x'ayinex te bin ut'il ya sc'an te Cajwaltic, te lecuc yo'tan awu'unic spisil, te yac awaq'uic sit ta scuenta spisil lequil a'teliletic soc behbe yac ana'beyic xan sc'oblal te Diose.

Efesios 2:10

Ha ya'telotic te Diose, pasbilotic ta scuenta Cristo Jesús yu'un ya jpastic te lequil a'teliletic te schahpanej ta nahil to te Dios te ya jpastique.

Gálatas 6:17

Ta ora ini soc ta patil, ma me ayuc mach'a ya yuts'inonix, como quich'oj ta jbaq'uetal te marcahetic yu'un Jesús.

Gálatas 5:12

¡Ayuc ya yehchentes sbahic ta c'axel te mach'atic yac sjimbelex awo'tanique!

Gálatas 1:7

Ma yu'unuc te ay yan lec yach'il c'op, ha nax te ay mach'atic ya showiytesex soc ya sc'an ya syanijtesic te lec yach'il c'op yu'un te Cristo.

2 Corintios 9:8

Soc ya xhu' yu'un te Dios te ya yac' p'ohluc spisil ta chahp bendición ta atojolic, scuenta yu'un spisil ora ay bin ay awu'unic te ya xtuhun awu'unic, hich ya xhu' yac apasic spisil lequil a'teliletic.

San Marcos 14:6

Pero la yal te Jesús: Teyuc a. ¿Bistuc yac awuts'inic te antse? Buen lec te bin la spasbone.

Job 13:7

¿Ya bal awalic bin chopol ta scuenta scoltayel te Diose? ¿Ya bal awa'iyic lot ta scuenta?

Nehemías 2:18

Soc la jcalbe te bin ut'il lec ay ta jtojol te sc'ab te Dios cu'un, soc te bin la yalbon te ajwalil. Hich la yalic: Hachucotic ta scha'pasel, xchihic. Hich la yaq'uic fuersa ta spasel.

1 Pedro 2:12

Lecuc me bin yac apasic ta stojol mach'atic ma ba sch'uhunejic Dios, aunque ya yalbeyex ac'oblalic te ha chopol bintic yac apasic, ya me yilbeyex te lec awa'telic, hich ya yalbe yutsil sc'oblal te Dios te bin c'ahc'alil ya xtale.

San Mateo 26:9

como hu' te bayel stojol la yich' chonel soc la yich' a'beyel te pobrehetic te hichuque, xchihic.

San Mateo 26:11

yu'un spisil ora ay ta awohlilic te pobrehetic, yan te ho'one ma spisiluc ora ya joquinex.

San Lucas 8:49

Yac to ta c'op a te Jesús, c'oht jtuhl winic te hahchem tal ta sna te principal yu'un te sinagoga, hich hul yalbe: Chamix te awantsil-nich'ane; ma xawa'beyix swocol te Maestro, xchi c'ohel.