San Mateo 25:8 - Bible in Tzeltal Bachajón

⁸ Te mach'atic mayuc sp'ijilic la yalbeyic te mach'atic ay sp'ijilic: A'botcotic jtebuc aceite awu'unic, como tup'elix te jc'ahc'cotic, xchihic.

Nuevo Testamento Tzeltal de Amatenango

⁸ Te joꞌtul te maꞌyuk spꞌijil yoꞌtanike la yalbeyik te joꞌtul te ay spꞌijil yoꞌtanike: “Aꞌbotik chꞌinuk te apetrolioike yuꞌun ya skꞌan xtupꞌix te jkantiltike”, xchiik.

Bible in Tzeltal de Oxchuc y Tenejapa

⁸ Te jo'tul te ma p'ijuc yo'tanique jich la yalbeyic te jo'tul te p'ij yo'tanique: “Ac'botic jtebuc te awaceiteique, yu'un ma xtil te jc'ajc'tique”, xiic.

San Mateo 25:8 Referans Kwoze

San Lucas 12:35

Chapaluquex me soc tsunuluc me ac'ahq'uic;

Proverbios 13:9

Te sacal q'uinal yu'un te mach'a toj yo'tan ya yac' tse'el-o'tanil, pero ya xtup' te tsumbil c'ahc' yu'un te mach'atic chopolic.

Hebreos 4:1

Ha yu'un, te bin ut'il cuxul to te bin yaloj ta jamal, te ya xhu' ya x'ochotic te banti ay te cux-o'tanil yu'une, ac'a jtsahtay jbahtic te ma me ayuc mach'a ma ba ya sta sc'ohel.

Apocalipsis 3:9

Te mach'atic ta sinagoga yu'un Satanás, te ha judío ta sc'opic, pero ma ha'uc, ya me cac' taluc squejan sbahic ta ye'tal awoc soc ya me sna'ic te c'ux la jca'iyat ta co'tane.

San Lucas 16:24

Ha yu'un hich la yawtay: Jtat Abraham, c'uxultayawon, ticombon tal te Lázaro, ac'a yahts'es tal sni'il yal sc'ab ta ha' yu'un ya sicubtesbon cac' a, yu'un bayel yacon ta wocol ta c'ahc' li'i, xchi ta aw.

San Lucas 8:18

Ha yu'un tsahtaya me abahic bin ut'il yac awa'iyic te c'ope, como spisil te mach'atic ay bin ay yu'unic, ya me x'a'botic xan, pero te mach'atic mayuc bin ay yu'unic, ya me xpojbotic te jteb te scuyoj ay yu'unique, xchi.

San Mateo 3:9

Ma me hichuc xawal ta awo'tanic: Ha jtatcotic te Abraham, ma me xchihuquex, como ya calbeyex, te Dios ya xhu' ya sutp'in ta yal-snich'an Abraham ha'i tonetic ini.

Proverbios 20:20

Te mach'a ya sbohlc'optay sme'stat, ya xtup'bot stsumbil c'ahc' ta yihc'al q'uinal.

Job 21:17

¿Jayeb buelta tup'en sc'ahq'uic te mach'atic chopolic, te ya xtal jinel ta stojolic, te ya x'a'bot swocolic yu'un te yilimba Dios?

Job 18:5

Ya me xtup' te sacal q'uinal yu'un te mach'a chopol yo'tan, ma ba ya xtihlix te c'ahc' yu'une.

Hechos 8:24

La sjac' te Simón: C'opombonic Cajwaltic te manchuc ya xc'oht ta jcuenta te bin la awalique, xchi.

Salmos 49:7

Mayuc mach'a ya xhu' ya scoltay loq'uel ta libre te yermano o te ya ya'be Dios te stojol te ya xloc' ta libre,

San Mateo 25:1

Ta hich ora te cuentahinel yu'un te ch'ulchan ha pajal soc lajuntuhl ach'ixetic te la yich'ic bahel yawil sc'ahq'uic, baht stahic tal te mach'a ya xnuhpun.

San Mateo 25:7

Hich hahch spisil te ach'ixetic, och schahpan yawil sc'ahq'uic.

San Mateo 25:9

Pero te mach'atic ay sp'ijilic hich la sjaq'uic: Scuenta yu'un ma ba ya spasotcotic falta soc ni ha'uquex ya spasex falta, bahan, manahic tal ta banti yac ta chonel, la yutic.