San Mateo 24:7 - Bible in Tzeltal Bachajón

⁷ Ya xhahch scontrahin sbahic nacionetic, soc ya scontrahin sbahic te jujuchahp banti scuentahinejic; ya xtal wi'nal soc nihquel ta bayuc.

Nuevo Testamento Tzeltal de Amatenango

⁷ Porke te jun nasione ya xlijk yut sbaik sok te jun xane. Sok te rey yuꞌun te jujun nasione ya me xlijkik ta guerra. Sok ya mex tal wiꞌnal sok chamel sok tulan jikichab ta yanetik luwar.

Bible in Tzeltal de Oxchuc y Tenejapa

⁷ Melel ya me xjajch' scontroin sbaic te nacionetique, soc te muc' ajwaliletique ya me xjajch' scontroin sbaic ta guerra. Soc ya me xtal bayal wi'nal, soc chamel, soc tulan nijq'uel ta bayuc.

San Mateo 24:7 Referans Kwoze

San Lucas 21:11

ya xtal tulan nihquel, soc ya xtal wi'nal soc tulan chamel ta bayuc; ya xchicnaj te bintic xiweltic sba soc muc' señahiletic ta ch'ulchan.

Apocalipsis 6:8

Hich la jquil ay jcoht c'anal cawu. Te mach'a cajal tey a, Lajel te sbihile, ha t'umbil yu'un te Yawil mach'atic chamenic. A'bot ta scuenta jun ta schanxeht'el te bahlumilal yu'un ya smil ta espada, ta wi'nal, ta tulan chamel soc ta ti'awal chambahlametic.

Isaías 19:2

Ya yal te Jehová: Ya cac' te ya scontrahin sbahic te egipciohetic, jujutuhl ya stsac sbahic soc yermano, jujutuhl soc te spat-xuhc, te pueblohetic ya scontrahinic yan pueblohetic, soc ajwalil ya scontrahin yan ajwalil.

Zacarías 14:13

Ta hich ora ya xchicnaj ta yohlilic bayel xiwel te ticombil yu'un Jehová; jujutuhl ya stsacbe sc'ab te smohlol, soc talel c'axel ya shach sc'abic ta scontrahinel sbahic.

Hechos 11:28

La stehc'an sba te jtuhle, Agabo sbihil, a'bot sna' yu'un te Ch'ul Espíritu te ya xtal bayel wi'nal ta spahmal q'uinal. Ha c'oht ta pasel te c'alal ay ta ajwalil a te Claudio.

2 Crónicas 15:6

Talel c'axel la sjin sbahic te nacionetic soc te pueblohetic, como te Dios la yuts'inlan ta bayel ta chahp wocol.

Apocalipsis 6:12

La jquil c'alal la sjam te swaquebal sello, tal tulan nihquel. Ihc'ub te c'ahc'al hich te bin ut'il ihc'al ch'ixal pac', tsajub te u hich te bin ut'il ch'ich',

Hebreos 12:27

Te bin ut'il la yal: Jun xan buelta, te xchihe, ha ya yal te ya me yich'ic loq'uesel te bintic ya xhu' ta nihquel, ha te bintic pasticlambil, scuenta yu'un ya xhil te bintic ma xhu' ta niquele.

Ezequiel 21:27

¡Jimbilix, jimbilix, jimbilix ya xc'oht cu'un, ma hichuc ya xc'oht ta pasel ha to c'alal ya xtal te mach'a ha nix ay ta scuenta, ho'on ya ca'be ta sc'ab! xchi.

Ezequiel 14:21

Ha yu'un hich yaloj te Jehová, te Ajwalil: ¡C'ax to xan hich a te c'alal ya jticon bahel ta stojol Jerusalén te chaneb castigo te xiweltic sbahic, ha te espada, wi'nal, ti'awal chambahlametic soc jmilawal-chamel, yu'un ya slajinlanic ants-winiquetic soc chambahlametic tey a!

Hechos 2:19

Ya cac' ta ilel muc' jchahp a'teliletic ta sjamalil ch'ulchan, soc señahiletic ta bahlumilal, ch'ich', c'ahc' soc xpaq'uet ch'ahilel;

Isaías 29:6

Te Jehová te scuentahinej spisil ya xtal scontrahinat ta chahwuc, ta nihquel soc tulan xjuyet, ta sutu-ic' soc ic'al ha'al, soc ta yat c'ahc' te ya xlajinwan.

Apocalipsis 6:5

C'alal la sjam te yoxebal sello, la jca'iy te hich la yal te yoxebal bintic cuxajtic: La', xchi. La jquil ay jcoht ihc'al cawu. Te mach'a cajal tey a ay ta sc'ab sp'isojbil yalal.

Apocalipsis 6:6

La jca'iy ay mach'a c'opoj ta yohlil te chaneb bintic cuxajtic, te hich la yal: Jun denario stojol te jun litro trigo, soc jun denario stojol te oxeb litro cebada, pero ma me xawixtalan te aceite soc te vino, xchi.