San Mateo 24:42 - Bible in Tzeltal Bachajón

⁴² Cuxuluc me awo'tanic, como ma na'biluc awu'unic bin ora ya xtal te Ajwalil awu'unique.

Nuevo Testamento Tzeltal de Amatenango

⁴² “Jaꞌ yuꞌun te jaꞌexe, wikꞌa me asitik, yuꞌun ma xꞌanaꞌik tut ora xtalon joꞌon te awajwalonike.

Bible in Tzeltal de Oxchuc y Tenejapa

⁴² “Jich yu'un te ja'exe, wiq'uiluc me asitic, yu'un ma na'biluc awu'unic te bi ora ya xtal te Awajwalique.

San Mateo 24:42 Referans Kwoze

San Lucas 21:36

Ha yu'un wihc'a me asitic, c'oponahic Dios spisil ora scuenta yu'un ma ba ya xc'oht ta acuentahic spisil te bintic ya xc'oht ta pasel, soc yu'un hich ya xhu' yac atehc'an abahic ta stojol te Nich'anil ay ta scuenta winic, xchi te Jesús.

1 Tesalonicenses 5:6

Ha yu'un ma me xwayotic hich te bin ut'il te yantique, wiq'uiluc me jsitic soc p'ijuc me x'ayinotic.

San Mateo 25:13

Ha yu'un cuxuluc me awo'tanic, como ma na'biluc awu'unic bin orahil soc bin c'ahc'alil ya xtal te Nich'anil ay ta scuenta winic.

Apocalipsis 16:15

Ya xtalon hich te bin ut'il j'elec'. Bayel me yutsil te mach'a wiq'uil sit soc te ya scanantay sc'u' spac', scuenta yu'un ma ba watal ya xbehen, te q'uexlaltic sba ya x'ilot, xchi te Cajwaltique.

1 Corintios 16:13

Wihc'a me asitic, ayuc me yip sch'uhunel awo'tanic, pasahic me lec winiquil, ac'ahic me fuersa.

San Mateo 24:36

Pero mayuc mach'a ya sna' bin c'ahc'alil soc bin orahil, ni ha'uc te ch'ul a'batetic ta ch'ulchan ni ha'uc te Nich'anil, ha nax stuquel te Tatile.

Romanos 13:11

Ya sc'an te hich ya jpastic, te bin ut'il jna'ojtic bin c'ahc'alil ayotic ini, ha te bin ut'il yorahilix te ya jwic' jsitic te wayalotic, como nopol xan ay te jcoleltic te bin ut'il c'alal hahch jch'uhuntique.

San Mateo 24:44

Ha nix hichex, chapaluquex me, como ya xtal te Nich'anil ay ta scuenta winic te bin ora ma ba yac ana'belic a.

1 Pedro 5:8

P'ijanic me soc wic'sitaya me abahic, como te acontrahic, ha te pucuj, bayuc yac ta behel, hich te bin ut'il choj, ta slehel mach'a ya slajin.

1 Pedro 4:7

Nopol ya sta yorahil te ya xlaj spisil bintic ay; ha yu'un na'ahic me q'uinal soc wic'sitaya me abahic scuenta yu'un ya xhu' yac ac'oponic Dios.

San Mateo 24:43

Na'ahic me, te lajuc sna' te yajwal na te bin ora ya xtal j'elec', la sq'uehlan sit, ma ba la yac' ta elc'anel sbiluc te hichuque.

San Mateo 25:10

Pero c'alal bahemic ta smanel tal a, tal te mach'a ya xnuhpun. Te ach'ixetic te chapajtic la sjoquinic ochel te banti ya xc'oht te nuhpunel, soc la yich' maquel te ti'nahile.

San Lucas 21:34

Tsahtaya abahic te manchuc ya xbic'taj awo'tanic yu'un yac'oltayel cuxlejalil, yacubel soc sna'ulanel bin ut'il ya xcuxajex, yu'un ya xan awilic c'ohtix yorahil,