San Mateo 23:4 - Bible in Tzeltal Bachajón

⁴ Ya xchuquic ihcatsil te alic soc wocol ta ich'el bahel, ya ya'beyic ta snehquel te ants-winiquetic, pero ni jch'ixuc yal sc'ab ya scoltayic ta sliquel.

Nuevo Testamento Tzeltal de Amatenango

⁴ Jaꞌ pajal kꞌoemik sok te machꞌatik ya stsꞌalik ijkatsil te lom al ta kuchele, te jaꞌ ya yaꞌbe skuch te genteetike. Yan te stukelike ni ma skꞌan slik chꞌinuk ta yal skꞌabik.

Bible in Tzeltal de Oxchuc y Tenejapa

⁴ Ja' pajal c'oemic soc te mach'atic ya sts'alic ijc'atsil te c'ax al te ma xlijc' ta cuchele, te ja' ya yac'beyic xcuch te ants-winiquetique. Yan stuquelic ma xyac' jch'ixuc sbic'tal sc'abic ta sliquel.

San Mateo 23:4 Referans Kwoze

San Lucas 11:46

La yal te Jesús: ¡Ay me awocolic ha'ex maestrohetic yu'un te Ley! como te ihcatsil yac awa'beyic scuch te ants-winiquetic, ma xhu' yu'unic scuchel, soc te ha'exe, ni jch'ixuc yal ac'ab yac acoltayic a.

Hechos 15:10

Ha yu'un ¿bin yu'un yac atsajic te Diose, ha te yac awa'beyic ta snuc' te jnopojeletic jun yugo c'ohem yu'un ya scuchic te bin ma ba hu' scuchbelic te jme'jtatic soc te ho'otique?

Gálatas 6:13

como ni ha'uc ya sch'uhunic te Ley te mach'atic yich'ojic circuncisión; pero ya sc'anic te ha'ex yac awich'ic circuncisión yu'un hich ya xhu' ya stoy sbahic yu'un te bin awich'ojic ta abaq'uetalique.

San Mateo 23:23

¡Ay me awocolic, escribanohetic, fariseohetic, jchebal-o'tanex! como yac aloq'ues jun ta slajunebal te menta, anís, soc comino, pero yac awihquitayic te bin tulan sc'oblal ta Ley: ha te bin toj ta pasel, te c'uxultaywanej soc te sch'uhunel-o'tanil. Ha ya sc'an pasel soc nix te yane.

Apocalipsis 2:24

Yan te jayeb xan ayex ta Tiatira, te ma hichuc ay snopojibal awu'unic soc ma ba anopbeyejic te bin muquen ay yu'un te Satanás te ya yalic, hich ya calbeyex: Mayuc yan ihcatsil ya ca'beyex acuchic;

Hechos 15:28

Lec la ya'iy te Ch'ul Espíritu soc lec la jca'iycotic te mayuc bin ya ca'beyexcotic acuchic, ha nax ini:

Isaías 46:1

¡La squejan sba te Bel, la snijan sba te Nebo! Te loc'ombahetic yu'unic cuchbilic bahel ta chambahlametic, ta chambahlametic yu'un ihcatsijel. Al te bintic ya yich'ic cuchel, al ihcatsil yu'un te chambahlametic te luhbenique.

San Mateo 23:3

Ha yu'un spisil te bin ya yalbeyex apasic, ch'uhunahic spasel; pero ma me ha'uc xanopbeyic ya'telic, como ma ba ya spasic te bin ya yalique.

1 Juan 5:3

yu'un chican te c'ux ta co'tantic te Dios teme ya jch'uhumbetic te mandariletic yu'une. Ma ba wocol ta ch'uhunel te mandariletic yu'une,