San Mateo 23:26 - Bible in Tzeltal Bachajón

²⁶ ¡Ts'o'sit fariseo! ha nahil xapocbe te yutil te vaso soc te plato, scuenta yu'un hich pocbil ya xc'oht soc a te spate.

Nuevo Testamento Tzeltal de Amatenango

²⁶ Jaꞌat fariseo te chokate, nail xꞌapokbe yutil te platoe. Jich me pokbil ya xkꞌot euk te spate.

Bible in Tzeltal de Oxchuc y Tenejapa

²⁶ ¡Ma'sit fariseo! Neel xasapbey yutil te vasoe soc te platoe. Jich me lec ya xc'ot uuc te spate.

San Mateo 23:26 Referans Kwoze

Santiago 4:8

Nohpojanic ta stojol Dios, hich ya xnohpoj ta atojolic. Jmulawiletic, poca ac'abic; soc ha'ex te cheb awo'tanique, poca awo'tanic.

2 Corintios 7:1

Ha yu'un, quermanotac te c'uxex ta co'tane, te bin ut'il hich halbilotic yu'un Dios, ac'a jpoc jbahtic yu'un spisil bintic bohloben ta jbaq'uetaltic soc ta co'tantic; behbehuc me ac'a quich'tic ch'ultesel ta scuenta yich'el ta muc' te Diose.

Hebreos 10:22

Ha yu'un jun co'tantic ac'a nohpojucotic bahel ta stojol Dios soc lec sch'uhunel co'tantic, pocbiluc me loq'uel spisil sbohlil co'tantic soc pocbiluc ta lequil ha' te jbaq'uetaltique.

San Mateo 12:33

Teme lec te te', lec sit ya yac'; teme ma lecuc te te', ma lecuc te sit ya yac', como ta scuenta sit ya xna'bot sba te te'e.

Ezequiel 18:31

Ch'oja bahel spisil te bintic ac'axuntayejic te la atahic mulil yu'une, pasahic ta yach'il te awo'tanic soc yach'il espíritu awu'unic. ¿Bin yu'un ya xlajat, pueblo Israel?

Isaías 55:7

Te mach'a chopol yo'tan ac'a yihquitay te be yu'une, te mach'a ay mulil ta yo'tan, ac'a yihquitay te snopojibal yu'une; suhtanic tal ta stojol Jehová, hich me ya xc'uxultayot yu'un, suhtanic tal ta stojol te Dios cu'untic, te ha ya spas bayel perdón.

San Lucas 6:45

Te winic te lec yo'tan, ya sloq'ues tal te bin lec ay ta yo'tan. Yan te winic te ma lecuc yo'tan, ya sloq'ues tal te bin ma lecuc ay ta yo'tan, como ya xloc' tal ta ye te bin nojel ta yo'tane.

Jeremías 13:27

ha te antsiwej awu'un soc te xhilajanat, te schopolil antsiwej awu'un ta sba te tsehletic. La jquil ta aquiltic te bintic ilobtic sba awu'une. ¡Obol aba, Jerusalén! ¿Jayeb xan c'ahc'al te ma ba ya xlecub ac'oblale? xchi te Jehová.

Jeremías 4:14

Jerusalén, poca loq'uel te bin chopol ay ta awo'tan, yu'un hich ya xcolat. ¿Jayeb xan c'ahc'al ya xhil ta awo'tan te chopol snopojibal?

San Mateo 14:8

Te ach'ix, te bin ut'il nahil a'bot sna' yu'un te snan, hich la yal: Ich'bon tal ta plato te sjol te Juan te J'ac'-ich'-ha', xchi.

San Marcos 7:4

Soc te c'alal ya suhtic tal ta mercado, ma xwe'ic ha to teme la spoc sc'abic. Ay to bayel xan te bintic sch'uhunejic spasel, hich te bin ut'il spoquel vasohetic, q'uibetic soc te bintic ya xtuhun te pasticlambil ta cobre.)

San Lucas 11:39

Pero hich halbot yu'un te Cajwaltique: Ha'ex te fariseohex yac apocbeyic spat te vaso soc te plato, pero ta yutil nojel ta bic'tal-o'tanil soc ta bin chopol.