San Mateo 23:23 - Bible in Tzeltal Bachajón

²³ ¡Ay me awocolic, escribanohetic, fariseohetic, jchebal-o'tanex! como yac aloq'ues jun ta slajunebal te menta, anís, soc comino, pero yac awihquitayic te bin tulan sc'oblal ta Ley: ha te bin toj ta pasel, te c'uxultaywanej soc te sch'uhunel-o'tanil. Ha ya sc'an pasel soc nix te yane.

Nuevo Testamento Tzeltal de Amatenango

²³ “Ay pe jal jaꞌex, te maestroex yuꞌun te mantaliletike sok jaꞌex te fariseoexe, jaꞌex te ma tsaꞌamuk awoꞌtanike. Jich te jaꞌexe ya awaꞌbeyik smajtanin Dios jun ta slajunebal te atulpimil sok te ajoꞌoxe sok te akulantue. Yan te tut tulan skꞌoplal ta pasel te ya yal te mantaliletike, jaꞌ ma tulanuk skꞌoplal ta awoꞌtanik stukel. Jich tutꞌil ya skꞌan pasel te tut leke sok te ya xkꞌuxutaywanotike. Sok te ben jun koꞌtantik ya jchꞌuuntik te Diose. Jaꞌ to jaꞌ ya skꞌan ya apasik sok euk te yan te yipalex ta spasele.

Bible in Tzeltal de Oxchuc y Tenejapa

²³ ¡Ya me awil awocolic jts'ibojometic, fariseoetic te cha'lam awo'tanique! Melel ja' nax ya awac'beyic smajt'anin Dios jun ta slajunebal te yerbabuena, soc te eneldo soc te comino. Yan te bila muc' sc'oplal ta pasel te ya yal te mandalile, ja' ma'yuc sc'oplal ta awo'tanic stuquel, jich bit'il in to: ja' te bila toj ta pasele, te c'uxul-o'tanile, soc te xch'uunjel-o'tanile. Ja' ya sc'an pasel awu'unic, soc uuc te yan te yacalex ta pasele.

San Mateo 23:23 Referans Kwoze

San Lucas 11:42

¡Ay me awocolic, fariseohetic! como yac awac' jun ta slajunebal te menta, ruda soc spisil ta chahp ts'unubil itajetic, pero mayuc sc'oblal awu'unic te bin stojil ta pasel soc te sc'uxul yo'tan Dios. Ha ya sc'an yac apasic ini, soc ma ba yac awihquitayic spasel te yane.

Miqueas 6:8

Ha'at ants-winicat, te Jehová la yalbatix te bin lec, te bin ya sc'ambat ta atojol: ha te yac apas te bin toj ta pasel, te c'ux ta awo'tan te c'uxultaywanej, soc te peq'uel yac awac' aba ta stojol te Dios awu'une.

Oseas 6:6

Como ha ya jc'an c'uxul-o'tanil, ma ha'uc chic'bil mahtanil, c'ax hich ya jc'an te yac ana'be sba Dios te bin ut'il scohtol chic'bil mahtaniletic.

San Mateo 9:13

Bahanic, nopahic bin scuentahil te hich halbil: Ha ya jc'an te yac awa'iyic c'uxultaywanej, ma ha'uc ya jc'an milbil mahtanil, te xchihe. Como ma ha'uc tal quic'ticlan te mach'atic toj yo'tanic, ha tal quic' te jmulawiletique, xchi.

1 Samuel 15:22

Ha yu'un hich la sjac' te Samuel: ¿Ha bal c'ax lec xan yo'tan Jehová yu'un scohtol chic'bil mahtaniletic soc milbil mahtaniletic, te bin ut'il sch'uhumbeyel te sc'op Jehová? Ha lec xan a te xch'uhumbeyel smandar te bin ut'il a'beyel milbil mahtaniletic; soc ha lec xan a te a'iybeyel sc'op te bin ut'il sjuhp'el tuminchijetic.

Proverbios 21:3

Te spasel bintic toj soc lec, ha lec xan ya ya'iy a te Jehová te bin ut'il yaq'uel milbil mahtanil.

Levítico 27:30

Te jun ta slajunebal te bin ya xloc' ta lumq'uinal, chican teme sit ts'unub awalil o sit te'etic, ha yu'un Jehová stuquel, ha te bin ac'bil ta stojol Jehová.

San Lucas 18:12

Cheb buelta ya jcom jwe'el ta jujun semana, soc ya ca'be jun ta slajunebal spisil te bin ya jta, xchi.

San Mateo 12:7

Te ha'uc la ana'beyic scuentahil te hich ya yal: Ha ya jc'an te yac awa'iyic c'uxultaywanej, ma ha'uc ya jc'an milbil mahtaniletic, te xchihe, ma ba yac atojol-lehbeyic smul te mach'atic mayuc smulic te hichuque.

Isaías 28:25

C'alal pamalix a te sba, ¿ma bal yacuc slihlin te eneldo soc te comino, ya schol ta ts'unel te trigo ya slihlin te cebada ta lugar yu'un soc te avena ta sti'il?

Jeremías 22:3

Hich yaloj te Jehová: Stojil me xawa'iy chahpanwanej soc pasa te bin stojil ta pasele. Ac'ahic ta libre ta sc'ab te j'uts'inwanej te mach'a tembil ta uts'inel yu'un soc ma me xawelc'ambe sbiluc te jyanlum, te me'ba' soc te me'ba' ants, soc ma me xamalbe sch'ich'el ta lugar ini te mach'a mayuc smule.

San Mateo 23:13

Pero ¡ay me awocolic, escribanohetic, fariseohetic, jchebal-o'tanex! como yac amacbelic ta stojol ants-winiquetic te cuentahinel yu'un te ch'ulchane. Ma ba ya x'ochex ha'ex, soc ma ba yac awaq'uic ochel te mach'atic ya sc'an ya x'ochic.